മൂന്നാർ പെ​​​ട്ടി​​​മു​​​ടി ദു​​ര​​ന്തം:​ 26 മൃ​​​ത​​​ദേ​​​ഹ​​​ങ്ങ​​​ൾ ക​​​ണ്ടെ​​ടു​​​ത്തു
Sunday, August 9, 2020 1:05 AM IST
മൂ​ന്നാ​ർ:​ ഉ​റ്റ​വ​രെ​യും ഉ​ട​യ​വ​രെ​യും ന​ഷ്ട​പ്പെ​ട്ട കു​ടും​ബാം​ഗ​ങ്ങ​ളു​ടെ അ​ല​മു​റ​യ്ക്കി​ടെ രാ​ജ​മ​ല​യി​ലെ പെ​ട്ടി​മു​ടി​യി​ൽ കാ​ണാ​താ​യ​വ​ർ​ക്കു​വേ​ണ്ടി​യു​ള്ള തെ​ര​ച്ചി​ൽ ഉൗ​ർ​ജി​തം.​ ഇ​തു​വ​രെ 26 മൃ​ത​ദേ​ഹ​ങ്ങ​ൾ ക​ണ്ടെ​ടു​ത്തു.​

ഒ​ന്പ​തു മൃ​ത​ദേ​ഹ​ങ്ങ​ൾ ഇ​ന്ന​ലെ​യാ​ണു ക​ണ്ടെ​ടു​ത്ത​ത്.​അ​ഞ്ചു​പേ​രു​ടെ മൃ​ത​ദേ​ഹ​ങ്ങ​ൾ രാ​വി​ലെ പ​ത്തോ​ടെ​യും നാ​ലു പേ​രു​ടേത് വൈ​കു​ന്നേ​ര​വു​മാ​ണു ക​ണ്ടെ​ത്തി​യ​ത്.​ ഒ​രു സ്ത്രീ​യു​ടെ മൃ​ത​ദേ​ഹം തി​രി​ച്ച​റി​ഞ്ഞി​ട്ടി​ല്ല. ​ഇ​നി 40 പേ​രെ ക​ണ്ടെ​ത്താ​നു​ണ്ട്.​ ഇ​വ​ർ​ക്കാ​യി തെ​ര​ച്ചി​ൽ തു​ട​രു​ക​യാ​ണ്.​വ്യാ​ഴാ​ഴ്ച രാ​ത്രി 10.50നാ​ണ് പെ​ട്ടി​മു​ടി​യി​ൽ ഉ​രു​ൾ​പൊ​ട്ടി നാ​ലു​ ല​യ​ങ്ങ​ളി​ലെ 30 കു​ടും​ബ​ങ്ങ​ൾ മ​ണ്ണി​ന​ടി​യി​ൽ അ​ക​പ്പെ​ട്ട​ത്.​

വെ​ള്ളി​യാ​ഴ്ച രാ​വി​ലെ​യാ​ണ് പു​റം​ലോ​കം സം​ഭ​വം അ​റി​യു​ന്ന​ത്.​ തു​ട​ർ​ന്നു പോ​ലീ​സും ഫ​യ​ർ​ഫോ​ഴ്സും നാ​ട്ടു​കാ​രും ചേ​ർ​ന്ന് ര​ക്ഷാപ്ര​വ​ർ​ത്ത​നം ആ​രം​ഭി​ച്ചു.​അ​ന്നു വൈ​കു​ന്നേ​ര​ത്തോ​ടെ 17 മൃ​ത​ദേ​ഹ​ങ്ങ​ൾ ക​ണ്ടെ​ടു​ത്തു.​ തെ​ര​ച്ചി​ൽ ഇ​ന്ന​ലെ രാ​വി​ലെ പു​ന​രാ​രം​ഭി​ച്ചു.​ ഉ​ച്ച​യ്ക്കു ശേ​ഷം പ്ര​ദേ​ശ​ത്തു വീ​ണ്ടും മ​ഴ ആ​രം​ഭി​ച്ച​ത് തെ​ര​ച്ചി​ൽ ദു​ഷ്കര​മാ​ക്കി.​ വൈ​കു​ന്നേ​രം ആ​റോ​ടെ ഇ​ന്ന​ല​ത്തെ തെ​ര​ച്ചി​ൽ അ​വ​സാ​നി​പ്പി​ച്ചു.

ഉ​രു​ൾ​പൊ​ട്ടി​യ ഭാ​ഗ​ങ്ങ​ളി​ലൂ​ടെ ശ​ക്ത​മാ​യ നീ​രൊ​ഴു​ക്കു​ണ്ട്. പ്ര​ദേ​ശ​ത്ത് കൂ​റ്റ​ൻ പാ​റ​ക​ൾ വ​ന്ന​ടി​ഞ്ഞി​രി​ക്കു​ക​യാ​ണ്.​ദേ​ശീ​യ ദു​ര​ന്ത​നി​വാ​ര​ണ സേ​ന​യിലെ 58 പേ​രു​ടെ നേ​തൃ​ത്വ​ത്തി​ലാ​ണ് ഇ​ന്ന​ലെ തെ​ര​ച്ചി​ൽ ന​ട​ത്തി​യ​ത്. സ​ന്ന​ദ്ധ​പ്ര​വ​ർ​ത്ത​ക​രും ര​ക്ഷാ​പ്ര​വ​ർ​ത്ത​ന​ത്തി​നു നേ​തൃ​ത്വം ന​ൽ​കു​ന്നു​ണ്ട്.​


ദു​ര​ന്ത​മു​ഖ​ത്ത് ക​ർ​മ​നി​ര​ത​രാ​കാ​ൻ പ​രി​ശീ​ല​നം ല​ഭി​ച്ചി​ട്ടു​ള്ള 80 സി​വി​ൽ ഡി​ഫ​ൻ​സ് പ്ര​വ​ർ​ത്ത​ക​രും 19 പേ​ര​ട​ങ്ങു​ന്ന വ​നം വ​കു​പ്പി​ന്‍റെ സം​ഘ​വും, പോ​ലീ​സ്,അ​ഗ്നി​ശ​മ​ന​സേ​നാം​ഗ​ങ്ങ​ളു​ടെ​യും സ​ഹ​ക​ര​ണ​ത്തോ​ടെ​യാ​ണ് തെ​ര​ച്ചി​ൽ പു​രോ​ഗ​മി​ക്കു​ന്ന​ത്.​

17 മൃ​ത​ദേ​ഹ​ങ്ങ​ൾ കൂട്ടത്തോടെ സം​സ്ക​രി​ച്ചു

അടിമാലി:​പെ​ട്ടി​മു​ടി ദു​ര​ന്ത​ത്തി​ൽ വ്യാ​ഴാ​ഴ്ച ക​ണ്ടെ​ത്തി​യ 17 മൃ​ത​ദേ​ഹ​ങ്ങ​ൾ ​രാ​ജ​മ​ല​യി​ൽ ക​ണ്ണ​ൻ​ദേ​വ​ൻ ക​ന്പ​നി​യു​ടെ ആ​ശു​പ​ത്രി​യി​ൽ പോ​സ്റ്റ്മോ​ർ​ട്ട​ത്തി​നു ശേ​ഷം കാ​യി​ക മൈ​താ​ന​ത്തോ​ടു ചേ​ർ​ന്ന ഭാ​ഗ​ത്ത് കൂ​ട്ടസം​സ്കാ​രം ന​ട​ത്തി. ജെ​സി​ബി ഉ​പ​യോ​ഗി​ച്ച് ത​യാ​റാ​ക്കി​യ രണ്ടു കുഴി കളിലാണ് മൃതദേഹങ്ങൾ സംസ്കരി ച്ചത്.

അ​​​ഞ്ചു​​​ല​​​ക്ഷം രൂപ വീതം ന​​​ൽ​​​കും

തൊ​​​ടു​​​പു​​​ഴ:​ പെ​​​ട്ടി​​​മു​​​ടി​​​യി​​​ലെ ​ദു​​​ര​​​ന്ത​​​ത്തി​​​ൽ മ​​​ര​​​ണ​​​മ​​​ട​​​ഞ്ഞ​​​വ​​​രു​​​ടെ കു​​​ടും​​​ബാം​​​ഗ​​​ങ്ങ​​​ൾ​​​ക്ക് കെ​​​ഡി​​​എ​​​ച്ച്പി ക​​​ന്പ​​​നി അ​​​ഞ്ചു​​​ല​​​ക്ഷം വീ​​​തം ന​​​ൽ​​​കു​​​ം. ക​​​ന്പ​​​നി​​​യു​​​ടെ ക​​​ണ​​​ക്കു​​​ക​​​ൾ പ്ര​​​കാ​​​രം 25 പേ​​​രാ​​​ണ് തു​​​ക ല​​​ഭി​​​ക്കാ​​​ൻ അ​​​ർ​​​ഹ​​​രെ​​​ന്ന് ക​​​ന്പ​​​നി അ​​​ധി​​​കൃ​​​ത​​​ർ വ്യ​​​ക്ത​​​മാ​​​ക്കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.