ഇ-ലേലത്തിലൂടെ റബര്‍ വിപണി അട്ടിമറിക്കാനുള്ള നീക്കം എതിര്‍ക്കും: വി.സി. സെബാസ്റ്റ്യന്‍
Saturday, June 6, 2020 1:28 AM IST
കോ​ട്ട​യം: റ​ബ​ര്‍ വ്യാ​പാ​ര​ത്തി​ന് ഇ- ലേ​ല സം​വി​ധാ​ന​മൊ​രു​ക്കി റ​ബ​ര്‍വി​പ​ണി അ​ട്ടി​മ​റി​ച്ച് ക​ര്‍ഷ​ക​രെ ദ്രോ​ഹി​ക്കു​ന്ന ആ​സൂ​ത്രി​ത അ​ണി​യ​റ നീ​ക്ക​ത്തി​ല്‍നി​ന്ന് റ​ബ​ര്‍ബോ​ര്‍ഡ് പി​ന്മാ​റ​ണ​മെ​ന്നും ഇ​തി​നെ​തി​രേ ക​ര്‍ഷ​ക​ര്‍ സം​ഘ​ടി​ച്ച് നീ​ങ്ങ​ണ​മെ​ന്നും ഇ​ന്‍ഫാം ദേ​ശീ​യ സെ​ക്ര​ട്ട​റി ജ​ന​റ​ല്‍ ഷെ​വ​ലി​യ​ര്‍ അ​ഡ്വ. വി.​സി. സെ​ബാ​സ്റ്റ്യ​ന്‍ അ​ഭ്യ​ര്‍ഥി​ച്ചു.

റ​ബ​ര്‍ കാ​ര്‍ഷി​കോ​ത്പ​ന്ന​മാ​ക്കു​മെ​ന്നും ക​ര്‍ഷ​ക​ര്‍ ഉ​ത്പാ​ദ​നം കൂ​ട്ട​ണ​മെ​ന്നും അ​ടി​സ്ഥാ​ന​വി​ല പ്ര​ഖ്യാ​പി​ക്കു​മെ​ന്നും ഇ​റ​ക്കു​മ​തി നി​യ​ന്ത്രി​ക്കു​മെ​ന്നും തു​ട​ങ്ങി ക​ര്‍ഷ​ക സ്നേ​ഹം പ്ര​ഖ്യാ​പി​ച്ച് അ​വ​സാ​നം ക​ര്‍ഷ​ക​നെ ച​തി​ക്കു​ന്ന​തി​ന്‍റെ പു​തി​യ നീ​ക്ക​മാ​ണ് റ​ബ​ര്‍ ബോ​ര്‍ഡ് പ​ദ്ധ​തി​യാ​യ റ​ബ​ര്‍ ലേ​ലം. റ​ബ​ര്‍ ബോ​ര്‍ഡി​ലെ ഉ​ന്ന​ത​ര്‍ ത​ന്നെ​യാ​ണ് ക​ര്‍ഷ​ക​രെ ദ്രോ​ഹി​ച്ച് വ്യ​വ​സാ​യി​ക​ളെ സം​ര​ക്ഷി​ക്കാ​നു​ള്ള ഈ ​നീ​ക്ക​ത്തി​ന് ചു​ക്കാ​ന്‍ പി​ടി​ക്കു​ന്ന​ത്. റ​ബ​റി​ന് ഇ​ക്കാ​ല​മാ​യി​ട്ടും ന്യാ​യ​വി​ല പ്ര​ഖ്യാ​പി​ച്ചി​ട്ടി​ല്ല. ഒ​രു കി​ലോ​ഗ്രാം റ​ബ​റി​ന്‍റെ ഉ​ത്പാ​ദ​ന ചെ​ല​വ് 172 രൂ​പ​യാ​ണെ​ന്നു കേ​ന്ദ്ര​സ​ര്‍ക്കാ​രും റ​ബ​ര്‍ബോ​ര്‍ഡും രേ​ഖാ​മൂ​ലം പ​റ​ഞ്ഞി​ട്ടു​മു​ണ്ട്. കേ​ന്ദ്ര​സ​ര്‍ക്കാ​രി​ന്‍റെ കാ​ര്‍ഷി​ക ന​യ​പ്ര​കാ​രം ഉ​ത്പാ​ദ​ന ചെ​ല​വു​കൂ​ടാ​തെ അ​തി​ന്‍റെ 50 ശ​ത​മാ​നം​കൂ​ടി ക​ണ​ക്കാ​ക്കു​ന്ന​താ​ണ് ന്യാ​യ​വി​ല. അ​താ​യ​ത് റ​ബ​റി​ന് കി​ലോ​ഗ്രാ​മി​ന് 258 രൂ​പ. ഈ ​വി​ല അ​ടി​സ്ഥാ​ന വി​ല​യാ​യി പ്ര​ഖ്യാ​പി​ച്ച് ന​ട​പ്പി​ലാ​ക്കാ​തെ റ​ബ​ര്‍ ലേ​ല​ത്തി​ന് ഇ​റ​ങ്ങി​ത്തി​രി​ക്കു​ന്ന​തി​ന്‍റെ പി​ന്നി​ല്‍ രാ​ജ്യാ​ന്ത​ര വി​ല​യേ​ക്കാ​ള്‍ കു​റ​വി​ല്‍ ആ​ഭ്യ​ന്ത​ര വി​പ​ണി​യി​ല്‍ റ​ബ​ര്‍ ല​ഭ്യ​മാ​ക്കാ​നു​ള്ള അ​ജ​ൻ​ഡ​യാ​ണ്.

റ​ബ​ര്‍ ലേ​ല​ത്തി​ലൂ​ടെ റ​ബ​ര്‍ വി​പ​ണി ഒ​ന്നാ​കെ വ്യ​വ​സാ​യി​ക​ളു​ടെ കൈ​ക​ളി​ലേ​ക്ക് എ​ത്തി​ച്ചേ​രും. ചെ​റു​കി​ട റ​ബ​ര്‍വ്യാ​പാ​രി​ക​ള്‍ അ​പ്ര​ത്യ​ക്ഷ​രാ​കും. ഇ​ന്ത്യ​യി​ലെ പ്ര​ധാ​ന റ​ബ​ര്‍ വ്യ​വ​സാ​യി​ക​ള്‍ക്ക് വി​ല​പേ​ശി വി​ല​യി​ടി​ക്കു​വാ​ന്‍ റ​ബ​ര്‍ബോ​ര്‍ഡ് ഇ​ട​നി​ല​ക്കാ​രാ​വു​ന്ന ദു​ര​വ​സ്ഥ​യെ റ​ബ​ര്‍ ക​ര്‍ഷ​ക​ര്‍ നേ​രി​ടേ​ണ്ടി​വ​രും.


ഇ​ന്ത്യ​യി​ലെ ഇ​ത​ര നാ​ണ്യ​വി​ള​ക​ളു​ടെ ഇ- ​ലേ​ല വ്യാ​പാ​രം ഇ​തി​നോ​ട​കം വി​ല​ത്ത​ക​ര്‍ച്ച​യ്ക്കി​ട​യാ​ക്കി​യി​ട്ടു​ണ്ട്. റ​ബ​ര്‍ അ​വ​ധി വ്യാ​പാ​ര​വും ക​ര്‍ഷ​ക​ന് തി​രി​ച്ച​ടി​യാ​യി. രൂ​പ​യു​ടെ മൂ​ല്യ​ത്തി​ലു​ണ്ടാ​യ ഇ​ടി​വും കോ​വി​ഡ് 19ന്‍റെ പ്ര​ത്യാ​ഘാ​ത​ങ്ങ​ളും ആ​സി​യാ​ന്‍ രാ​ജ്യ​ങ്ങ​ളി​ലെ പ്ര​തി​സ​ന്ധി​ക​ളും ഇ​റ​ക്കു​മ​തി​ക്ക് ഭാ​വി​യി​ല്‍ പ്ര​ത്യാ​ഘാ​ത​ങ്ങ​ളു​ണ്ടാ​കും. ഈ ​സാ​ഹ​ച​ര്യ​ത്തി​ല്‍ ന്യാ​യ​മാ​യും ആ​ഭ്യ​ന്ത​ര വി​പ​ണി​യി​ല്‍ വി​ല ഉ​യ​രേ​ണ്ട​താ​ണ്. ഇ​തി​നെ അ​ട്ടി​മ​റി​ക്കാ​നു​ള്ള നീ​ക്ക​ത്തി​നാ​ണ് റ​ബ​ര്‍ബോ​ര്‍ഡ് റ​ബ​ര്‍ലേ​ല​ത്തി​ലൂ​ടെ ഒ​ത്താ​ശ ചെ​യ്യു​ന്ന​ത്.

ചെ​റു​കി​ട വ്യാ​പാ​രി​ക​ളി​ല്‍ നി​ന്ന് ന്യാ​യ​വി​ല പ്ര​ഖ്യാ​പി​ച്ച് റ​ബ​ര്‍ സം​ഭ​രി​ക്കാ​ന്‍ സം​സ്ഥാ​ന സ​ര്‍ക്കാ​ര്‍ ത​യാ​റാ​ക​ണം. സ​ര്‍ക്കാ​ര്‍ സം​വി​ധാ​ന​ത്തി​ല്‍ നി​ന്ന് വ്യ​വ​സാ​യി​ക​ള്‍ റ​ബ​ര്‍ വാ​ങ്ങു​ന്ന ക്ര​മീ​ക​ര​ണ​വും രൂ​പ​പ്പെ​ട​ണം. റ​ബ​ര്‍ ആ​ക്ടി​ല്‍ തു​ട​ര്‍ച്ച​യാ​യി വ​രു​ത്തി​ക്കൊ​ണ്ടി​രി​ക്കു​ന്ന ഭേ​ദ​ഗ​തി​ക​ളും കോ​ട​തി​വ്യ​വ​ഹാ​ര​ങ്ങ​ളി​ല്‍ ക​ര്‍ഷ​ക​രെ പ്ര​തി​സ​ന്ധി​യി​ലാ​ക്കും. ഉ​ത്ത​രേ​ന്ത്യ​ന്‍ സ​ര്‍ക്കാ​രു​ക​ള്‍ പ​രു​ത്തി ക​ര്‍ഷ​ക​ര്‍ക്കു​വേ​ണ്ടി എ​ടു​ക്കു​ന്ന ഉ​റ​ച്ച നി​ല​പാ​ടു​ക​ള്‍ സം​സ്ഥാ​ന സ​ര്‍ക്കാ​രും മാ​തൃ​ക​യാ​ക്കി അ​ടി​യ​ന്ത​ര ഇ​ട​പെ​ട​ലു​ക​ള്‍ ന​ട​ത്ത​ണ​മെ​ന്നും വി.​സി. സെ​ബാ​സ്റ്റ്യ​ന്‍ ആ​വ​ശ്യ​പ്പെ​ട്ടു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.