ലോക്ക്ഡൗൺ: അ​നാ​ഥാ​ല​യ​ങ്ങ​ൾ പട്ടിണിയിലേക്ക്
Friday, April 3, 2020 1:08 AM IST
തി​​രു​​വ​​ന​​ന്ത​​പു​​രം: കോ​​വി​​ഡ്-19 വ്യാ​​പ​​നം ത​ട​യു​ന്ന​തി​നു പ്ര​ഖ്യാ​പി​ച്ച ലോ​ക്ക് ഡൗ​ൺ അ​ട​ക്ക​മു​ള്ള നി​യ​ന്ത്ര​ണ​ങ്ങ​ൾ അ​​നാ​​ഥ​​രെ സം​​ര​​ക്ഷി​​ക്കു​​ന്ന സ്ഥാ​​പ​​ന​​ങ്ങ​​ൾ​​ക്കു തീ​രാ​ദു​​രി​​ത​​മാ​​യി. കേ​​ര​​ള​​ത്തി​​ൽ ര​​ണ്ടാ​​യി​​ര​​ത്തോ​​ളം സ്ഥാ​​പ​​ന​​ങ്ങ​​ളാ​​ണ് ഓ​​ർ​​ഫ​​നേ​​ജ് ക​​ണ്‍​ട്രോ​​ൾ ബോ​​ർ​​ഡ് അം​​ഗീ​​കാ​​ര​​ത്തോ​ടെ പ്ര​​വ​​ർ​​ത്തി​​ക്കു​​ന്ന​​ത്. ഭി​​ന്ന​​ശേ​​ഷി​​ക്കാ​​രു​​ടെ സ്ഥാ​​പ​​ന​​ങ്ങ​​ൾ, സൈ​​ക്കോ സോ​​ഷ്യ​​ൽ സ്ഥാ​​പ​​ന​​ങ്ങ​​ൾ, വ​യോ​ധി​ക​രാ​യ മാ​​താ​​പി​​താ​​ക്ക​​ളെ സം​​ര​​ക്ഷി​​ക്കു​​ന്ന സ്ഥാ​​പ​​ന​​ങ്ങ​​ൾ, മാ​​താ​​ക്ക​​ൾ​​ക്കും കു​​ഞ്ഞു​​ങ്ങ​​ൾ​​ക്കും വേ​​ണ്ടി​​യു​​ള്ള സ്ഥാ​​പ​​ന​​ങ്ങ​​ൾ എന്നിവയും ആ​ൽ​സ്ഹൈ​മേ​​ഴ്സ്, പാ​​ലി​​യേ​​റ്റി​​വ് കെ​​യ​​ർ തു​​ട​​ങ്ങി വി​​വി​​ധ ബ​​യോ​​വി​​ഭാ​​ഗ​​ത്തി​​ലു​​ള്ള അ​​ഗ​​തി​​ക​​ളാ​​യ സ​​ഹോ​​ദ​​രീ സ​​ഹോ​​ദ​​ര​​ന്മാ​​രെ സം​​ര​​ക്ഷി​​ക്കു​​ന്ന സ്ഥാ​​പ​​ന​​ങ്ങ​​ളും പ്ര​​വ​​ർ​​ത്തി​​ക്കു​​ന്ന​​ത്.

സ​ഹാ​യം നി​ല​ച്ചു

പൊ​​തു​​ജ​​ന സ​​ഹാ​​യ​​ത്താ​​ലാ​​ണ് എ​​ല്ലാ സ്ഥാ​​പ​​ന​​ങ്ങ​​ളു​​ടെ​​യും പ്ര​​വ​​ർ​​ത്ത​​നം. സ​​ർ​​ക്കാ​​രി​​ന്‍റെ തു​​ച്ഛ​​മാ​​യ ഗ്രാ​​ന്‍റ് ഏ​​താ​​നും സ്ഥാ​​പ​​ന​​ങ്ങ​​ൾ​​ക്കു മാ​​ത്ര​​മാ​​ണു ല​​ഭി​​ക്കു​​ന്ന​​ത്. സ​​ന്ന​​ദ്ധ സം​​ഘ​​ട​​ന​​ക​​ൾ ന​​ല്ല​​വ​​രാ​​യ വ്യ​​ക്തി​​ക​​ളു​​ടെ സാ​​ന്പ​​ത്തി​​ക, ഇ​​ത​​രസ​​ഹാ​​യ സ​​ഹ​​ക​​ര​​ണ​​ങ്ങ​​ളി​​ലൂ​​ടെ​​യാ​​ണു​ന​​ട​​ത്തി​ക്കൊ​​ണ്ടു​​പോ​​കു​​ന്ന​​ത്. ഇ​​പ്പോ​​ഴ​​ത്തെ പ്ര​​ത്യേ​​ക സാ​​ഹ​​ച​​ര്യ​​ത്തി​​ൽ പൊ​​തു​​സ​​മൂ​​ഹ​​ത്തി​​നു സ്ഥാ​​പ​​ന​​ങ്ങ​​ളി​​ലേ​​ക്കു വ​​രാ​​ൻ ക​ഴി​യു​ന്നി​ല്ല. പൊ​​തു​​ജ​​ന​​ങ്ങ​​ളു​​ടെ പ​​ക്ക​​ൽ​​നി​​ന്നു ഭ​​ക്ഷ​​ണ​​മാ​​യും വ​​സ്ത്ര​​മാ​​യും മ​​രു​​ന്നാ​​യും സാ​​ന്പ​​ത്തി​​ക​​മാ​​യും ല​​ഭി​​ച്ചി​​രു​​ന്ന എ​​ല്ലാ സ​​ഹാ​​യ​​ങ്ങ​​ളും നി​​ല​​ച്ചു. ഈ ​സാ​ഹ​ച​ര്യ​ത്തി​ൽ സ​ർ​ക്കാ​ർ ഇ​വ​യെ സ​ഹാ​യി​ക്കാ​ൻ നി​ല​പാ​ടെ​ടു​ക്ക​ണ​മെ​ന്നാ​ണ് ആ​വ​ശ്യം.


സൗജന്യമില്ല

സ​​പ്ലൈകോ​​യി​​ലൂടെ​​യും സി​​വി​​ൽ സ​​പ്ലൈ​​സി​​ലൂടെ​​യും എ​​ല്ലാ എ​​പി​​എ​​ൽ ബി​​പി​​എ​​ൽ കാ​​ർ​​ഡു​​ട​​മക​​ൾ​​ക്ക് അ​​രി​​യും പ​​ല​​വ്യ​​ഞ്ജ​​ന​​ങ്ങ​​ളും ന​​ൽ​​കാ​​മെ​ന്നു പ​​റ​​യു​​ക​​യും ന​​ട​​പ​​ടി​ ആ​​രം​​ഭി​​ക്കു​​ക​​യും ചെ​​യ്തു. എ​ന്നാ​ൽ, പ്ര​തി​സ​ന്ധി​യി​ലാ​യ ഈ സ്ഥാ​പ​ന​ങ്ങ​ളെ സ​ഹാ​യി​ക്കാ​ൻ യാ​തൊ​രു ന​ട​പ​ടി​ക​ളും ഇ​തു​വ​രെ പ്ര​ഖ്യാ​പി​ച്ചി​ട്ടി​ല്ല. ഗ​​വ​​ണ്‍​മെ​​ന്‍റ് ന​​ൽ​​കാ​​നു​​ള്ള ഗ്രാ​​ന്‍റും ഇ​​തു​​വ​​രെ ല​​ഭി​​ച്ചി​​ട്ടി​​ല്ല. പ്ര​​ത്യേ​​കി​​ച്ചു സൈ​​ക്കോ​സോ​​ഷ്യ​​ൽ സ്ഥാ​​പ​​ന​​ങ്ങ​​ൾ​​ക്കു​​ള്ള ഗ്രാ​​ന്‍റ് മാ​​സ​​ങ്ങ​​ൾ​​ക്കു മു​​ന്പേ അ​​നു​​വ​​ദി​​ച്ച​​താ​​ണെ​​ങ്കി​​ലും ഇ​​തു​​വ​​രെ സ്ഥാ​​പ​​ന​​ങ്ങ​​ൾ​​ക്കു ല​​ഭി​​ച്ചി​​ട്ടി​​ല്ല. നി​​ല​​വി​​ൽ ഓ​​ർ​​ഫ​​നേ​​ജ് ക​​ണ്‍​ട്രോ​​ൾ ബോ​​ർ​​ഡ് രൂ​​പീ​​ക​​രി​​ക്കാ​​ത്ത​​തി​​നാ​​ൽ ബോ​​ർ​​ഡി​​ന്‍റെ പ്ര​​വ​​ർ​​ത്ത​​നം സ്തം​​ഭി​​ച്ചി​​രി​​ക്കു​​ക​​യാ​​ണ്.

സ്ഥാ​​പ​​ന​​ങ്ങ​​ൾ പു​​തു​​ക്കാ​നോ പു​​തി​​യ​​തി​​ന് അം​​ഗീ​​കാ​​രം നേ​ടാ​നോ ക​​ഴി​​യു​​ന്നി​​ല്ല. റേ​​ഷ​​ൻ ഉ​​ൾ​​പ്പെ​​ടെ​​യു​​ള്ള സാ​​ധ​​ന​​ങ്ങ​​ളോ ഗ്രാ​ന്‍റോ ല​​ഭി​​ക്കു​​ന്നി​​ല്ല. ഓ​​ർ​​ഫ​​നേ​​ജ് ക​​ണ്‍​ട്രോ​​ൾ ബോ​​ർ​​ഡി​​ന്‍റെ കീ​​ഴി​​ൽ 40 കൗ​​ണ്‍​സ​ല​ർ​മാ​രു​ണ്ട്. പ​​ത്തു​ മാ​​സ​​മാ​​യി ഇ​​വ​​ർ​​ക്കു ശ​മ്പ​ളം ല​​ഭി​​ച്ചി​​ട്ടി​​ല്ല. മ​​റ്റ് വി​​ഭാ​​ഗ​​ങ്ങ​​ളേ​ക്കാ​​ൾ ഏ​​റ്റ​​വും പ​​രി​​ഗ​​ണ​​ന ല​​ഭി​​ക്കേ​​ണ്ട ഈ ​​ധ​​ർ​​മ ​സ്ഥാ​​പ​​ന​​ങ്ങ​​ളു​​ടെ കാ​​ര്യ​​ങ്ങ​​ൾ അ​​ടി​​യ​​ന്ത​ര​​മാ​​യി സ​​ർ​​ക്കാ​​ർ പ​​രി​​ഗ​​ണി​​ക്ക​​ണ​മെ​ന്നാ​ണ് ആ​വ​ശ്യം. ഭ​​ക്ഷ​​ണം, മ​​രു​​ന്ന്, വ​​സ്ത്രം തു​​ട​​ങ്ങി​​യ​വ ല​ഭി​ക്കാ​ൻ സ​ഹാ​യി​ക്ക​ണ​മെ​ന്നും ഇ​വ​ർ ആ​വ​ശ്യ​പ്പെ​ടു​ന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.