Kerala News
അ​തി​ഥിത്തൊ​ഴി​ലാളികൾ ലോ​ക്ക് ഡൗ​ണ്‍ ലം​ഘി​ച്ച് തെരുവിൽ
അ​തി​ഥിത്തൊ​ഴി​ലാളികൾ ലോ​ക്ക് ഡൗ​ണ്‍ ലം​ഘി​ച്ച് തെരുവിൽ
Monday, March 30, 2020 1:00 AM IST
ച​ങ്ങ​നാ​ശേ​രി: കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളു​ടെ ലോ​ക്ക് ഡൗ​ണ്‍ നി​ബ​ന്ധ​ന ലം​ഘി​ച്ചു പാ​യി​പ്പാ​ട് ജം​ഗ​ഷ​നി​ൽ ആ​യി​ര​ക്ക​ണ​ക്കി​ന് അ​തി​ഥി തൊ​ഴി​ലാ​ളി​ക​ൾ തെ​രു​വി​ലി​റ​ങ്ങി.

ഇ​ന്ന​ലെ രാ​വി​ലെ മു​ത​ൽ വി​വി​ധ ക്യാ​ന്പു​ക​ളി​ൽ സം​ഘ​ടി​ച്ച മൂ​വാ​യി​ര​ത്തി​ലേ​റെ വ​രു​ന്ന തൊ​ഴി​ലാ​ളി​ക​ളാ​ണ് 11.45നു ​പാ​യി​പ്പാ​ട് ജം​ഗ്ഷ​നി​ലേ​ക്കു പ്ര​ക​ട​ന​മാ​യി എ​ത്തി​യ​ത്. പി​ന്നി​ൽ ആ​സൂ​ത്രി​ത നീ​ക്ക​മു​ണ്ടെ​ന്ന സൂ​ച​ന ല​ഭി​ച്ച​തി​നെ​ത്തു​ട​ർ​ന്ന് അ​ന്വേ​ഷി​ക്കാ​ൻ ജി​ല്ലാ പോ​ലീ​സ് മേ​ധാ​വി ജി. ​ജ​യ്ദേ​വി​നെ ചു​മ​ത​ല​പ്പെ​ടു​ത്തി​യ​താ​യി ജി​ല്ലാ ക​ള​ക്‌​ട​ർ പി.​കെ. സു​ധീ​ർ ബാ​ബു പ​റ​ഞ്ഞു.

ആ​ഹാ​ര സാ​ധ​ന​ങ്ങ​ളും വെ​ള്ള​വും എ​ത്തി​ക്കു​ക, പ​ശ്ചി​മ ബം​ഗാ​ളി​ലേ​ക്കു പോ​കാ​ൻ ട്രെ​യി​ൻ സ​ർ​വീ​സ് ഏ​ർ​പ്പെ​ടു​ത്തു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ചാ​യി​രു​ന്നു പ്ര​തി​ഷേ​ധം. തൃ​ക്കൊ​ടി​ത്താ​നം സി​ഐ സാ​ജു വ​ർ​ഗീ​സി​ന്‍റെ നേ​തൃ​ത്വ​ത്തി​ൽ പോ​ലീ​സ് എ​ത്തി​യെ​ങ്കി​ലും പി​രി​ച്ചു​വി​ടാ​നാ​യി​ല്ല.

ച​ങ്ങ​നാ​ശേ​രി ഡി​വൈ​എ​സ്പി എ​സ്. സു​രേ​ഷ് കു​മാ​റി​ന്‍റെ നേ​തൃ​ത്വ​ത്തി​ൽ കൂ​ടു​ത​ൽ പോ​ലീ​സ് എ​ത്തി​യി​ട്ടും പ്ര​തി​ഷേ​ധം അ​വ​സാ​നി​ച്ചി​ല്ല. ആ​വ​ശ്യ​ങ്ങ​ൾ മ​ന​സി​ലാ​യെ​ന്നും ക്യാ​ന്പി​ലേ​ക്കു പി​ന്മാ​റ​ണ​മെ​ന്നും ച​ങ്ങ​നാ​ശേ​രി ത​ഹ​സി​ൽ​ദാ​ർ ജി​നു പു​ന്നൂ​സ് ഹി​ന്ദി​യി​ലും ബം​ഗാ​ളി ഭാ​ഷ​യി​ലും പ​രി​ഭാ​ഷ​ക​നെ​കൊ​ണ്ട് മൈ​ക്കി​ൽ അ​നൗ​ണ്‍​സ് ചെ​യ്തെ​ങ്കി​ലും പ്ര​ക​ട​ന​ക്കാ​ർ പി​ന്മാ​റി​യി​ല്ല.

തി​രു​വ​ല്ല ന​ഗ​ര​സ​ഭാ പ​രി​ധി​യി​ലെ വി​വി​ധ ക്യാ​ന്പു​ക​ളി​ലെ കൂ​ടു​ത​ൽ പേ​ർ ക​വ​ല​യി​ലേ​ക്ക് എ​ത്തി​യ​തു സം​ഘ​ർ​ഷം വ​ർ​ധി​പ്പി​ച്ചു. സ്ഥി​തി​ഗ​തി​ക​ൾ വ​ഷ​ളാ​യ​തി​നെ​ത്തു​ട​ർ​ന്നു സ​ർ​ക്കാ​ർ നി​ർ​ദേ​ശ​പ്ര​കാ​രം കോ​ട്ട​യം ജി​ല്ല​യു​ടെ ചു​മ​ത​ല​യു​ള്ള മ​ന്ത്രി പി. ​തി​ലോ​ത്ത​മ​ൻ കോ​ട്ട​യ​ത്തെ​ത്തി ജി​ല്ലാ ക​ള​ക്ട​ർ പി.​കെ. സു​ധീ​ർ ബാ​ബു​വു​മാ​യി ച​ർ​ച്ച​ന​ട​ത്തി.


1.30നു ​കോ​ട്ട​യം ജി​ല്ലാ ക​ള​ക്ട​ർ പി.​കെ. സു​ധീ​ർ​ബാ​ബു, പ​ത്ത​നം​തി​ട്ട ജി​ല്ലാ ക​ള​ക്ട​ർ പി.​ബി. നൂ​ഹ്, കോ​ട്ട​യം ജി​ല്ലാ പോ​ലീ​സ് ചീ​ഫ് ജി. ​ജ​യ​ദേ​വ്, ജി​ല്ലാ ലേ​ബ​ർ ഓ​ഫീ​സ​ർ വി​നോ​ദ്, പാ​യി​പ്പാ​ട് പ​ഞ്ചാ​യ​ത്ത് പ്ര​സി​ഡ​ന്‍റ് സ്വ​പ്ന ബി​നു, ച​ങ്ങ​നാ​ശേ​രി ത​ഹ​സി​ൽ​ദാ​ർ ജി​നു പു​ന്നൂ​സ് എ​ന്നി​വ​ർ സം​ഭ​വ​സ്ഥ​ല​ത്തെ​ത്തി തൊ​ഴി​ലാ​ളി​ക​ളു​മാ​യി ച​ർ​ച്ച ന​ട​ത്തി.

മു​ഴു​വ​ൻ തൊ​ഴി​ലാ​ളി​ക​ൾ​ക്കും ആ​വ​ശ്യ​മാ​യ ആ​ഹാ​ര​സാ​ധ​ന​ങ്ങ​ളും വെ​ള്ള​വും ചി​കി​ത്സ​യും ന​ൽ​കു​മെ​ന്ന് അ​ധി​കാ​രി​ക​ൾ ഉ​റ​പ്പു​ന​ൽ​കി. ലോ​ക്ക് ഡൗ​ണ്‍ നി​ല​വി​ലു​ള്ള​തി​നാ​ൽ തൊ​ഴി​ലാ​ളി​ക​ളെ ബം​ഗാ​ളി​ലേ​ക്കു തി​രി​ച്ച​യ​യ്ക്കാ​നാ​വി​ല്ലെ​ന്നും ലോ​ക്ക് ഡൗ​ണ്‍ പി​ൻ​വ​ലി​ക്കു​ന്ന മു​റ​യ്ക്കു സാ​ഹ​ച​ര്യ​മൊ​രു​ക്കു​മെ​ന്നും ജി​ല്ലാ ക​ള​ക്ട​ർ ഉ​റ​പ്പു ന​ൽ​കി. ലോ​ക്ക് ഡൗ​ൺ ലം​ഘി​ച്ച 2000 ത്തോ​ളം തൊ​ഴി​ലാ​ളി​ക​ൾ​ക്കെ​തി​രേ കേ​സെ​ടു​ത്തു.

സം​ഭ​വ​ത്തി​ൽ ഗൂ​ഢാ​ലോ​ച​ന​യു​ണ്ടെ​ന്നും ചി​ല വാ​ട്ട്സ് ആ​പ് സ​ന്ദേ​ശ​ങ്ങ​ളെ​ത്തു​ട​ർ​ന്നാ​ണ് തൊ​ഴി​ലാ​ളി​ക​ൾ സം​ഘ​ടി​ച്ച​തെ​ന്ന സൂ​ച​ന​യും ല​ഭി​ച്ചി​ട്ടു​ണ്ട്.

മ​ന്ത്രി തി​ലോ​ത്ത​മ​ൻ പാ​യി​പ്പാ​ട്ട് എ​ത്തി സ്ഥി​തി​ഗ​തി​ക​ൾ വി​ല​യി​രു​ത്തി. അ​വ​രു​ടെ രു​ചി​ക്കി​ണ​ങ്ങി​യ ആ​ഹാ​ര​സാ​ധ​ന​ങ്ങ​ൾ ഉ​ൾ​പ്പെ​ടു​ന്ന കി​റ്റ് സം​സ്ഥാ​ന സ​ർ​ക്കാ​ർ ന​ൽ​കു​മെ​ന്നു ച​ങ്ങ​നാ​ശേ​രി ടി​ബി​യി​ൽ ന​ട​ന്ന ച​ർ​ച്ച​യ്ക്കു ശേ​ഷം മ​ന്ത്രി പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.