നാല് ഉദ്യോഗസ്ഥർക്കു സസ്പെൻഷൻ : Deepika.com Kerala News |

Click here for detailed news of all items

നാല് ഉദ്യോഗസ്ഥർക്കു സസ്പെൻഷൻ

Friday, December 13, 2019 11:36 PM IST

കൊച്ചി: പാലാരിവട്ടം മെട്രോ സ്റ്റേഷനടുത്ത് റോഡിലെ കുഴിയിൽ വീണ് ബൈക്ക് യാത്രക്കാരനായ യുവാവ് മരിച്ച സംഭവത്തിൽ നാലു പൊതുമരാമത്ത് വകുപ്പ് ഉദ്യോഗസ്ഥരെ സസ്പെൻഡ് ചെയ്തു.

കുഴിക്കു സമീപം അപകടമുന്നറിയിപ്പ് ബോർഡ് സ്ഥാപിക്കാതെയും ബാരിക്കേഡ് നിർമിക്കാതെയും കൃത്യനിർവഹണത്തിൽ വീഴ്ച വരുത്തിയ എറണാകുളം നിരത്ത് വിഭാഗം അസിസ്റ്റന്‍റ് എക്സിക്യൂട്ടീവ് എൻജിനിയർ സൂസൻ സോളമൻ തോമസ്, നിരത്ത് വിഭാഗം എറണാകുളം സെക്ഷൻ അസിസ്റ്റന്‍റ് എൻജിനിയർ കെ.എൻ. സുർജിത്, എറണാകുളം നിരത്ത് പരിപാലന വിഭാഗം അസിസ്റ്റന്‍റ് എക്സിക്യൂട്ടീവ് എൻജിനിയർ ഇ.പി. സൈനബ, എറണാകുളം നിരത്ത് പരിപാലന വിഭാഗം അസിസ്റ്റന്‍റ് എൻജിനിയർ ടി.കെ. ദീപ എന്നിവരെയാണ് സർവീസിൽനിന്ന് സസ്പെൻഡ് ചെയ്യാൻ പൊതുമരാമത്ത് വകുപ്പ് മന്ത്രി ജി. സുധാകരൻ നിർദേശം നൽകിയത്.

റോഡുകളിൽ അപകടകരമായ കുഴികൾ ഉണ്ടാകുന്പോൾ മുന്നറിയിപ്പ് നൽകണമെന്നും ബാരിക്കേഡ് നിർമിക്കണമെന്നും സർക്കാർ നിർദേശം നൽകിയിട്ടുണ്ട്. എന്നാൽ നിർദേശം ഉദ്യോഗസ്ഥർ പാലിച്ചില്ലെന്നാണ് പ്രാഥമിക വിലയിരുത്തൽ. സംഭവം വിശദമായി അന്വേഷിക്കുന്നതിന് പൊതുമരാമത്ത് വകുപ്പ് ഡെപ്യൂട്ടി ചീഫ് എൻജിനിയറെ (വിജിലൻസ്) ചുമതലപ്പെടുത്തി.

റോഡുകളിൽ അപകടകരമായ സാഹചര്യമുണ്ടായാൽ ഉടൻ അപകടമുന്നറിയിപ്പ് ബോർഡും ബാരിക്കേഡും സ്ഥാപിച്ച് അപകടങ്ങൾ ഒഴിവാക്കണമെന്ന് സംസ്ഥാനത്തെ എല്ലാ എൻജിനിയർമാർക്കും മന്ത്രി നിർദേശം നൽകി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.