പൗരസ്ത്യ വിദ്യാപീഠത്തിൽ ബൈബിൾ സിന്പോസിയം ഇന്ന് സമാപിക്കും : Deepika.com Kerala News |

Click here for detailed news of all items

പൗരസ്ത്യ വിദ്യാപീഠത്തിൽ ബൈബിൾ സിന്പോസിയം ഇന്ന് സമാപിക്കും

Wednesday, December 11, 2019 12:25 AM IST

കോട്ടയം: വടവാതൂർ പൗരസ്ത്യ വിദ്യാപീഠത്തിൽ “ബൈബിൾ വ്യാഖ്യാനം ആധുനിക യുഗത്തിൽ’ എന്ന വിഷയത്തിൽ ദ്വിദിന ബൈബിൾ സിന്പോസിയം മാർ ജോർജ് പുന്നക്കോട്ടിൽ ഉദ്ഘാടനം ചെയ്തു. ജീവിതത്തിൽനിന്നു വിരമിക്കലുണ്ടെങ്കിലും ബൈബിൾ വായനയിലും പഠനത്തിലുംനിന്ന് വിശ്വാസിക്ക് ഒരിക്കലും വിരമിക്കലില്ലെന്നും ബൈബിൾ വ്യാഖ്യാനിക്കുകയെന്നതു സഭയുടെ ഉത്തരവാദിത്വമാണെന്നും അദ്ദേഹം ഉദ്ബോധിപ്പിച്ചു.

വിദ്യാപീഠം പ്രസിഡന്‍റ് റവ.ഡോ. ആൻഡ്രൂസ് മേക്കാട്ടുകുന്നേൽ, സെന്‍റ് തോമസ് അപ്പസ്തോലിക് സെമിനാരി റെക്ടർ റവ. ഡോ. ജോയി ഐനിയാടൻ, റവ. ഡോ. സിറിയക്ക് വലിയകുന്നുംപുറത്ത്, ഡീക്കൻ റ്റിനു പനച്ചിക്കൽ എന്നിവർ പ്രസംഗിച്ചു. ബിഷപ് ഡോ. ജയിംസ് ആനാപറന്പിൽ, റവ.ഡോ. തോമസ് കരിമുക്കൽ എസ്.ജെ, റവ. ഡോ. ലൂക്ക് തടത്തിൽ, പ്രഫ. അരിയേൽ സിയോണ്‍, റവ. ഡോ. ആൻഡ്രൂസ് മേക്കാട്ടുകുന്നേൽ, റവ. ഡോ. സെബാസ്റ്റ്യൻ കുറ്റിയാനിക്കൽ എന്നിവർ പ്രബന്ധങ്ങൾ അവതരിപ്പിച്ചു. ഇന്ന് റവ.ഡോ. മാത്യു ഓലിക്കൽ, റവ. ഡോ. മോത്തി വർക്കി, റവ. ഡോ. ആന്‍റണി തറേക്കടവിൽ, റവ. ഡോ. ജോഷി മയ്യാറ്റിൽ എന്നിവർ പ്രബന്ധങ്ങൾ അവതരിപ്പിക്കും. മാർ ജോസ് പുളിക്കൽ മോഡറേറ്ററായിരിക്കും. മാർ ജോസ് പുളിക്കലിന്‍റെ അധ്യക്ഷതയിൽ ചേരുന്ന സമാപന സമ്മേളനത്തിൽ റവ. ഡോ. തോമസ് വടക്കേൽ പ്രഭാഷണം നടത്തും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.