Kerala News
ധാ​​ർ​​മി​​ക​​രോ​​ഷ​​ത്തോ​​ടെ കു​​ട്ട​​നാ​​ട്ടു​​കാ​​ർ ; ഇനിയെങ്കിലും മുങ്ങിച്ചാകാതിരിക്കാൻ...
ധാ​​ർ​​മി​​ക​​രോ​​ഷ​​ത്തോ​​ടെ കു​​ട്ട​​നാ​​ട്ടു​​കാ​​ർ ; ഇനിയെങ്കിലും മുങ്ങിച്ചാകാതിരിക്കാൻ...
Thursday, December 5, 2019 11:49 PM IST
ദീ​പി​ക​യി​ൽ പ്ര​സി​ദ്ധീ​ക​രി​ച്ച കു​ട്ട​നാ​ട് പ​ര​മ്പ​ര ഓ​ണ്‍ലൈ​നി​ലാ​ണ് വാ​യി​ച്ച​ത്. തു​ട​ർ​ന്നു​വ​ന്ന പ്ര​തി​ക​ര​ണ​ങ്ങ​ളും വാ​യി​ച്ചു. പ​ര​മ്പ​ര​യി​ലും പ്ര​തി​ക​ര​ണ​ങ്ങ​ളി​ലും വ​ന്ന നി​ര്‍ദേ​ശ​ങ്ങ​ള്‍ എ​ത്ര​യും വേ​ഗം ന​ട​പ്പാ​ക്കു​ക​യാ​ണ് വേ​ണ്ട​ത്. അ​ത് കു​ട്ട​നാ​ടി​നു തീ​ര്‍ച്ച​യാ​യും ഗു​ണം ചെ​യ്യും.
ക​മ്മീ​ഷ​ന​ടി​ക്കു​ന്ന​തി​നും വീ​തം വ​യ്ക്ക​ലി​നും കൈ​യി​ട്ടു വാ​ര​ലി​നും വേ​ണ്ടി​യു​ള്ള​താ​ക​രു​ത് വി​ക​സ​ന​പ​ദ്ധ​തി​ക​ള്‍. ഖ​ജ​നാ​വി​ല്‍നി​ന്നും കു​ട്ട​നാ​ടി​നു​വേ​ണ്ടി അ​നു​വ​ദി​ക്കു​ന്ന ഓ​രോ ന​യാ​പൈ​സ​യും സാ​ധാ​ര​ണ​ക്കാ​രു​ടെ ജീ​വി​ത​സാ​ഹ​ച​ര്യ​ങ്ങ​ള്‍ മെ​ച്ച​പ്പെ​ടു​ത്താ​നു​തു​കു​ന്ന രീ​തി​യി​ല്‍ മി​ക​ച്ച ആ​സൂ​ത്ര​ണ​ത്തോ​ടെ കാ​ര്യ​ക്ഷ​മ​മാ​യി വി​നി​യോ​ഗി​ക്ക​ണം. കു​ട്ട​നാ​ട് പാ​ക്കേ​ജി​നു സം​ഭ​വി​ച്ച​തു​പോ​ലു​ള്ള പി​ടി​പ്പു​കേ​ടു​ക​ള്‍ ആ​വ​ര്‍ത്തി​ക്ക​രു​തെ​ന്നു ചു​രു​ക്കം.

വ​മ്പ​ന്‍ പ​ദ്ധ​തി​ക​ളൊ​ന്നു​മ​ല്ല കു​ട്ട​നാ​ടി​നു വേ​ണ്ട​ത്. കി​ട​ങ്ങ​റ കെ​സി പാ​ല​ത്തി​ന്‍റെ കാ​ര്യം ഉ​ദാ​ഹ​ര​ണ​മാ​യെ​ടു​ക്കു​ക. കി​ട​ങ്ങ​റ തോ​ട്ടി​ലൂ​ടെ ബോ​ട്ടു​യാ​ത്ര ന​ട​ത്തി​യി​ട്ടു​ള​ള​വ​ർ​ക്ക​റി​യാം, പാ​ലം വ​ന്ന​തോ​ടെ വെ​ള്ള​പ്പൊ​ക്ക​ക്കാ​ല​ത്ത് ഒ​റ്റ ബോ​ട്ടി​ല്‍ ച​ങ്ങ​നാ​ശേ​രി​ക്കു​ള്ള യാ​ത്ര അ​സാ​ധ്യ​മാ​യി. ല​ക്ഷ്യ​സ്ഥാ​ന​ത്തെ​ത്താ​ൻ പാ​ല​ത്തി​ന​പ്പു​റ​ത്തുനി​ന്നു മ​റ്റൊ​രു ബോ​ട്ടി​ൽ ക​യ​റേ​ണ്ട സ്ഥി​തി. എ​ന്താ​യാ​ലും ഉ​പ​യോ​ഗ​ത്തി​ലി​രി​ക്കു​ന്ന പാ​ലം പൊ​ളി​ച്ചു​പ​ണി​യ​ണ​മെ​ന്ന് ജ​ന​പ്ര​തി​നി​ധി​ക​ള​ട​ക്കം പ​ല​രു​മി​പ്പോ​ള്‍ ആ​വ​ശ്യ​പ്പെ​ടു​ന്നു​ണ്ട്. പ​ക്ഷേ ഇ​തി​നേ​ക്കാ​ളൊ​ക്കെ മു​ന്‍ഗ​ണ​ന ന​ല്‍കേ​ണ്ട നി​ര​വ​ധി വി​ക​സ​ന പ്ര​ശ്‌​ന​ങ്ങ​ള്‍ ന​മ്മു​ടെ നാ​ട്ടി​ലി​ല്ലേ...? പ​ണി​തും പൊ​ളി​ച്ചും പാ​ഴാ​ക്കാ​ന്‍ ആ​വ​ശ്യ​ത്തി​ല​ധി​കം ഫ​ണ്ട് ന​മു​ക്കു​ണ്ടോ..? കു​ട്ട​നാ​ട്ടി​ലെ ഒ​ട്ടു​മി​ക്ക ക​ലു​ങ്കു​ക​ളു​ടേ​യും അ​വ​സ്ഥ ഇ​തു​പോ​ലെ​യൊ​ക്കെ​ത്ത​ന്നെ​യാ​ണെ​ന്ന കാ​ര്യം മ​റ​ക്ക​രു​ത്.

കു​ടി​വെ​ള്ളം മാ​ത്ര​മ​ല്ല, പ്രാ​ഥ​മി​കാ​വ​ശ്യ​ത്തി​നും വെ​ള്ളം കി​ട്ടാ​തെ, കു​ട്ട​നാ​ട്ടു​കാ​ർ മാ​ര​ക രോ​ഗ​ങ്ങ​ള്‍​ക്ക് അ​ടി​മ​പ്പെ​ട്ടി​ട്ടും ‌ആ​രും ഗൗ​നി​ക്കു​ന്നു പോ​ലു​മി​ല്ല. ജ​ല​പാ​ത​ക​ളെ​ല്ലാം ആ​ഴം​കു​റ​ഞ്ഞും, മാ​ലി​ന്യ​ങ്ങ​ള്‍ നി​റ​ഞ്ഞും അ​ഴു​ക്കു​ചാ​ലു​ക​ള്‍ പോ​ലെ​യാ​യി.

വി​ദേ​ശ​ത്തു ജോ​ലി​ചെ​യ്യു​ന്ന എ​ന്‍റെ വീ​ട് നീ​ലം​പേ​രൂ​ര്‍ പ​ഞ്ചാ​യ​ത്തി​ലെ കി​ഴ​ക്കേ ചേ​ന്നം​ക​രി​യി​ലാ​ണ്. സെ​പ്റ്റം​ബ​ര്‍ ആ​ദ്യ​വാ​ര​ത്തി​ല്‍ വെ​ള്ള​ക്കെ​ട്ടി​ല്‍ വീ​ണു മ​രി​ച്ച കു​റു​പ്പ​ശേ​രി​ല്‍ വ​ത്സ​മ്മ എ​ന്‍റെ അ​യ​ല്‍വാ​സി​യാ​ണ്. ബ​ണ്ടി​ലൂ​ടെ​യു​ള്ള ന​ട​വ​ഴി സ​ഞ്ചാ​ര​യോ​ഗ്യ​മാ​ക്ക​ണ​മെ​ന്നും മു​ട​ങ്ങി​ക്കി​ട​ക്കു​ന്ന ട്രാ​ക്ട​ര്‍റോ​ഡ് നി​ര്‍മാ​ണം പൂ​ര്‍ത്തി​യാ​ക്ക​ണ​മെ​ന്നു​മൊ​ക്കെ ആ​വ​ശ്യ​പ്പെ​ട്ട് ഈ ​വീ​ട്ട​മ്മ ക​ള​ക്ട​റേ​റ്റി​ലും ജി​ല്ലാ​പ​ഞ്ചാ​യ​ത്ത് ഓ​ഫീ​സി​ലു​മൊ​ക്കെ പോ​യ​ത് മാ​സ​ങ്ങ​ള്‍ക്കു മു​ന്‍പാ​ണ്.


അ​വ​ര്‍ നി​ത്യ​വും ന​ട​ന്നി​രു​ന്ന ബ​ണ്ട് റോ​ഡ് ഇ​പ്പോ​ഴും പ​ഴ​യ അ​വ​സ്ഥ​യി​ൽ ത​ന്നെ. ഇൗ ​ന​ട​വ​ഴി​യേ ഒ​രി​ക്ക​ലെ​ങ്കി​ലു​മൊ​ന്നു ന​ട​ന്നു​നോ​ക്കാ​ന്‍, എം​എ​ല്‍എ​യും എം​പി​യും അ​ട​ക്ക​മു​ള്ള ജ​ന​പ്ര​തി​നി​ധി​ക​ളെ ഞാ​ൻ സാ​ദ​രം ക്ഷ​ണി​ക്കു​ക​യാ​ണ്. പൊ​ളി​ച്ചു​പ​ണി​ക​ള്‍ക്കും വ​മ്പ​ന്‍ പ്രോ​ജ​ക്‌​ടു​ക​ള്‍ക്കും ന​ല്‍കു​ന്ന​തി​നേ​ക്കാ​ൾ മു​ന്‍ഗ​ണ​ന, അ​തി​ജീ​വ​ന​ത്തി​നാ​യി ക്ലേ​ശി​ക്കു​ന്ന സാ​ധാ​ര​ണ​ക്കാ​ര​ന്‍റെ പ്ര​ശ്‌​ന​ങ്ങ​ള്‍ക്ക​ല്ലേ ന​ല്‍കേ​ണ്ട​തെ​ന്നു ചി​ന്തി​ക്കാ​ന്‍ അ​തൊ​രു അ​വ​സ​ര​മാ​യേ​ക്കും ഈ ​ദു​ര​ന്ത​ത്തി​നു​ശേ​ഷ​വും ബ​ണ്ടി​ല്‍നി​ന്നു തോ​ട്ടി​ലേ​ക്കു മ​റി​ഞ്ഞു​വീ​ണു​ള്ള അ​പ​ക​ട​ങ്ങ​ള്‍ ആ​വ​ര്‍ത്തി​ച്ചെ​ങ്കി​ലും അ​തൊ​ന്നും അ​ധി​കൃ​ത​ർ ക​ണ്ട​താ​യി​പ്പോ​ലും ഭാ​വി​ക്കു​ന്നി​ല്ല. ഇ​വി​ടെ​യാ​ണു ന​മ്മു​ടെ ആ​സൂ​ത്ര​ണ​ത്തി​ന്‍റെ പാ​ളി​ച്ച. ആ​ര്‍ഭാ​ട​ത്തി​നും ധൂ​ര്‍ത്തി​നും പാ​ഴ്‌​ചെ​ല​വു​ക​ള്‍ക്കു​മൊ​ക്കെ കൊ​ടു​ക്കു​ന്ന വി​ല​യെ​ങ്കി​ലും മ​നു​ഷ്യ​ജീ​വ​നു ക​ല്പി​ച്ചു ന​ല്‍കാ​ന്‍ ന​മ്മു​ടെ അ​ധി​കാ​രി​ക​ള്‍ ഇ​നി​യെ​ങ്കി​ലും ത​യാ​റാ​ക​ണം.

എ​ല്ലാ​യി​ട​ത്തും ചെ​ന്നെത്താ​നാ​കു​ന്ന വി​ധ​ത്തി​ല്‍ കു​ട്ട​നാ​ട്ടി​ല്‍ കൂ​ടു​ത​ല്‍ റോ​ഡു​ക​ള്‍ വേ​ണം, വെ​ള്ള​ത്തി​ല്‍ വീ​ണു മു​ങ്ങി​ച്ചാ​കാ​നി​ട​യാ​കാ​ത്ത​വി​ധം സു​ര​ക്ഷി​ത​മാ​യി ന​ട​ന്നു നീ​ങ്ങാ​നാ​കും വി​ധ​മു​ള്ള ന​ട​പ്പാ​ത​ക​ള്‍ വേ​ണം. വാ​യി​ലൊ​ഴി​ക്കാ​നും കു​ളി​ക്കാ​നും കു​ടി​ക്കാ​നു​മൊ​ക്കെ പ​റ്റു​ന്ന രീ​തി​യി​ലു​ള്ള ശു​ദ്ധ​ജ​ലം വേ​ണം.

പു​റം​ബ​ണ്ട് ബ​ല​പ്പെ​ടു​ത്ത​ലും ആ​ര്‍-​ബ്ലോ​ക്ക്‌ മോ​ഡ​ല്‍ നി​യ​ന്ത്രി​ത പ​മ്പിം​ഗും വ​ഴി പാ​ട​ശേ​ഖ​ര​ങ്ങ​ള്‍ക്കു​ള്ളി​ലെ വെ​ള്ള​ക്കെ​ട്ടു ദു​രി​ത​മെ​ങ്കി​ലും ഫ​ല​പ്ര​ദ​മാ​യി നി​യ​ന്ത്രി​ക്കാ​നാ​കും.

ഷി​നു ജേ​ക്ക​ബ്, വാ​ണി​യ​പ്പു​ര,കി​ഴ​ക്കേ​ചേ​ന്നം​ക​രി, നീ​ലം​പേ​രൂ​ര്‍.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.