ദേവസ്വം ബോർഡിൽ എൻ. വാസുവും കെ.എസ്. രവിയും ചുമതലയേറ്റു : Deepika.com Kerala News |

Click here for detailed news of all items

ദേവസ്വം ബോർഡിൽ എൻ. വാസുവും കെ.എസ്. രവിയും ചുമതലയേറ്റു

Friday, November 15, 2019 11:52 PM IST

തിരുവനന്തപുരം: തിരുവിതാംകൂർ ദേവസ്വം ബോർഡിന്‍റെ പുതിയ പ്രസിഡന്‍റായി എൻ. വാസുവും അംഗമായി കെ.എസ്. രവിയും സത്യപ്രതിജ്ഞ ചെയ്തു ചുമതലയേറ്റു. ദേവസ്വം- സഹകരണ മന്ത്രി കടകംപള്ളി സുരേന്ദ്രന്‍റെ സാന്നിധ്യത്തിൽ ദേവസ്വം ബോർഡ് സെക്രട്ടറി എസ്. ജയശ്രീ സത്യവാചകം ചൊല്ലിക്കൊടുത്തു.

ബോർഡ് പ്രസിഡൻറായിരുന്ന എ. പത്മകുമാറിന്‍റെയും അംഗം കെ.പി. ശങ്കരദാസിെൻറയും ഭരണസമിതിയിലെ കാലാവധി കഴിഞ്ഞ ദിവസം അവസാനിച്ച ഒഴിവിലാണു പുതിയ പ്രസിഡന്‍റും അംഗവും ചുമതലയേറ്റത്. ദേവസ്വംമന്ത്രി കടകംപള്ളി സുരേന്ദ്രൻ ചടങ്ങ് ഉദ്ഘാടനംചെയ്തു. ദേവസ്വം ബോർഡ് അംഗം എൻ. വിജയകുമാർ, ദേവസ്വം കമ്മീഷണർ എം. ഹർഷൻ, ഗുരുവായൂർ ദേവസ്വം ബോർഡ് ചെയർമാൻ അഡ്വ.കെ.ബി. മോഹൻദാസ്, ദേവസ്വം റിക്രൂട്ട്മെന്‍റ് ബോർഡ് ചെയർമാൻ അഡ്വ.എം. രാജഗോപാലൻ നായർ, സ്ഥാനമൊഴിയുന്ന ദേവസ്വം ബോർഡ് പ്രസിഡന്‍റ് എ. പത്മകുമാർ, സ്ഥാനമൊഴിയുന്ന അംഗം കെ.പി. ശങ്കരദാസ്, ദേവസ്വം പ്രിൻസിപ്പൽ സെക്രട്ടറി ബിശ്വനാഥ് സിൻഹ, മുൻ ദേവസ്വം അംഗങ്ങൾ തുടങ്ങിയവർ സംബന്ധിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.