പൗരസ്ത്യ വിദ്യാപീഠത്തിൽ കാനൻ നിയമ സെമിനാർ സമാപിച്ചു : Deepika.com Kerala News |

Click here for detailed news of all items

പൗരസ്ത്യ വിദ്യാപീഠത്തിൽ കാനൻ നിയമ സെമിനാർ സമാപിച്ചു

Saturday, August 17, 2019 11:38 PM IST

കോട്ടയം: വടവാതൂർ പൗരസ്ത്യ വിദ്യാപീഠത്തിലെ ഇൻസ്റ്റിറ്റ്യൂട്ട് ഓഫ് ഈസ്റ്റേണ്‍ കാനൻ ലോയുടെ ആഭിമുഖ്യത്തിൽ ഭാരതമാകെ സീറോ മലബാർ സഭയ്ക്കുണ്ടായിരുന്ന സുവിശേഷവത്കരണ- അജപാലനാധികാരം പുനഃസ്ഥാപിച്ചു ഫ്രാൻസിസ് മാർപാപ്പ പുറപ്പെടുവിച്ച അപ്പസ്തോലിക ലേഖനത്തെ ആസ്പദമാക്കി ഏകദിന സെമിനാർ നടത്തി.

ഷംഷാബാദ് ബിഷപ് മാർ റാഫേൽ തട്ടിൽ ഉദ്ഘാടനം ചെയ്തു. റോമിലെ പൊന്തിഫിക്കൽ ഓറിയന്‍റൽ ഇൻസ്റ്റിറ്റ്യൂട്ടിലെ പ്രഫസറും പൗരസ്ത്യവിദ്യാപീഠത്തിലെ ഇൻസ്റ്റിറ്റ്യൂട്ട് ഓഫ് ഈസ്റ്റേണ്‍ കാനൻ ലോയുടെ ഡെലഗേറ്റുമായ റവ.ഡോ. സണ്ണി കൊക്കാരവാലയിൽ എസ്ജെ ആമുഖ പ്രഭാഷണം നടത്തി. റവ.ഡോ.റോയി ജോസഫ് കടുപ്പിൽ, റവ.ഡോ. ജോയി ജോർജ് മംഗലത്തിൽ, റവ.ഡോ. ജയിംസ് തലച്ചെല്ലൂർ, റവ.ഡോ. ജോർജ് തെക്കേക്കര, റവ.ഡോ. വർഗീസ് പാലത്തിങ്കൽ തുടങ്ങിയവർ പ്രബന്ധങ്ങൾ അവതരിപ്പിച്ചു.

നല്ലതണ്ണി മാർ തോമാശ്ലീഹ ദയറ അധിപൻ റവ.ഡോ. സേവ്യർ കൂടപ്പുഴ പാനൽ ചർച്ചയ്ക്കു നേതൃത്വം നൽകി. വൈദികരും സിസ്റ്റേഴ്സും കാനൻ നിയമ വിദ്യാർഥികളും ദൈവശാസ്ത്ര വിദ്യാർഥികളും അല്മായരുമായ നിരവധി പേർ സെമിനാറിൽ പങ്കെടുത്തു. റവ.ഡോ.ജോസഫ് കോയിക്കക്കുടിയുടെ സ്മരണാർഥമാണ് പഠന ശിബിരം സംഘടിപ്പിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.