ഭർത്താവും ഭാര്യയും മിനിട്ടുകൾക്കുള്ളിൽ മരിച്ചു : Deepika.com Kerala News |

Click here for detailed news of all items

ഭർത്താവും ഭാര്യയും മിനിട്ടുകൾക്കുള്ളിൽ മരിച്ചു

Wednesday, June 19, 2019 1:21 AM IST

ചങ്ങനാശേരി: ഭർത്താവ് മരിച്ചു മിനിറ്റുകൾക്കുള്ളിൽ ഭാര്യയും മരിച്ചു. കുരിശുംമൂട് ജിസ് നഗർ കാഞ്ഞിരത്തുംമൂട്ടിൽ ദേവസ്യ തോമസ്(പ്രകാശ് കുട്ടപ്പൻ -80), ഭാര്യ ത്രേസ്യാമ്മ(75) എന്നിവരാണ് മരിച്ചത്.

മകൾ മിനിമോളുടെ മാമ്മൂട്ടിലുള്ള വസതിയിലായിരുന്നു ഇരുവും താമസിച്ചിരുന്നത്. ഇന്നലെ ഉച്ചക്ക് 12.30ന് വീട്ടിൽവച്ച് ദേവസ്യക്ക് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് മരണം സംഭവിച്ചു.

ദേവസ്യയുടെ മൃതദേഹം ചെത്തിപ്പുഴ ആശുപത്രി മോർച്ചറിയിലേക്ക് മാറ്റുന്നതിനായി ആംബുലൻസ് എത്തിയപ്പോൾ ത്രേസ്യാമ്മയ്ക്കും ദേഹാസ്വാസ്ഥ്യം അനുഭവപ്പെട്ട് കുഴഞ്ഞുവീഴുകയായിരുന്നു. ഉടൻ ത്രേസ്യാമ്മയെ ആംബുലൻസിൽ ചെത്തിപ്പുഴ ആശുപത്രയിലെത്തിച്ചെങ്കിലും ജീവൻ രക്ഷിക്കാനായില്ല. ഇരുവരുടേയും മൃതദേഹങ്ങൾ ചെത്തിപ്പുഴ ആശുപത്രി മോർച്ചറിയിൽ . ദേവസ്യ ചങ്ങനാശേരി എസ്ബി കോളജിനു സമീപം ദീർഘകാലം പ്രകാശ് ടെയിലറിംഗ് സ്ഥാപനം നടത്തിയിരുന്നയാളാണ്.

ഇരുവരുടേയും സംസ്കാരം നാളെ ഉച്ചകഴിഞ്ഞ് രണ്ടിന് ചെത്തിപ്പുഴ തിരുഹൃദയ പള്ളിയിൽ . ത്രേസ്യാമ്മ ഇത്തിത്താനം കരിയിലാകുഴി കുടുംബാംഗം. മക്കൾ: തോമസ് ദേവസ്യ(റിട്ട.അധ്യാപകൻ, കുറുന്പനാടം സെന്‍റ് പീറ്റേഴ്സ് ഹയർസെക്കൻഡറി സ്കൂൾ), ബാബു, റെജിമോൾ, മാത്തുക്കുട്ടി, മിനിമോൾ. മരുമക്കൾ: സാൻസി സ്കറിയ(അധ്യാപിക, കുറുന്പനാടം സെന്‍റ് ആന്‍റണീസ് എൽപി സ്കൂൾ), സുഷമ, കുഞ്ഞുമോൻ, ഷിജോ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.