തിരുവനന്തപുരം: ന്യൂനപക്ഷക്ഷേമ വകുപ്പിനു കീഴിൽ കേന്ദ്ര സംസ്ഥാനങ്ങളിലെ റെയിൽവേ, ബാങ്കിംഗ്, സൈന്യം, സ്റ്റാഫ് സെലക്ഷൻ കമ്മീഷൻ, യൂണിയൻ പബ്ലിക് സർവീസ് കമ്മീഷൻ, കേരള പബ്ലിക് സർവീസ് കമ്മീഷൻ എന്നിവ നടത്തുന്ന വിവിധ മത്സരപരീക്ഷകൾക്കു പരിശീലനം നൽകുന്ന "കോച്ചിംഗ് സെൻർ ഫോർ മൈനോറിറ്റി യൂത്തിൽ’ (സിസിഎംവൈ) ജൂലൈ ഒന്നിനു ആരംഭിക്കുന്ന കോഴ്സുകളിലേക്ക് അപേക്ഷ ക്ഷണിച്ചു.
മുസ്ലിം, ക്രിസ്ത്യൻ, സിഖ്, ബുദ്ധ, പാഴ്സി, ജൈന വിഭാഗങ്ങൾക്കാണു പരിശീലനം. പരിശീലനം സൗജന്യമാണ്. ഇംഗ്ലീഷ്, മലയാളം, ഗണിതം, റീസണിംഗ്, ജോഗ്രഫി, ജനറൽ സയൻസ്, ഭരണഘടന, ഇന്ത്യാചരിത്രം, മറ്റു പൊതു വിജ്ഞാനങ്ങൾ എന്നിവയിലായിരിക്കും ക്ലാസുകൾ.
27 ഉപകേന്ദ്രങ്ങളും 17 കേന്ദ്രങ്ങളുമടക്കം 44 സെന്ററുകളിൽ 40 മുതൽ 100 വരെ വിദ്യാർഥികൾക്കാണു പ്രവേശനം. പരീക്ഷകളുടെയും മുഖാമുഖത്തിന്റെയും അടിസ്ഥാനത്തിലാണു പ്രവേശനം. ജൂലൈ ഒന്നു മുതൽ ഡിസംബർ 31 വരെയും ജനുവരി ഒന്നു മുതൽ ജൂൺ 30 വരെയും നീളുന്ന ആറുമാസ ക്ലാസുകളാണുള്ളത്. ഡിഗ്രി, പ്ലസ്ടു, ഹോളിഡേ ബാച്ചുകളിലാണു പ്രവേശനം. 26 മുതൽ അപേക്ഷാഫോം വിതരണം ചെയ്യും. ജൂൺ 17 വരെ അപേക്ഷ നൽകാം. ജൂൺ 23നാണ് വിവിധ കേന്ദ്രങ്ങളിൽ പ്രവേശന പരീക്ഷ.
പുതിയ ബാച്ചിലെ ക്ലാസുകൾ ജൂലൈ ഒന്നിന് ആരംഭിക്കും. കൂടുതൽവിവരങ്ങൾക്ക്: www. minoritywelfare.kera la. gov.in
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.