ആശങ്കയിൽ ഫ്ലാറ്റ് നിവാസികൾ
Thursday, May 23, 2019 12:59 AM IST
കൊ​​ച്ചി: അ​​ന​​ധി​​കൃ​​ത നി​​ർ​​മാ​​ണ​​ത്തി​​ന്‍റെ പേ​​രി​​ൽ കൊ​​ച്ചി മ​​ര​​ടി​​ൽ പൊ​​ളി​​ച്ചു നീ​​ക്കാ​​ൻ ഉ​​ത്ത​​ര​​വി​​ട്ട ഫ്ലാ​​റ്റു​​ക​​ൾ​​ക്കു​​ള്ള സ​​മ​​യ​​പ​​രി​​ധി നീ​​ട്ടി​​ന​​ൽ​​കാ​​നാ​​വി​​ല്ലെ​​ന്ന സു​​പ്രീംകോ​​ട​​തി വി​​ധി​ വ​​ന്ന​​തോ​​ടെ ഫ്ലാറ്റ് നി​​വാ​​സി​​ക​​ൾ ക​ടു​ത്ത ആ​ശ​ങ്ക​യി​ൽ.

കു​​ണ്ട​​ന്നൂ​​ർ ഹോ​​ളി ഫെ​​യ്ത്ത് അ​​പ്പാ​​ർ​​ട്ട്മെ​​ന്‍റ്, ഗോ​​ൾ​​ഡ​​ൻ കാ​​യ​​ലോ​​രം, നെ​​ട്ടൂ​​ർ ആ​​ൽ​​ഫാ വെ​​ഞ്ചേ​​ഴ്സ്, ജെ​​യ്ൻ കോ​​റ​​ൽ കോ​​വ് എ​​ന്നീ ഫ്ളാ​​റ്റു​​ക​​ളാ​​ണു കോ​​ട​​തി ഉ​​ത്ത​​ര​​വ് പ്ര​​കാ​​രം പൊ​​ളി​​ച്ചു​​നീ​​ക്കേ​​ണ്ട​​ത്. അ​​ഞ്ചാ​​മ​​ത്തെ സ​​മു​​ച്ച​​യ​​മാ​​യ ഹോ​​ളി​​ഡേ ഹെ​​റി​​റ്റേ​​ജി​​നു ന​​ഗ​​ര​​സ​​ഭ സ്റ്റോ​​പ്പ് മെ​​മ്മോ ന​​ൽ​​കി​​യ​​തി​​നാ​​ൽ ഇ​​തു​​വ​​രെ പ​​ണി​ തു​​ട​​ങ്ങി​​യി​​ട്ടി​​ല്ല. സി​​നി​​മാ മേ​​ഖ​​ല​​യി​​ൽ​​നി​​ന്ന​​ട​​ക്ക​​മു​​ള്ള പ്ര​​മു​​ഖ​​രും വി​​ദേ​​ശ മ​​ല​​യാ​​ളി​​ക​​ളു​​മ​​ട​​ക്കം മു​​ന്നൂ​​റോ​​ളം കു​​ടും​​ബ​​ങ്ങ​​ൾ ഈ ​​ഫ്ളാ​​റ്റു​​ക​​ളി​​ൽ താ​​മ​​സി​​ക്കു​ന്നു​ണ്ട്.

പൊ​​ളി​​ച്ചു​​നീ​​ക്ക​​ണ​​മെ​​ന്ന സു​​പ്രീം​​കോ​​ട​​തി വി​​ധി​യോ​​ടെ ആ​​ശ​​ങ്ക​​യി​​ലാ​​യി​​രു​​ന്ന താ​മ​സ​ക്കാ​ർ യോ​​ഗം ചേ​​ർ​ന്നു പു​​നഃ​പ​​രി​​ശോ​​ധ​​ന ഹ​​ർ​​ജി ന​​ൽ​​കാ​​ൻ തീ​​രു​​മാ​​നി​​ക്കു​​ക​​യാ​​യി​​രു​​ന്നു. നി​​യ​​മ​​പ​​ര​​മാ​​യ അ​​നു​​മ​​തി​​ക​​ൾ ല​​ഭി​​ച്ച​ ശേ​​ഷ​​മാ​​ണു നി​​ർ​​മാ​​ണ പ്ര​​വ​​ർ​​ത്ത​​നം തു​​ട​​ങ്ങി​​യ​​തെ​​ന്നാ​​യി​​രു​​ന്നു ഉ​​ട​​മ​​ക​​ൾ അ​ന്നു വ്യ​​ക്ത​​മാ​​ക്കി​​യി​​രു​​ന്ന​​ത്. എ​​ന്നാ​​ൽ, പു​​തി​​യ സാ​​ഹ​​ച​​ര്യ​​ത്തി​​ൽ ഇ​നി എ​ന്തു ന​ട​പ​ടി​യെ​ടു​ക്കാ​ൻ ക​ഴി​യു​മെ​ന്ന​തി​ൽ ഉ​ട​മ​ക​ൾ​ക്കി​ട​യി​ലും ആ​ശ​യ​ക്കു​ഴ​പ്പം നി​ല​നി​ൽ​ക്കു​ക​യാ​ണ്.


നി​​ർ​​മാ​​ണ ഘ​​ട്ട​​ത്തി​​ൽ മു​​ൻ​​കൂ​​ർ പ​​ണം ന​​ൽ​​കി​​യ​​വ​​രും നി​​ർ​​മാ​​ണ​ം പൂർത്തിയായ ശേ​​ഷം ഫ്ലാറ്റ് വാ​​ങ്ങി​​യ​​വ​​രു​​മെ​​ല്ലാം ഇ​​വി​​ടെ താ​​മ​​സ​​ക്കാ​​രാ​​യു​​ണ്ട്. ഫ്ളാ​​റ്റു​​ക​​ൾ പൊ​​ളി​​ക്കേ​​ണ്ട​​ി വ​​ന്നാ​​ൽ ത​​ങ്ങ​​ളു​​ടെ പ​​ണം ന​​ഷ്ട​​പ്പെ​​ടു​​മോ​​യെ​​ന്ന ആ​​ശ​​ങ്ക​​യാ​ണ് ഇ​വ​രെ അ​ല​ട്ടു​ന്ന​ത്.

നെ​​ട്ടൂ​​ർ കാ​​യ​​ൽ തീ​​ര​​ത്തു​​നി​​ന്നു മീ​​റ്റ​​റു​​ക​​ൾ മാ​​ത്രം ദൂ​​ര​​ത്തി​​ലാ​​ണ് ജെ​​യ്ൻ കോ​​റ​​ൽ കോ​​വ്. കു​​ണ്ട​​ന്നൂ​​ർ ജം​​ഗ്ഷ​​നി​​ൽ​​നി​​ന്ന് 200 മീ​​റ്റ​​ർ ദൂ​​ര​​ത്തി​​ലാ​​ണു കു​​ണ്ട​​ന്നൂ​​ർ ഹോ​​ളി ഫെ​​യ്ത്ത് അ​​പ്പാ​​ർ​​ട്ട്മെ​​ന്‍റ്.
നെ​​ട്ടൂ​​രി​​ൽ കു​​ണ്ട​​ന്നൂ​​രി​​ലേ​​ക്കു​​ള്ള ക​​ട​​ത്തു​​ക​​ട​​വി​​നു സ​​മീ​​പം ഒ​​രേ​​ക്ക​​ർ സ്ഥ​​ല​​ത്തു ര​​ണ്ട് സ​​മു​​ച്ച​​യ​​ങ്ങ​​ളി​​ലാ​​യി​​ട്ടാ​​ണ് ആ​​ൽ​​ഫാ വെ​​ഞ്ചേ​​ഴ്സ്. കൊ​​ച്ചി ബൈ​​പ്പാ​​സി​​ൽ​​നി​ന്നു പ​​ടി​​ഞ്ഞാ​​റോ​​ട്ടു​​മാ​​റി ച​​ന്പ​​ക്ക​​ര ക​​നാ​​ൽ തീ​​ര​​ത്താ​​ണു ഗോ​​ൾ​​ഡ​​ൻ കാ​​യ​​ലോ​​രം ഫ്ളാ​​റ്റ്. ഇ​​തി​​ൽ ചി​​ല അ​​പ്പാ​​ർ​​ട്ട്മെ​​ന്‍റി​​ന് ഒ​​രു കോ​​ടി മു​​ത​​ൽ മൂ​​ന്നു കോ​​ടി രൂ​​പ​ വ​​രെ​​യാ​​യി​​രു​​ന്നു വി​​ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.