പോലീസ് സ്റ്റേഷനിലെ ശുചിമുറിയിൽ യുവാവ് തൂങ്ങിമരിച്ച നിലയിൽ
Wednesday, May 22, 2019 1:04 AM IST
കോ​ട്ട​യം: പോ​ലീ​സ് ക​സ്റ്റ​ഡി​യി​ലെ​ടു​ത്ത യു​വാ​വി​നെ മ​ണ​ർ​കാ​ട് പോ​ലീ​സ് സ്റ്റേ​ഷ​നി​ലെ ശു​ചി​മു​റി​യുടെ ജ​നാ​ല​യി​ൽ ഉടുമുണ്ടിൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി.

അ​രീ​പ്പ​റ​ന്പ് പ​റ​പ്പ​ള്ളി​ക്കു​ന്ന് രാ​ജീ​വ് ഗാ​ന്ധി കോ​ള​നി ഇ​ട​ത്ത​റ പ​രേ​ത​നാ​യ ശ​ശി​യു​ടെ മ​ക​ൻ യു. ​ന​വാ​സ് (27)ആണ് ​മ​രി​ച്ച​ത്. ഇ​ന്ന​ലെ രാ​വി​ലെ 9.15നാണു സ്റ്റേ​ഷ​നി​ലെ സ​ന്ദ​ർ​ശ​ക​ർ​ക്കു​ള്ള ശു​ചി​മു​റി​യി​ൽ മൃ​ത​ദേ​ഹം ക​ണ്ടെ​ത്തി​യ​ത്. ശുചിമുറിയിൽ മൂ​ത്ര​മൊ​ഴി​ക്കാ​ൻ​ പോ​യ ന​വാ​സി​നെ കാ​ണാ​നി​ല്ലെ​ന്നാ​ണു പോ​ലീ​സ് ആ​ദ്യം പ​റ​ഞ്ഞ​തെ​ന്നും സം​ഭ​വ​ത്തി​ൽ ദുരൂഹ​ത​യു​ണ്ടെ​ന്നും ബ​ന്ധു​ക്ക​ൾ ആ​രോ​പി​ച്ചു.

തി​ങ്ക​ളാ​ഴ്ച രാ​ത്രി ഒ​ന്പ​തി​നാ​ണു സം​ഭ​വ​ങ്ങ​ളു​ടെ തു​ട​ക്കം. മ​ദ്യ​പി​ച്ച് ബ​ഹ​ള​മു​ണ്ടാ​ക്കു​ക​യും അക്രമാസക്തനായി ഭാ​ര്യ​യെ​യും മ​ക​ളെ​യും അ​നു​ജ​ൻ നൗ​ഷാ​ദി​നെ​യും മ​ർ​ദി​ക്കു​ക​യും ചെ​യ്തു​വെ​ന്ന പ​രാ​തി​യോ​ടെ ബ​ന്ധു​ക്ക​ളാ​ണു പോ​ലീ​സി​ൽ വി​വ​ര​മ​റി​യി​ച്ച​ത്. തു​ട​ർ​ന്ന് മ​ണ​ർ​കാ​ട് എ​സ്ഐ​ അടക്കമുള്ള പോലീസ് സം​ഘം സ്ഥ​ല​ത്തെ​ത്തി​യെ​ങ്കി​ലും ന​വാ​സ് ഓ​ടി​ക്ക​ള​ഞ്ഞു. പോലീസ് മടങ്ങിയ ശേഷം വീ​ണ്ടു​മെ​ത്തി ബ​ഹ​ളം ഉ​ണ്ടാ​ക്കി സ്വന്തം കൈ​യി​ൽ മു​റി​വേ​ൽ​പി​ച്ച​തോ​ടെ‌ ഇ​യാ​ളെ വീ​ട്ടു​കാ​രും അ​യ​ൽ​വാ​സി​ക​ളും ചേ​ർ​ന്നു പി​ടി​കൂ​ടി രാത്രി 10.45ന് ​പോ​ലീ​സി​ൽ​ഏ​ൽ​പ്പി​ച്ചു.


പോ​ലീ​സ് പ​റ​യു​ന്ന​ത് ഇ​ങ്ങ​നെ: രാ​ത്രി 12ന് ​കോ​ട്ട​യം ജി​ല്ലാ ആ​ശു​പ​ത്രി​യി​ൽ വൈ​ദ്യ​പ​രി​ശോ​ധ​ന ന​ട​ത്തി​യ ശേ​ഷം പ്രൊ​ട്ട​ക്‌ഷൻ ക​സ്റ്റ​ഡി​യി​ലാ​ണ് സൂ​ക്ഷി​ച്ചി​രു​ന്ന​ത്. ബ​ന്ധു​ക്ക​ളെ വി​ളി​ച്ചു​വ​രു​ത്തി ഇ​ന്ന​ലെ രാ​വി​ലെ ജാ​മ്യ​ത്തി​ൽ വി​ടാ​നാ​യി​രു​ന്നു തീ​രു​മാ​നം.

ന​വാ​സ് രാ​വി​ലെ 9.13ന് ​സ്റ്റേ​ഷ​നി​ലെ റി​സ​പ്ഷ​നു മു​ന്നി​ൽ നി​ൽ​ക്കു​ന്ന​തും ശു​ചി​മു​റി​യി​ലേ​ക്ക് ന​ട​ന്നു​പോ​കു​ന്ന​തും സി​സി​ടി​വി ദൃ​ശ്യ​ങ്ങ​ളി​ലു​ണ്ട്.

ചൊ​വ്വാ​ഴ്ച​ക​ളി​ൽ പ​തി​വു​ള്ള സ്റ്റേ​ഷ​ൻ ഓ​ഫീ​സ​ർ​മാ​രു​ടെ യോ​ഗ​ത്തി​നു ശേ​ഷം മ​ട​ങ്ങി​വ​രു​ന്പോ​ൾ ന​വാസി​നെ കാ​ണാ​നു​ണ്ടാ​യി​രു​ന്നി​ല്ല. തു​ട​ർ​ന്നു ന​ട​ത്തി​യ തെ​ര​ച്ചി​ലി​ലാ​ണ് ടോ​യ്‌​ലെ​റ്റ് അ​ക​ത്തു​നി​ന്നു പൂ​ട്ടി​യ​താ​യും വാ​തി​ൽ ച​വി​ട്ടിത്തുറ​ന്ന​പ്പോ​ൾ തൂ​ങ്ങി​നി​ൽ​ക്കു​ന്ന​താ​യും ക​ണ്ട​ത്. ഉ​ട​ൻ മ​ണ​ർ​കാ​ടു​ള്ള സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സ്ഥിരീ കരിച്ചു. മൃ​ത​ദേ​ഹം കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്കു മാ​റ്റി. പോ​സ്റ്റ്മോ​ർ​ട്ട​ത്തി​നു ശേ​ഷം മൃ​ത​ദേ​ഹം ഇ​ന്നു ബ​ന്ധു​ക്ക​ൾ​ക്ക് വി​ട്ടു​കൊ​ടു​ക്കും. ന​വാ​സി​ന്‍റെ ഭാ​ര്യ: അ​ഞ്ജു. മ​ക​ൾ: മ​ണി​ക്കു​ട്ടി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.