Sports News
യുവെയെ മറിച്ച് യുണൈറ്റഡ്
യുവെയെ മറിച്ച് യുണൈറ്റഡ്
Friday, November 9, 2018 12:18 AM IST
ടുറി​ന്‍/​പ്ലെ​സ​ന്‍: യു​വേ​ഫ ചാ​മ്പ്യ​ന്‍സ് ലീ​ഗ് ഫു​ട്‌​ബോ​ളി​ല്‍ ഇ​റ്റാ​ലി​യ​ന്‍ ചാ​മ്പ്യ​ന്മാ​രാ​യ യു​വ​ന്‍റ​സി​ന് അ​പ്ര​തീ​ക്ഷി​ത തോ​ല്‍വി. ഗ്രൂ​പ്പ് എ​ച്ചി​ല്‍ യു​വ​ന്‍റ​സി​നെ മാ​ഞ്ച​സ്റ്റ​ര്‍ യു​ണൈ​റ്റ​ഡ് 2-1ന് ​ത​ക​ര്‍ത്തു. 65-ാം മി​നി​റ്റി​ല്‍ ക്രി​സ്റ്റ്യാ​നോ റൊ​ണാ​ള്‍ഡോ​യു​ടെ ത​ക​ര്‍പ്പ​ന്‍ ഗോ​ളി​ല്‍ യു​വ​ന്‍റ​സാ​ണ് മു​ന്നി​ലെ​ത്തി​യ​ത്. ചാ​മ്പ്യ​ന്‍സ് ലീ​ഗി​ല്‍ ആ​റു മ​ത്സ​ര​ങ്ങ​ള്‍ക്കു​ശേ​ഷ​മാ​ണ് റൊ​ണാ​ള്‍ഡോ ഗോ​ള്‍ നേ​ടു​ന്ന​ത്. പകരക്കാരനായി എത്തിയ യു​വാ​ന്‍ മാ​ട്ട​യു​ടെ (86-ാം മി​നി​റ്റ്) ഫ്രീ​കി​ക്കി​ൽ യു​ണൈ​റ്റ​ഡ് സ​മ​നി​ല നേ​ടി​. 89-ാം മി​നി​റ്റി​ല്‍ അ​ല​ക്‌​സ് സാ​ന്‍ഡ്രോ​യു​ടെ സെ​ല്‍ഫ് ഗോ​ൾ സ​ന്ദ​ര്‍ശ​ക​ര്‍ക്ക് ജയവു​മൊ​രു​ക്കി.

ചാ​മ്പ്യ​ന്‍സ് ലീ​ഗി​ല്‍ റൊ​ണാ​ള്‍ഡോ​യു​ടെ 121-ാം ഗോ​ളാ​യി​രു​ന്നു. 2015ല്‍ ​വൂ​ള്‍ഫ്‌​സ്ബ​ര്‍ഗി​നെ​തി​രേ ഗോ​ള്‍ നേ​ടി​യ​ശേ​ഷം ആ​ദ്യ​മാ​യാ​ണ് മാ​ട്ട ചാ​മ്പ്യ​ന്‍സ് ലീ​ഗി​ല്‍ ഗോ​ള്‍ നേ​ടു​ന്ന​ത്. 1999ലെ ​ചാ​മ്പ്യ​ന്‍സ് ലീ​ഗ് ഫൈ​ന​ലി​നു​ശേ​ഷം ആ​ദ്യ​മാ​യാ​ണ് യു​ണൈ​റ്റ​ഡ് പി​ന്നി​ല്‍നി​ന്ന​ശേ​ഷം തി​രി​ച്ച​ടി​ച്ച് ജ​യി​ക്കു​ന്ന​ത്. ബ​യേ​ണി​നെ​യാ​ണ് അ​ന്ന് പ​രാ​ജ​യ​പ്പെ​ടു​ത്തി​യ​ത്.

19 വ​ര്‍ഷ​ത്തി​നു​ശേ​ഷം ആ​ദ്യ​മാ​യാ​ണ് ചാ​മ്പ്യ​ന്‍സ് ലീ​ഗ് ഗ്രൂ​പ്പ് ഘ​ട്ട​ത്തി​ല്‍ സ്വ​ന്തം ഗ്രൗ​ണ്ടി​ല്‍ യു​വ​ന്‍റ​സ് തോ​ല്‍ക്കു​ന്ന​ത്. 2009 ഡി​സം​ബ​റി​ലാ​ണ് ഇ​തി​നു മു​മ്പ് പ​രാ​ജ​യ​പ്പെ​ട്ട​ത്. അ​ന്ന് ബ​യേ​ണ്‍ മ്യൂ​ണി​ക്കാ​ണ് യു​വ​ന്‍റ​സി​നെ ത​ക​ര്‍ത്ത​ത്.

ഗ്രൂ​പ്പി​ലെ മ​റ്റൊ​രു മ​ത്സ​ര​ത്തി​ല്‍ വ​ല​ന്‍സി​യ 3-1ന് ​യം​ഗ് ബോ​യ്‌​സി​നെ പ​രാ​ജ​യ​പ്പെ​ടു​ത്തി. ഒ​രു ഗോ​ള്‍ നേ​ടു​ക​യും ര​ണ്ടു ഗോ​ളി​നു വ​ഴി​യൊ​രു​ക്കു​ക​യും ചെ​യ്ത കാ​ര്‍ലോ​സ് സൊ​ളെ​റി​ന്‍റെ പ്ര​ക​ട​ന​മാ​ണ് വ​ല​ന്‍സി​യ​യ്ക്കു ജ​യ​മൊ​രു​ക്കി​യ​ത്. 56-ാം മി​നി​റ്റി​ലാ​ണ് സൊ​ളെ​റി​ന്‍റെ ഗോ​ള്‍. സാ​ന്‍റി മി​ന 14, 42 മി​നി​റ്റു​ക​ളി​ല്‍ ഗോ​ള്‍ നേ​ടി. റോ​ജ​ര്‍ അ​സാ​ലെ (37-ാം മി​നി​റ്റ്) ആ​ണ് യം​ഗ് ബോ​യ്‌​സി​ന്‍റെ ഗോ​ളി​നു​ട​മ. ഈ ​ജ​യം വ​ല​ന്‍സി​യ​യ്ക്ക് നോ​ക്കൗ​ട്ട് പ്ര​തീ​ക്ഷ​ക​ള്‍ ന​ല്‍കി.

ഗ്രൂ​പ്പ് സി​യി​ല്‍ നാ​ലു മ​ത്സ​രം പൂ​ര്‍ത്തി​യാ​യ​പ്പോ​ള്‍ മൂ​ന്നു മ​ത്സ​രം ജ​യി​ച്ച യു​വ​ന്‍റ​സാ​ണ് ഒ​ന്നാം സ്ഥാ​ന​ത്ത്. ഏ​ഴു പോ​യി​ന്‍റു​ള്ള മാ​ഞ്ച​സ്റ്റ​ര്‍ യു​ണൈ​റ്റ​ഡ് ര​ണ്ടാ​മ​തും അ​ഞ്ചു പോ​യി​ന്‍റു​ള്ള വ​ല​ന്‍സി​യ മൂ​ന്നാ​മ​തു​മാ​ണ്.


ബെ​ന്‍സ​മ​യു​ടെ ഇ​ര​ട്ട ഗോ​ളി​ല്‍ റ​യ​ല്‍

ക​രിം ബെ​ന്‍സ​മ​യു​ടെ ഇ​ര​ട്ട ഗോ​ള്‍ മി​ക​വി​ല്‍ ഗ്രൂ​പ്പ് ജി​യി​ല്‍ റ​യ​ല്‍ മാ​ഡ്രി​ഡ് എ​തി​രി​ല്ലാ​ത്ത അ​ഞ്ചു ഗോ​ളി​ന് വി​ക്ടോ​റി​യ പ്ല​സ​നെ തോ​ല്‍പ്പി​ച്ചു. താ​ത്കാ​ലി​ക പ​രി​ശീ​ല​കന്‍ സാ​ന്‍റി​യാ​ഗോ സൊ​ളാ​രി​യു​ടെ കീ​ഴി​ല്‍ റ​യ​ലി​ന്‍റെ ആ​ദ്യ ചാ​മ്പ്യ​ന്‍സ് ലീ​ഗ് മ​ത്സ​ര​മാ​യി​രു​ന്നു. പ​തി​യെ ക​ളി​ച്ചു​തു​ട​ങ്ങി​യ നി​ല​വി​ലെ ചാ​മ്പ്യ​ന്മാ​ര്‍ മി​ക​ച്ച ഫി​നി​ഷിം​ഗി​ലൂ​ടെ ആ​ദ്യ പ​കു​തി​യി​ല്‍ നാ​ലു ഗോ​ളു​മാ​യി ജ​യം ഉ​റ​പ്പി​ച്ചു. 20, 37 മി​നി​റ്റു​ക​ളി​ലാ​യി​രു​ന്നു ബെ​ന്‍സ​മ​യു​ടെ ഗോ​ള്‍. ആ​ദ്യ ഗോ​ളി​ലൂ​ടെ ബെ​ൻ​സ​മ റ​യ​ലി​നു​വേ​ണ്ടി 200 ഗോ​ള്‍ തി​ക​ച്ചു. ഫ്ര​ഞ്ച് താ​ര​ത്തി​ന്‍റെ 429-ാമ​ത്തെ മ​ത്സ​ര​മാ​യി​രു​ന്നു. ക​സേ​മി​റോ (23-ാം മി​നി​റ്റ്), ഗാ​ര​ത് ബെയ്ൽ (40-ാം മി​നി​റ്റ്), ടോ​ണി ക്രൂ​സ് (67-ാം മി​നി​റ്റ്) എ​ന്നി​വ​രും ല​ക്ഷ്യം ക​ണ്ടു.

പ്ല​സ​ന്‍റെ മി​ലാ​ന്‍ ഹാ​വെ​ലി​നെ എ​ല്‍ബോ ചെ​യ്ത​തി​ന് റ​യ​ല്‍ നാ​യ​ക​ന്‍ സെ​ര്‍ജി​യോ റാ​മോ​സ് ശി​ക്ഷാ​ന​ട​പ​ടി​യി​ല്‍നി​ന്ന് ഭാ​ഗ്യ​ത്തി​നു ര​ക്ഷ​പ്പെ​ടു​ക​യാ​യി​രു​ന്നു. മൂ​ക്ക് പൊ​ട്ടി ചോ​ര​യൊ​ലി​പ്പി​ച്ചാ​ണ് മി​ലാ​ന്‍ ക​ളം​വി​ട്ട​ത്. ചാ​മ്പ്യ​ന്‍സ് ലീ​ഗി​ല്‍ എ​വേ ഗ്രൗ​ണ്ടി​ല്‍ നാ​ലാം ത​വ​ണ​യാ​ണ് റ​യ​ല്‍ അ​ഞ്ചു ഗോ​ളി​ന്‍റെ മാ​ര്‍ജി​നി​ല്‍ ജ​യി​ക്കു​ന്ന​ത്.

ഗ്രൂ​പ്പി​ലെ മ​റ്റൊ​രു മ​ത്സ​ര​ത്തി​ല്‍ എ​എ​സ് റോ​മ 2-1ന് ​സി​എ​സ്‌​കെ​എ മോ​സ്‌​കോ​യെ തോ​ല്‍പ്പി​ച്ചു. മോ​സ്‌​കോ​യി​ല്‍ ന​ട​ന്ന മ​ത്സ​ര​ത്തി​ല്‍ നാ​ലാം മി​നി​റ്റി​ല്‍ കോ​സ്റ്റാ​സ് മാ​നോ​ലാ​സ് റോ​മ​യെ മു​ന്നി​ലെ​ത്തി​ച്ചു. 51-ാം മി​നി​റ്റി​ല്‍ അ​ര്‍നോ​ര്‍ സി​ഗ​ര്‍ഡ്‌​സ​ണി​ലൂ​ടെ സി​എ​സ്‌​കെ​എ സ​മ​നി​ല നേ​ടി. എ​ന്നാ​ൽ, 56-ാം മി​നി​റ്റി​ല്‍ ഹോ​ര്‍ദു​ര്‍ മാ​ഗ്നു​സ​ണ്‍ ചു​വ​പ്പ് കാ​ര്‍ഡ് ക​ണ്ടു പു​റ​ത്താ​യ​ത് ആ​തി​ഥേ​യ​ര്‍ക്കു തി​രി​ച്ച​ടി​യാ​യി. 59-ാം മി​നി​റ്റി​ല്‍ ലോ​റ​ന്‍സോ പെല്ലെഗ്രി​നി​യു​ടെ ഗോ​ളി​ല്‍ റോ​മ വി​ജ​യം നേ​ടി​യെ​ടു​ത്തു.

ഗ്രൂ​പ്പി​ല്‍ ഒ​ന്നും ര​ണ്ടും സ്ഥാ​ന​ത്തു​ള്ള റ​യ​ലി​നും റോ​മ​യ്ക്കു ഒ​മ്പ​ത് പോ​യി​ന്‍റ് വീ​ത​മാ​ണ്. ഗോ​ള്‍ ശ​രാ​ശ​രി​യി​ൽ റ​യ​ല്‍ ഒ​ന്നാം സ്ഥാ​ന​ത്താണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.