സാന്പത്തിക തളർച്ചയ്ക്കിടെ കടിഞ്ഞാൺ പൊട്ടിച്ചു വിലക്കയറ്റം
Monday, January 13, 2020 11:25 PM IST
എ​ന്താ​ണു ന​ട​ക്കു​ന്ന​തെ​ന്നു സം​ശ​യി​ക്കു​ന്ന​വ​ർ​ക്ക് സം​ശ​യം മാ​റിക്കി​ട്ടു​ന്ന​താ​ണ് ഇ​ന്ന​ലെ പു​റ​ത്തു​വ​ന്ന ചി​ല്ല​റവി​ല​ക്ക​യ​റ്റ ക​ണ​ക്ക്. രാ​ജ്യ​ത്തു ഡി​സം​ബ​റി​ൽ ഉ​പ​ഭോ​ക്തൃ​വി​ല സൂ​ചി​ക (സി​പി​ഐ) ആ​ധാ​ര​മാ​ക്കി​യു​ള്ള വി​ല​ക്ക​യ​റ്റം അ​ഥ​വാ പ​ണ​പ്പെ​രു​പ്പം 7.35 ശ​ത​മാ​ന​മാ​യി. ആ​റു​വ​ർ​ഷ​ത്തി​നി​ട​യി​ലെ ഏ​റ്റ​വും കൂ​ടി​യ നി​ല.

ഒ​രാ​ഴ്ച മു​ന്പ് ദേ​ശീ​യ സ്റ്റാ​റ്റി​സ്റ്റി​ക്സ് ഓ​ഫീ​സ് (എ​ൻ​എ​സ്ഒ) ഒ​രു നി​ഗ​മ​നം പ്ര​സി​ദ്ധീ​ക​രി​ച്ചു. 2019-20ൽ ​ഇ​ന്ത്യ​യു​ടെ സാ​ന്പ​ത്തി​ക (ജി​ഡി​പി) വ​ള​ർ​ച്ച അ​ഞ്ചു ശ​ത​മാ​ന​മാ​യി​രി​ക്കും. ആ​റു വ​ർ​ഷ​ത്തി​നി​ട​യി​ലെ ഏ​റ്റ​വും താ​ണ നി​ല. ന​വം​ബ​ർ 30ന് ​എ​ൻ​എ​സ്ഒ പു​റ​ത്തു​വി​ട്ട മ​റ്റൊ​രു ക​ണ​ക്ക്. ജൂ​ലൈ - സെ​പ്റ്റം​ബ​റി​ലെ ജി​ഡി​പി വ​ള​ർ​ച്ച 4.5 ശ​ത​മാ​നം. 26 ത്രൈ​മാ​സ​ങ്ങ​ളി​ലെ ഏ​റ്റ​വും താ​ണ നി​ല.

ഒ​രേ ഏ​ജ​ൻ​സി​യു​ടെ ക​ണ​ക്കു​ക​ൾ. ഒ​ന്ന്, താ​ണു​പോ​കു​ന്ന വ​ള​ർ​ച്ച. ര​ണ്ട്, ഉ​യ​ർ​ന്നു പോ​കു​ന്ന വി​ല​ക്ക​യ​റ്റം അ​ഥ​വാ പ​ണ​പ്പെ​രു​പ്പം. ഇ​തി​നാ​ണു സ്റ്റാ‌​ഗ്ഫ്ലേ​ഷ​ൻ (ത​ള​ർ​ച്ച​യും വി​ല​ക്ക​യ​റ്റ​വും ഒ​ന്നി​ച്ചു ന​ട​ക്കു​ന്ന​ത്) എ​ന്നു പ​റ​യു​ന്ന​ത്.

മ​ൻ​മോ​ഹ​ൻ മു​ന്പേ പ​റ​ഞ്ഞു

ഏ​താ​നും മാ​സം മു​ന്പ് മു​ൻ പ്ര​ധാ​ന​മ​ന്ത്രി ഡോ.​മ​ൻ​മോ​ഹ​ൻ സിം​ഗ് ഇ​തു പ​റ​ഞ്ഞ​താ​ണ്. രാ​ജ്യം ത​ള​ർ​ച്ച​യു​ടെ​യും വി​ല​ക്ക​യ​റ്റ​ത്തി​ന്‍റെ​യും ദൂ​ഷി​ത​വ​ല​യ​ത്തി​ലൂ​ടെ പോ​കു​ക​യാ​ണെ​ന്ന് അ​ദ്ദേ​ഹം മു​ന്ന​റി​യി​പ്പു ന​ൽ​കി.

അ​ദ്ദേ​ഹം ഒ​ന്നു​കൂ​ടി പ​റ​ഞ്ഞു. ഇ​തു​പോ​ലു​ള്ള വ​ലി​യ രാ​ജ്യ​ങ്ങ​ൾ​ക്കു സ്റ്റാ​ഗ്ഫ്ലേ​ഷ​നി​ൽ പെ​ട്ടാ​ൽ ക​ര​ക​യ​റാ​ൻ എ​ളു​പ്പ​മ​ല്ല.

അ​ന്നു വി​ല​ക്ക​യ​റ്റം ഇ​ത്ര കൂ​ടി​യി​രു​ന്നി​ല്ല. പ്ര​തി​പ​ക്ഷ​ത്തി​രി​ക്കു​ന്ന മു​ൻ പ്ര​ധാ​ന​മ​ന്ത്രി​യു​ടേ​ത് വെ​റും വി​മ​ർ​ശ​ന​മാ​യി കേ​ന്ദ്രം ക​രു​തി. സിം​ഗി​നു മ​റു​പ​ടി പ​റ​യാ​തെ അ​ദ്ദേ​ഹ​ത്തെ പ​രി​ഹ​സി​ക്കാ​നാ​ണ് കേ​ന്ദ്ര​സ​ർ​ക്കാ​ർ തു​നി​ഞ്ഞ​ത്.

ഇ​പ്പോ​ൾ ഡോ.​ സിം​ഗ് പ​റ​ഞ്ഞ​തു​പോ​ലെ സം​ഭ​വി​ക്കു​ന്നു. നി​ർ​മ​ല സീ​താ​രാ​മ​ന്‍റെ ധ​ന​കാ​ര്യ ഭ​ര​ണ​ത്തി​ൽ ന​ല്ല വ​ശ​ങ്ങ​ൾ ചൂ​ണ്ടി​ക്കാ​ട്ടാ​നി​ല്ലാ​ത്ത നി​ല വ​ന്നി​രി​ക്കു​ന്നു.

വേ​ണ്ട​തു ത്വ​രി​ത വ​ള​ർ​ച്ച

രാ​ജ്യ​ത്ത് ഓ​രോ വ​ർ​ഷ​വും തൊ​ഴി​ല​ന്വേ​ഷ​ക​രാ​യി എ​ത്തു​ന്ന​തു 130 മു​ത​ൽ 150 വ​രെ ല​ക്ഷം യു​വാ​ക്ക​ളാ​ണ്. അ​വ​ർ​ക്കു തൊ​ഴി​ൽ കൊ​ടു​ക്കാ​ൻ വേ​ണ്ട​ത് ഒ​ന്പ​തു ശ​ത​മാ​നം വ​ള​ർ​ച്ച​യാ​ണ്. ഇ​തു​ത​ന്നെ​യാ​ണ് അ​ഞ്ചു വ​ർ​ഷംകൊ​ണ്ട് രാ​ജ്യം അ​ഞ്ചു ല​ക്ഷം കോ​ടി ഡോ​ള​ർ ജി​ഡി​പി​യി​ൽ എ​ത്താ​നും വേണ്ടത്.


ഒ​ന്ന്, രാ​ജ്യ​ത്തെ യു​വാ​ക്ക​ളു​ടെ ഉ​പ​ജീ​വ​നാ​വ​ശ്യം. മ​റ്റേ​തു പ്ര​ധാ​ന​മ​ന്ത്രി​യു​ടെ പ്ര​ഖ്യാ​പ​നം. ര​ണ്ടും പ്ര​ധാ​നം.

ഒ​ന്പ​തു ശ​ത​മാ​നം വേ​ണ്ട സ്ഥാ​ന​ത്താ​ണു നാ​ല​ര ശ​ത​മാ​നം വ​ള​ർ​ച്ച. അ​തു മാ​റ്റി മേ​ലോ​ട്ടു വ​ള​ർ​ച്ച കൊ​ണ്ടു​പോ​കാ​ൻ വ​ഴി​ തേ​ടു​ന്പോ​ഴാ​ണ് വി​ല​ക്ക​യ​റ്റം ക​ടി​ഞ്ഞാ​ൺ പൊ​ട്ടി​ച്ചു പാ​യു​ന്ന​ത്.

ആ​യു​ധ​മി​ല്ലാ​തെ നി​ർ​മ​ല

യു​ദ്ധ​ഭൂ​മി​യി​ൽ ആ‍യു​ധ​മി​ല്ലാ​ത്ത പ​ട​യാ​ളി​യെ​പ്പോ​ലെ ആ​വു​ക​യാ​ണ് ഇ​തോ​ടെ സ​ർ​ക്കാ​രും റി​സ​ർ​വ് ബാ​ങ്കും.

വ​ള​ർ​ച്ച കൂ​ട്ടാ​ൻ ചി​ല വ​ഴി​ക​ളു​ണ്ട്. അ​തി​ലൊ​ന്നാ​ണു പ​ലി​ശകു​റ​യ്ക്ക​ൽ. പ​ലി​ശ കു​റ​യു​ന്പോ​ൾ മൂ​ല​ധ​ന നി​ക്ഷേ​പ​ത്തി​ന് ഉ​ത്സാ​ഹം കൂ​ടു​മെ​ന്നാ​ണു പാ​ഠ​പു​സ്ത​ക​ങ്ങ​ൾ പ​റ​യു​ന്ന​ത്. അ​തു​കൊ​ണ്ടാ​ണു റി​സ​ർ​വ് ബാ​ങ്ക് 2019ൽ ​അ​ടി​സ്ഥാ​ന പ​ലിശ​നി​ര​ക്ക് 1.35 ശ​ത​മാ​നം കു​റ​ച്ച​ത്. ബാ​ങ്കുക​ളും നി​ര​ക്ക് അ​ല്പം കു​റ​ച്ചു.

വി​ല​ക്ക​യ​റ്റം ഇ​ങ്ങ​നെ കു​തി​ക്കു​ന്പോ​ൾ പ​ലി​ശ കു​റ​യ്ക്കാ​ൻ പ​റ്റി​ല്ല. വി​ല പി​ടി​ച്ചു​നി​ർ​ത്താ​ൻ പ​ലി​ശ കൂ​ട്ട​ണ​മെ​ന്നാ​ണു പാ​ഠ​പു​സ്ത​കം പ​റ​യു​ക. റി​സ​ർ​വ് ബാ​ങ്ക് ഡി​സം​ബ​റി​ൽ പ​ലി​ശ​നി​ര​ക്ക് മാ​റ്റാ​തി​രു​ന്ന​ത് ഇ​തി​ന്‍റെ ഫ​ല​മാ​ണ്. ഫെ​ബ്രു​വ​രി ആ​റി​ന് അ​ടു​ത്ത പ​ണ​ന​യ അ​വ​ലോ​ക​ന​ത്തി​ലും പ​ലി​ശ കു​റ​യ്ക്കി​ല്ല. കൂ​ട്ടു​ക​യി​ല്ല എ​ന്നു​റ​പ്പി​ല്ല.

ചെ​ല​വി​നു പ​ണ​മി​ല്ല

വ​ള​ർ​ച്ച കൂ​ട്ടാ​ൻ വേ​റൊ​രു വ​ഴി​യാ​ണു സ​ർ​ക്കാ​രി​ന്‍റെ ചെ​ല​വു കൂ​ട്ട​ൽ. പ​ക്ഷേ, നി​കു​തി​പി​രി​വി​ൽ അ​ട​ക്കം കേ​ന്ദ്രം വ​ര​വി​ൽ നാ​ലു ല​ക്ഷം രൂ​പ​യോ​ളം കു​റ​യു​മെ​ന്നാ​ണു ഭ​യ​പ്പെ​ടു​ന്ന​ത്. അ​തു​കൊ​ണ്ട് ചെ​ല​വ് വെ​ട്ടി​ക്കു​റ​യ്ക്കു​ക​യാ​ണ്. വ​ള​ർ​ച്ച​യ്ക്കു വേ​ണ്ടി ഒ​ന്നും ചെ​യ്യാ​നാ​കു​ന്നി​ല്ല.

ചെ​ല​വ് ച‌ു​രു​ക്കി​യാ​ലും വ​ള​ർ​ച്ച‌​യ്ക്കു ദോ​ഷ​മാ​ണ്. സ​ർ​ക്കാ​ർ ചെ​ല​വ് കു​റ​യ്ക്കു​ന്പോ​ൾ രാ​ജ്യ​ത്തു ഡി​മാ​ൻ​ഡ് കു​റ​യും. അ​തു വി​ല്പ​ന കു​റ​യ്ക്കും. അ​തു​മൂ​ലം ഉ​ത്പാ​ദ​ന​വും തൊ​ഴി​ലും കു​റ​യും. വ​ള​ർ​ച്ച വീ​ണ്ടും താ​ഴോ​ട്ടു​പോ​കും.

ഇ​നി ധ​ന​ക​മ്മി വ​ർ​ധി​പ്പി​ച്ച് വ​ള​ർ​ച്ച​യ്ക്കാ​യി ചെ​ല​വാ​ക്കാ​മെ​ന്നു വ​ച്ചാ​ൽ അ​തു പ‌​ലി​ശ​നി​ര​ക്ക് കൂ​ട്ടും. അ​പ്പോ​ഴും വ​ള​ർ​ച്ച​യ്ക്ക് ആ​ഘാ​ത​മാ​കും.

മ​റ്റു രീ​തി​യി​ൽ സ​ന്പ​ദ്ഘ​ട​ന​യെ ഉ​ത്തേ​ജി​പ്പി​ക്കാ​ൻ ത​ക്ക ആ​വേ​ശ​ക​ര​മാ​യ പ്ര​ഖ്യാ​പ​ന​ങ്ങ​ളും ന​ട​പ​ടി​ക​ളും ഉ​ണ്ടാ​കു​ന്നി​ല്ലെ​ങ്കി​ൽ മു​ന്നോ​ട്ടു​ള്ള വ​ഴി ഇ​രു​ണ്ട​താ​കു​മെ​ന്നു വ്യ​ക്തം.

റ്റി.​സി. മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.