നാളികേരത്തിനു സർക്കാർ കരുത്ത്
Monday, June 17, 2019 12:49 AM IST
വിപണി വിശേഷം / കെ.ബി. ഉദയഭാനു

കൊ​പ്ര, പ​ച്ച​ത്തേ​ങ്ങ സം​ഭ​ര​ണ നീ​ക്ക​ത്തെ കാ​ർ​ഷി​ക​മേ​ഖ​ല ഉ​റ്റു​നോ​ക്കു​ന്നു. റ​ബ​ർ മി​ക​വ് നി​ല​നി​ർ​ത്തി, പു​തി​യ ഷീ​റ്റ് വ​ര​വ് വൈ​കു​ന്ന​ത് വ്യ​വ​സാ​യി​ക​ളെ അ​സ്വ​സ്ത​രാ​ക്കി. ഏ​ല​ക്ക ഒ​രി​ക്ക​ൽ കൂ​ടി താ​ര​മാ​യി. കു​രു​മു​ള​ക് വി​ല​യി​ൽ അ​പ്ര​തീ​ക്ഷി​ത തി​രു​ത്ത​ൽ. പ​വ​ന് റി​ക്കാ​ർഡ് തി​ള​ക്കം.

നാ​ളി​കേ​രം

നാ​ളി​കേ​ര ക​ർ​ഷ​ക​ർ​ക്ക് താ​ങ്ങു പ​ക​രാ​ൻ കൊ​പ്ര​യും പ​ച്ച​ത്തേ​ങ്ങ​യും സം​ഭ​രി​ക്കാ​നു​ള്ള ഒ​രു​ക്ക​ത്തി​ലാ​ണ് സം​സ്ഥാ​ന സ​ർ​ക്കാ​ർ. വ​ർ​ഷാ​രം​ഭം മു​ത​ൽ വി​ല ത​ക​ർ​ച്ച​യി​ൽ അ​ക​പ്പെ​ട്ട നാ​ളി​കേ​ര വി​പ​ണി​യെ സം​ഭ​ര​ണ​ത്തി​ലു​ടെ കൈ​പി​ടി​ച്ച് ഉ​യ​ർ​ത്താ​നാ​വു​മെ​ന്നാ​ണ് പ്ര​തീ​ക്ഷ. ജ​നു​വ​രി​യി​ൽ ക്വി​ന്‍റ​ലി​ന് 11,000 രൂ​പ​യി​ൽ നീ​ങ്ങി​യ കൊ​പ്ര​യി​പ്പോ​ൾ 8,700 രൂ​പ​യി​ലാ​ണ്. ചു​രു​ങ്ങി​യ മാ​സ​ങ്ങ​ൾ​ക്കി​ട​യി​ലെ വി​ല​ത്ത​ക​ർ​ച്ച ക​ർ​ഷ​ക കു​ടും​ബ​ങ്ങ​ളെ ക​ടു​ത്ത സാ​ന്പ​ത്തി​ക ഞെ​രു​ക്ക​ത്തി​ലാ​ക്കി​യ വി​വ​രം ര​ണ്ടാ​ഴ്ച മു​ന്പ് ഇ​തേ കോ​ള​ത്തി​ൽ വ്യ​ക്ത​മാ​ക്കി​യി​രു​ന്നു.

പ​ച്ച​ത്തേ​ങ്ങ സം​ഭ​ര​ണ വി​ല കി​ലോഗ്രാ​മി​ന് 25 രൂ​പ​യാ​ണ്. ര​ണ്ടു രൂ​പ അ​ധി​കം ന​ല്കാ​നു​ള്ള ശ്ര​മ​ത്തി​ലാ​ണെ​ങ്കി​ലും ഇ​ക്കാ​ര്യ​ത്തി​ൽ അ​ന്തി​മ തീ​രു​മാ​ന​മാ​യി​ട്ടി​ല്ല. അ​ടു​ത്ത തി​ങ്ക​ളാ​ഴ്ച​യോ​ടെ പ​ച്ച​ത്തേ​ങ്ങ ശേ​ഖ​രി​ക്കാ​നു​ള്ള സ​ഹ​ക​ര​ണ സം​ഘ​ങ്ങ​ളെ ക​ണ്ടെ​ത്താ​നു​ള്ള ശ്ര​മ​ത്തി​ലാ​ണ്.

കാ​ല​വ​ർ​ഷം മു​ന്നി​ൽ ക​ണ്ട് നേ​ര​ത്തെ നാ​ളി​കേ​രം കൊ​പ്ര​യാ​ക്കി​യ​വ​ർ​ക്കും ആ​ശ്വാ​സ​ത്തി​നു വ​ക​യു​ണ്ട്. താ​ങ്ങു​വി​ല​യാ​യ 9,521ന് ​കൊ​പ്ര​യും സം​ഭ​രി​ക്കും. ശേ​ഖ​രി​ക്കു​ന്ന പ​ച്ച​ത്തേ​ങ്ങ​യും കൊ​പ്ര​യാ​ക്കി കേ​ന്ദ്ര ഏ​ജ​ൻ​സി​യാ​യ നാ​ഫെ​ഡി​ന് കൈ​മാ​റും. മ​ഴ മൂ​ലം തേ​ങ്ങാ​വെ​ട്ട് സ്തം​ഭി​ച്ച​തി​നാ​ൽ വി​പ​ണി​വി​ല ഉ​യ​ർ​ത്തു​ക എ​ളു​പ്പ​മാ​ണ്. മ​ഴ​യ്ക്കു മു​ന്പ് വി​ള​വെ​ടു​പ്പ് പൂ​ർ​ത്തി​യാ​ക്കാ​നു​ള്ള തി​ടു​ക്ക​ത്തി​ലാ​ണ് ത​മി​ഴ്നാ​ട്. കൊ​ച്ചി​യി​ൽ പ​ന്ത്ര​ണ്ടു ദി​വ​സം 11,900 രൂ​പ​യി​ൽ നി​ല​കൊ​ണ്ട വെ​ളി​ച്ചെ​ണ്ണ വാ​രാ​ന്ത്യം 12,000ലേ​ക്ക് ക​യ​റി.

റ​ബ​ർ

റ​ബ​ർ ഉ​ത്പാ​ദ​ക​രെ​യും സ്റ്റോ​ക്കി​സ്റ്റു​ക​ളെ​യും വി​പ​ണി​യി​ലേ​ക്ക് അ​ടു​പ്പി​ക്കാ​ൻ ട​യ​ർ ലോ​ബി ശ്ര​മം തു​ട​രു​ന്നു. ഷീ​റ്റ് വി​ല നി​ത്യേ​ന ഉ​യ​ർ​ത്തി ക്വ​ട്ടേ​ഷ​ൻ ഇ​റ​ക്കി​യി​ട്ടും ഉ​ത്പാ​ദ​ക​മേ​ഖ​ല​ക​ളി​ൽ​നി​ന്നു​ള്ള ച​ര​ക്കു​വ​ര​വ് ഉ​യ​രാ​ഞ്ഞ​ത് വ്യ​വ​സാ​യി​ക​ളെ അ​സ്വ​സ്ത​രാ​ക്കി. 14,700 രൂ​പ​യി​ൽ​നി​ന്ന് ആ​ർ​എ​സ്എ​സ് നാ​ലാം ഗ്രേ​ഡ് 15,500 വ​രെ ക​യ​റി​യെ​ങ്കി​ലും ച​ര​ക്കു​വ​ര​വ് നാ​മ​മാ​ത്ര​മാ​യി​രു​ന്നു.

ഇ​തി​നി​ടെ ഊ​ഹ​ക്ക​ച്ച​വ​ട​ക്കാ​ർ വി​ല കി​ലോ​ഗ്രാ​മി​ന് 165 ലേ​ക്ക് ഉ​യ​രു​മെ​ന്ന് പ്ര​ച​രി​പ്പി​ച്ച​തും ച​ര​ക്കു​വ​ര​വി​നെ ബാ​ധി​ച്ചു. ഒ​രു മാ​സ​ത്തി​നി​ട​യി​ൽ നാ​ലാം ഗ്രേ​ഡി​ന് 2000 രൂ​പ ഉ​യ​ർ​ന്നെങ്കി​ലും ഇ​ത് ഉ​ത്പാ​ദ​ക​ർ​ക്ക് കാ​ര്യ​മാ​യി പ്ര​യോ​ജ​നം ചെ​യ്യാ​ഞ്ഞ​തി​നാ​ൽ പ​ല​രും ടാ​പ്പിം​ഗി​ന് താ​ത്പ​ര്യം കാ​ണി​ച്ചി​ട്ടി​ല്ല. വി​ല​സ്ഥി​ര​ത​യ്ക്കാ​യി കാ​ത്തു​നി​ൽ​ക്കു​ക​യാ​ണ് ക​ർ​ഷ​ക​ർ. ഇ​പ്പോ​ഴ​ത്തെ നി​ല​യ്ക്ക് ജൂ​ലൈ ആ​ദ്യ പ​കു​തി​യി​ലും ച​ര​ക്കു​വ​ര​വ് ശ​ക്തി​യാ​ർ​ജി​ക്കി​ല്ല. ടോ​ക്കോ​മി​ൽ റ​ബ​ർ വില കി​ലോയ്ക്ക് 229 യെ​ൻ വ​രെ ഉ​യ​ർ​ന്നു. ബു​ള്ളി​ഷ് മൂ​ഡി​ൽ നീ​ങ്ങു​ന്ന റ​ബ​ർ 231 യെ​ന്നി​ലെ പ്ര​തി​രോ​ധം മ​റി​ക​ട​ന്നാ​ൽ 256 യെ​ന്നി​നെ ഉ​റ്റ്നോ​ക്കാം.


ഏ​ലം

ബോ​ഡി​നാ​യ്ക്ക​നൂ​രി​ൽ ന​ട​ന്ന ഏ​ല​ക്ക ലേ​ല​ത്തി​ൽ മി​ക​ച്ച​യി​ന​ങ്ങ​ളു​ടെ വി​ല സ​ർ​വ​കാ​ല റി​ക്കാ​ർ​ഡി​ലേ​ക്ക് ഉ​യ​ർ​ന്നു. ക​ഴി​ഞ്ഞ​മാ​സം രേ​ഖ​പ്പെ​ടു​ത്തി​യ 4,000 രൂ​പ​യു​ടെ റി​ക്കാ​ർ​ഡ് പ​ഴ​ങ്ക​ഥ​യാ​ക്കി മി​ക​ച്ച​യി​നം ഏ​ല​ക്ക കി​ലോ 4503 രൂ​പ​യി​ലെ​ത്തി. ആ​ഭ്യ​ന്ത​ര-​വി​ദേ​ശ വി​പ​ണി​ക​ളി​ൽ നി​ന്ന് ഏ​ല​ത്തി​ന് ആ​വ​ശ്യ​ക്കാ​രു​ണ്ട്. വേ​ന​ൽ​മ​ഴ​യു​ടെ അ​ഭാ​വം മൂ​ലം പു​തി​യ സീ​സ​ൺ ഒ​ക്‌​ടോ​ബ​റി​ലേ​ക്കു നീ​ളാം.

കു​രു​മു​ള​ക്

കു​രു​മു​ള​കി​ന് ഉ​ത്ത​രേ​ന്ത്യ​ൻ അ​ന്വേ​ഷ​ണം നി​ല​ച്ച​ത് വി​ല 900 രൂ​പ ഇ​ടി​ച്ചു. കാ​ലാ​വ​സ്ഥാ മാ​റ്റം മൂ​ലം മു​ള​കി​ൽ ജ​ലാം​ശ​ത്തോ​ത് ഉ​യ​ർ​ന്ന​ത് വാ​ങ്ങ​ലു​കാ​രെ പി​ന്തി​രി​പ്പി​ച്ചു. ഉ​ണ​ക്കു കൂ​ടി​യ മു​ള​ക് കാ​ർ​ഷി​ക മേ​ഖ​ല​ക​ളി​ൽ നേ​രി​ട്ട് പ​ല​രും സം​ഭ​രി​ക്കു​ന്നു​ണ്ട്. രാ​ജ്യാ​ന്ത​ര മാ​ർ​ക്ക​റ്റി​ൽ ഇ​ന്ത്യ​ൻ മു​ള​ക് പി​ന്ത​ള്ള​പ്പെ​ട്ട നി​ല​യി​ലാ​ണ്. ഇ​ന്ത്യ​ൻ കു​രു​മു​ള​ക് വി​ല ട​ണ്ണി​ന് 5600 ഡോ​ള​റാ​ണ്. കൊ​ച്ചി​യി​ൽ ഗാ​ർ​ബി​ൾ​ഡ് കു​രു​മു​ള​ക് 37,200 രൂ​പ​യി​ൽ​നി​ന്ന് 36,300 രൂ​പ​യാ​യി.

ചു​ക്ക്

ചു​ക്ക് വി​ല​യി​ൽ മാ​റ്റ​മി​ല്ല. ഉ​ത്ത​രേ​ന്ത്യ​യി​ൽ മ​ഴ ആ​രം​ഭി​ക്കു​ന്ന​തോ​ടെ ആ​ഭ്യ​ന്ത​ര ഡി​മാ​ൻ​ഡ് ഉ​യ​രും. കൊ​ച്ചി​യി​ൽ കാ​ര്യ​മാ​യി ചു​ക്കി​ല്ല. കാ​ല​വ​ർ​ഷം സ​ജീ​വ​മാ​യ ശേ​ഷം വി​ല്പ​ന​യ്ക്ക് ഇ​റ​ക്കാ​മെ​ന്ന ക​ണ​ക്കു​കൂ​ട്ട​ലി​ൽ നൈ​ജീ​രി​യ, ബ​ർ​മ്മ, ചൈ​ന എ​ന്നി​വി​ട​ങ്ങ​ളി​ൽ​നി​ന്നു​ള്ള വി​ല കു​റ​ഞ്ഞ ചു​ക്ക് ഉ​ത്ത​രേ​ന്ത്യ​ൻ ഗോ​ഡൗ​ണു​ക​ളി​ൽ പ​ല​രും സം​ഭ​രി​ച്ചി​ട്ടു​ണ്ട്. കൊ​ച്ചി​യി​ൽ വി​വി​ധ​യി​നം ചു​ക്ക് 22,500-29000 രൂ​പ.

സ്വ​ർ​ണം

പ്ര​തീ​ക്ഷി​ച്ച പോ​ലെ കേ​ര​ള​ത്തി​ൽ സ്വ​ർ​ണവി​ല സ​ർ​വ​കാ​ല റി​ക്കാ​ർ​ഡ് തി​രു​ത്തി. ആ​ഭ​ര​ണ കേ​ന്ദ്ര​ങ്ങ​ളി​ൽ 24,320 രൂ​പ​യി​ൽ​നി​ന്ന് പ​വ​ൻ വെ​ള​ളി​യാ​ഴ്ച 24,560 ലേ​ക്കും അ​ന്ന് ത​ന്നെ 24,720 ലേ​ക്കും ക​യ​റി. ഫെ​ബ്രു​വ​രി​യി​ൽ രേ​ഖ​പ്പെ​ടു​ത്തി​യ 24,640 രൂ​പ​യു​ടെ റി​ക്കാ​ർ​ഡ് ഇ​തി​നി​ടെ പ​ഴ​ങ്ക​ഥ​യാ​യി. ശ​നി​യാ​ഴ്ച പ​വ​ൻ 24,560 രൂ​പ​യി​ലാ​ണ്.

ന്യൂ​യോ​ർ​ക്കി​ൽ ട്രോ​യ് ഔ​ൺ​സി​ന് 1340 ഡോ​ള​റി​ൽ നി​ന്ന് 14 മാ​സ​ത്തി​നി​ട​യി​ലെ ഏ​റ്റ​വും ഉ​യ​ർ​ന്ന നി​ര​ക്കാ​യ 1359 ഡോ​ള​ർ വ​രെ ചു​വ​ടു​വ​ച്ച ശേ​ഷം ക്ലോ​സിം​ഗി​ൽ 1341 ഡോ​ള​റി​ലാ​ണ്. മേ​യ് അ​വ​സാ​നം 1270 ഡോ​ള​റി​ൽ നീ​ങ്ങി​യ സ്വ​ർ​ണം ചു​രു​ങ്ങി​യ ദി​വ​സ​ങ്ങ​ൾ​ക്കി​ട​യി​ൽ 89 ഡോ​ള​ർ ക​യ​റി. ഈ ​വാ​രം 1359 ലെ ​പ്ര​തി​രോ​ധം മ​റി​ക​ട​ന്നാ​ൽ അ​ടു​ത്ത ല​ക്ഷ്യം 1387-1420 ഡോ​ള​റാ​ണ്. സാ​ങ്കേ​തി​ക തി​രു​ത്ത​ൽ സം​ഭ​വി​ച്ചാ​ൽ 1315 ഡോ​ള​റി​ൽ ആ​ദ്യ താ​ങ്ങു​ണ്ട്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.