ന്യൂഡൽഹി: ഇന്ത്യയിലെ പത്രം ഉടമകളുടെ സംഘടനയായ ഇന്ത്യൻ ന്യൂസ്പേപ്പർ സൊസൈറ്റി (ഐഎൻഎസ്) പ്രസിഡന്‍റായി മാതൃഭൂമി മാനേജിംഗ് ഡയറക്‌ടർ എം.വി. ശ്രേയാംസ് കുമാറിനെ തെരഞ്ഞെടുത്തു.
മലയാള മനോരമ എക്സിക്യൂട്ടീവ് എഡിറ്റർ ജയന്ത് മാമ്മൻ മാത്യു, മാതൃഭൂമി ജോയിന്റ് മാനേജിംഗ് ഡയറക്‌ടർ പി.വി. നിധീഷ്, മംഗളം മാനേജിംഗ് എഡിറ്റർ ബിജു വർഗീസ്, മനോരമ ചീഫ് റസിഡന്‍റ് എഡിറ്റർ ഹർഷ മാത്യു എന്നിവർ കേരളത്തിൽനിന്ന് എക്സിക്യൂട്ടീവ് കമ്മിറ്റിയിലേക്കും തെരഞ്ഞെടുക്കപ്പെട്ടു.
വിവേക് ഗുപ്ത (സന്മാർഗ്)- ഡെപ്യൂട്ടി പ്രസിഡന്‍റ്, കരണ്‍ രാജേന്ദ്ര ദർദ (ലോക്മത്)- വൈസ് പ്രസിഡന്‍റ്, തൻമെയ് മഹേശ്വരി (അമർ ഉജാല)- ട്രഷറർ എന്നിവരാണ് മറ്റു ഭാരവാഹികൾ.
ഡെപ്യൂട്ടി പ്രസിഡന്‍റായി പ്രവർത്തിച്ചുവരികയായിരുന്നു ശ്രേയാംസ് കുമാർ. രാകേഷ് ശർമയുടെ (ആജ് സമാജ്) ഒഴിവിലാണു പ്രസിഡന്‍റായത്. മാതൃഭൂമിയിൽനിന്ന് ഐഎൻഎസ് തലവനാകുന്ന നാലാമത്തെയാളാണ്. വിവേക് ഗോയങ്ക, മോഹിത് ജെയിൻ, പ്രവീണ്‍ സോമശേഖർ, സമുദ്ര ഭട്ടാചാര്യ, ഹോർമുസ്ജി എൻ. കാമ, രവീന്ദ്ര കുമാർ, അതിദേബ് സർക്കാർ, ഐ. വെങ്കിട്ട്, ഡോ. ആർ. ലക്ഷ്മിപതി, പാർഥ പി. സിൻഹ, പ്രതാപ് ജി. പവാർ, കെ.ആർ.പി. റെഡ്ഢി, കെ.എൻ. തിലക് കുമാർ, എസ്. ബാലസുബ്രഹ്മണ്യൻ ആദിത്യൻ, ആർ.എം.ആർ. രമേശ്, വിജയ് കുമാർ ചോപ്ര, വിജയ് ജവഹർലാൽ ദർദ, ജഗ്ജീത് സിംഗ് ദർദി, കുന്ദർ ആർ. വ്യാസ്, ശിവേന്ദ്ര ഗുപ്ത, മഹേന്ദ്ര മോഹൻ ഗുപ്ത, ഗിരീഷ് അഗർവാൾ ശിവേന്ദ്ര ഗുപ്ത, സഞ്ജയ് ഗുപ്ത, ഷൈലേഷ് ഗുപ്ത, രാഹുൽ രാജ്ഖേവ തുടങ്ങി 41 അംഗ നിർവാഹക സമിതിയെയും ഇന്നലെ ഓണ്‍ലൈനായി നടന്ന 85-ാം വാർഷിക പൊതുയോഗം തെരഞ്ഞെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.