ഒ​റ്റ​പ്പാ​ലം റെ​യി​ൽ​വേ സ്റ്റേഷ​ൻ എ​ൻ​എ​സ്ജി-3 നി​ല​വാ​ര​ത്തി​ൽ
Friday, September 27, 2024 6:59 AM IST
ഒ​റ്റ​പ്പാ​ലം: ഒ​റ്റ​പ്പാ​ലം റെ​യി​ൽ​വേ​സ്റ്റേ​ഷ​നി​ൽ കൂ​ടു​ത​ൽ ട്രെ​യി​നു​ക​ൾ​ക്കു സ്‌​റ്റോ​പ്പ് അ​നു​വ​ദി​ക്കാ​ൻ ന​ട​പ​ടി​ക​ളു​ണ്ടാ​യേ​ക്കും. റെ​യി​ൽ​വേ​ക്ക് ഒ​റ്റ​പ്പാ​ലം സ്‌​റ്റേ​ഷ​ൻ വ​ലി​യ ലാ​ഭ​വി​ഹി​തം ന​ൽ​കു​ന്ന സാ​ഹ​ച​ര്യം​കൂ​ടി പ​രി​ഗ​ണി​ച്ചാ​ണി​ത്.

യാ​ത്ര​ക്കാ​രു​ടെ എ​ണ്ണ​ത്തി​ലും വ​രു​മാ​ന​ത്തി​ലും വ​ലി​യ പു​രോ​ഗ​തി​യാ​ണ് ഒ​റ്റ​പ്പാ​ലം റെ​യി​ൽ​വേ സ്റ്റേ​ഷ​ൻ കൈ​വ​രി​ച്ചി​രി​ക്കു​ന്ന​ത്. ഇ​ത്ത​വ​ണ ഇ​ട​ത്ത​രം റെ​യി​ൽ​വേ സ്റ്റേ​ഷ​നു​ക​ളി​ൽ സം​സ്ഥാ​ന​ത്ത് ഏ​റ്റ​വും നേ​ട്ട​മു​ണ്ടാ​ക്കി​യ അ​ഞ്ചു സ്റ്റേ​ഷ​നു​ക​ളി​ലൊ​ന്നാ​ണ് ഒ​റ്റ​പ്പാ​ലം. പു​തി​യ പ​ട്ടി​ക​യി​ൽ സ്റ്റേ​ഷ​നെ നോ​ൺ സ​ബ് അ​ർ​ബ​ൻ ഗ്രൂ​പ്പ് (എ​ൻ​എ​സ്ജി) മൂ​ന്നി​ലേ​ക്കു​യ​രാ​നും സാ​ധി​ച്ചു.
സ്റ്റേ​ഷ​നി​ലൂ​ടെ ക​ട​ന്നു​പോ​കു​ന്ന എ​ല്ലാ ട്രെ​യി​നു​ക​ൾ​ക്കും സ്റ്റോ​പ്പ് അ​നു​വ​ദി​ച്ചാ​ൽ ജി​ല്ല​യി​ലേ​തി​നൊ​പ്പം മ​ല​ബാ​റി​ലേ​ക്കു​ള്ള യാ​ത്ര​ക്കാ​ർ​ക്കു​കൂ​ടി ഗു​ണ​ക​ര​മാ​കും. വ​ലി​യ ലാ​ഭ​വി​ഹി​ത​വും ഇ​തു​വ​ഴി നേ​ടാ​ൻ റെ​യി​ൽ​വേ​ക്കാ​വും.


എ​ൻ​എ​സ്ജി- 3 ഗ്രേ​ഡി​ലേ​ക്ക് സം​സ്ഥാ​ന​ത്തു​നി​ന്ന് കാ​സ​ർ​കോ​ട്, പ​യ്യ​ന്നൂ​ർ, കൊ​യി​ലാ​ണ്ടി, തി​രു​വ​ല്ല എ​ന്നീ സ്റ്റേ​ഷ​നു​ക​ൾ​ക്കൊ​പ്പ​മാ​ണു ഒ​റ്റ​പ്പാ​ല​വും ഉ​യ​ർ​ന്ന​ത്.

യാ​ത്ര​ക്കാ​രു​ടെ എ​ണ്ണ​ത്തി​ന്‍റെ​യും വ​രു​മാ​ന​ത്തി​ന്‍റെ യും ​അ​ടി​സ്ഥാ​ന​ത്തി​ലാ​ണ് ഈ ​ഉ​യ​ർ​ച്ച. 2023-2024 വ​ർ​ഷ​ത്തെ ക​ണ​ക്കു​പ്ര​കാ​രം ദി​വ​സേ​ന 5,172 യാ​ത്ര​ക്കാ​രാ​ണ് ഒ​റ്റ​പ്പാ​ലം സ്റ്റേ​ഷ​നി​ൽ​നി​ന്ന് ട്രെ​യി​ൻ ക​യ​റു​ക​യോ ഇ​റ​ങ്ങു​ക​യോ ചെ​യ്യു​ന്ന​ത്. 2022- 2023 വ​ർ​ഷ​ത്തി​ൽ പ്ര​തി​ദി​നം ഇ​തു 2,585 പേ​രാ​യി​രു​ന്നു.