മണ്ണാർക്കാട്: വിയ്യക്കുറിശിയിൽ കുട്ടികളും മുതിർന്നവരുമായ 240 ൽപരം ഭിന്നശേഷിക്കാർ താമസിക്കുകയും പഠിക്കുകയും ചെയ്യുന്ന ഫെയ്ത്ത് ഇന്ത്യ സ്പെഷൽ സ്കൂൾ എന്ന സ്ഥാപനത്തിലേക്ക് കുന്തിപ്പുഴ ലയണ്‍സ് ക്ലബ് ഭക്ഷണകിറ്റുകൾ വിതരണം ചെയ്തു.
കിറ്റുകളുടെ വിതരണം ലയണ്‍സ് ക്ലബ് പ്രസിഡന്‍റ് മോൻസി തോമസ് നിർവഹിച്ചു. സെക്രട്ടറി കെ.സി. ജയറാം, ജോയിന്റ് സെകട്ടറി രാമചന്ദ്രൻ മാസ്റ്റർ പ്രസംഗിച്ചു. വിവിധ കലാപരിപാടികളും നടത്തി. പ്രധാന അധ്യാപിക രജനി കിറ്റുകൾ ഏറ്റുവാങ്ങി. സ്പെഷൽ സ്കൂൾ ടീച്ചേഴ്സ് ട്രെയിനിംഗ് കോ-ഓർഡിനേറ്റർ ജയപ്രകാശ് നന്ദി പറഞ്ഞു.