പു​ലി​ക്ക​ളി ട്രോ​ഫി കൊ​ടു​ത്ത​പ്പോ​ൾ ‘വാ​ങ്ങി​യി​ല്ല’, ‘ക​ട്ടോ​ണ്ടു​പോ​യെ​ന്നു’ കോ​ർ​പ​റേ​ഷ​ൻ
Friday, September 27, 2024 7:28 AM IST
തൃ​ശൂ​ർ: സീ​താ​റാം​മി​ൽ ദേ​ശം പു​ലി​ക്ക​ളി ട്രോ​ഫി സ്വീ​ക​രി​ക്കാ​തെ വ​ലി​ച്ചെ​റി​ഞ്ഞ​തി​ലും പി​റ്റേ​ന്നു കോ​ർ​പ​റേ​ഷ​ൻ സൂ​ക്ഷി​ച്ചു​വ​ച്ച ട്രോ​ഫി ആ​രു​മ​റി​യാ​തെ കൊ​ണ്ടു​പോ​യ​തി​ലും ക​ടു​ത്ത ന​ട​പ​ടി​ക​ളു​മാ​യി കോ​ർ​പ​റേ​ഷ​ൻ.
അ​നു​വാ​ദ​മി​ല്ലാ​തെ ട്രോ​ഫി കൊ​ണ്ടു​പോ​യ സം​ഭ​വ​ത്തി​ൽ സീ​താ​റാം​മി​ൽ ദേ​ശ​ത്തോ​ടു വി​ശ​ദീ​ക​ര​ണം ആ​വ​ശ്യ​പ്പെ​ട്ടി​ട്ടു​ണ്ട്. അ​വ​രു​ടെ മൊ​ഴി​കേ​ട്ട​ശേ​ഷം പോ​ലീ​സി​ൽ പ​രാ​തി​ന​ല്കാ​നും സീ​താ​റാം​മി​ൽ ദേ​ശ​ത്തെ പു​ലി​ക്ക​ളി​യി​ൽ​നി​ന്നു വി​ല​ക്കാ​നു​മാ​ണ് ആ​ലോ​ച​ന.
അ​വ​ർ​ക്കു​ള്ള ബാ​ക്കി തു​ക കൊ​ടു​ക്ക​ണ​മോ​യെ​ന്നും ന​ൽ​കി​യ തു​ക തി​രി​ച്ചു​പി​ടി​ക്ക​ണ​മോ​യെ​ന്നും പ​രി​ശോ​ധി​ക്കും. മ​റ്റു പു​ലി​ക്ക​ളി​സം​ഘ​ങ്ങ​ളു​ടെ​കൂ​ടി അ​ഭി​പ്രാ​യം ആ​രാ​ഞ്ഞ​ശേ​ഷ​മാ​യി​രി​ക്കും ന​ട​പ​ടി​ക​ൾ.
പു​ലി​ക്ക​ളി​യി​ൽ ഒ​ന്നാം​സ്ഥാ​നം കി​ട്ടി​യി​ല്ലെ​ന്ന പ​രാ​തി ഉ​ന്ന​യി​ച്ചാ​ണു സീ​താ​റാം​മി​ൽ ദേ​ശം മൂ​ന്നാം​സ്ഥാ​ന​ക്കാ​ർ​ക്കു​ള്ള ട്രോ​ഫി സ്വീ​ക​രി​ക്കാ​തി​രു​ന്ന​തെ​ന്ന് മേ​യ​ർ എം.​കെ. വ​ർ​ഗീ​സ് പ​റ​ഞ്ഞു. നേ​ര​ത്തേ കി​ട്ടി​യ പു​ലി​ക്കൊ​ട്ടി​നും പു​ലി​വേ​ഷ​ത്തി​നും ടാ​ബ്ലോ​യ്ക്കു​മു​ള്ള ര​ണ്ടാം​സ്ഥാ​ന​ക്കാ​ർ​ക്കു​ള്ള ട്രോ​ഫി വേ​ദി​യി​ൽ വ​ലി​ച്ചെ​റി​യു​ക​യും ചെ​യ്തു.

ഒ​ന്നും ര​ണ്ടും സ്ഥാ​നം ല​ഭി​ച്ച യു​വ​ജ​ന​സം​ഘം വി​യ്യൂ​ർ, കാ​നാ​ട്ടു​ക​ര ദേ​ശ​ക്കാ​ർ മ​ന്ത്രി​മാ​രാ​യ കെ. ​രാ​ജ​ൻ, പ്ര​ഫ. ആ​ർ. ബി​ന്ദു എ​ന്നി​വ​രി​ൽ​നി​ന്നു സ​മ്മാ​നം ഏ​റ്റു​വാ​ങ്ങി​യി​രു​ന്നു. ബാ​ക്കി​യു​ള്ള ട്രോ​ഫി​ക​ളെ​ല്ലാം കോ​ർ​പ​റേ​ഷ​ന്‍റെ ഉ​ട​മ​സ്ഥ​ത​യി​ലു​ള്ള ബി​നി ടൂ​റി​സ്റ്റ് ഹോ​മി​ൽ സൂ​ക്ഷി​ച്ചി​രി​ക്കു​ക​യാ​യി​രു​ന്നു. ഇ​വി​ടെ​നി​ന്നാ​ണു പി​റ്റേ​ന്നു കൗ​ണ്‍​സി​ല​ർ സു​രേ​ഷ്കു​മാ​റി​ന്‍റെ നേ​തൃ​ത്വ​ത്തി​ൽ സം​ഘ​മാ​യെ​ത്തി സീ​താ​റാം​മി​ൽ ദേ​ശം പു​ലി​ക്ക​ളി​സം​ഘ​ത്തി​ലെ ആ​ളു​ക​ൾ ആ​ർ​പ്പു​വി​ളി​ക​ളോ​ടെ എ​ടു​ത്തു​കൊ​ണ്ടു​പോ​യ​ത്. ഇ​തി​ന്‍റെ വീ​ഡി​യോ ദൃ​ശ്യ​ങ്ങ​ൾ ഇ​പ്പോ​ൾ വൈ​റ​ലാ​ണ്.
കോ​ർ​പ​റേ​ഷ​ന്‍റെ സ്ഥ​ല​ത്തു സൂ​ക്ഷി​ച്ചു​വ​ച്ചി​രു​ന്ന ട്രോ​ഫി​ക​ൾ അ​നു​വാ​ദ​മി​ല്ലാ​തെ​യാ​ണു കൊ​ണ്ടു​പോ​യ​തെ​ന്നും സം​ഭ​വ​ത്തി​ൽ സീ​താ​റാം​മി​ൽ ദേ​ശം വി​ശ​ദീ​ക​ര​ണം ത​ന്നേ മ​തി​യാ​കൂ​വെ​ന്നും മേ​യ​ർ പ​റ​ഞ്ഞു. വി​ജ​യി​ക​ളെ തീ​രു​മാ​നി​ക്കു​ന്ന​തു കോ​ർ​പ​റേ​ഷ​ന​ല്ല​ല്ലോ, അ​തി​നു പ്ര​ത്യേ​കം ജ​ഡ്ജ​സ് ഉ​ണ്ട​ല്ലോ. ആ​രെ​യും തോ​ന്നി​യ​പോ​ലെ ചെ​യ്യാ​ൻ അ​നു​വ​ദി​ക്കി​ല്ലെ​ന്നും മേ​യ​ർ പ​റ​ഞ്ഞു.

സ്വ​ന്തം ലേ​ഖ​ക​ൻ