മൂന്നാർ: കഴിഞ്ഞ ദിവസം മൂന്നാറിലെ നല്ലതണ്ണിയിൽ രണ്ടു ശുചീകരണ തൊഴിലാളികളെ ആക്രമിച്ചതിനു പിന്നാലെ ചൊക്കനാട് എസ്റ്റേറ്റിലും കാട്ടാന ആക്രമണം. വീടിനു നേരെയുണ്ടായ കാട്ടാന ആക്രമണത്തിൽ വീടിന്‍റെ ജനാല തകർന്നു. ഫീൽഡ് ഓഫീസർ സുരേഷിന്‍റെ വീടിനു നേരെയാണ് പുലർച്ചെ നാലരയോടെ ആക്രമണം ഉണ്ടായത്. പ്രദേശവാസികൾ ബഹളമുണ്ടാക്കി ആനകളെ തുരത്തി.
കഴിഞ്ഞ ദിവസം ചൊക്കനാട് എസ്റ്റേറ്റ് ആശുപത്രിയുടെ ഭാഗമായി ഉണ്ടായിരുന്ന അടുക്കള പൂർണമായി കാട്ടാന തകർത്തിരുന്നു.