ഉടുന്പന്നൂർ: സഹകരണ ബാങ്കും സെന്‍റ് ജോർജ് ഹൈസ്കൂളുമായി ചേർന്ന് കുട്ടികളിൽ സന്പാദ്യശീലം പ്രോത്സാഹിപ്പിക്കാൻ വിദ്യാനിധി സന്പാദ്യ പദ്ധതി എന്ന പേരിൽ നിക്ഷേപ പദ്ധതിക്ക് തുടക്കമായി. കരിമണ്ണൂർ എസ്എച്ച്ഒ വി.സി. വിഷ്ണുകുമാർ ഉദ്ഘാടനം ചെയ്തു.
ഹെഡ്മാസ്റ്റർ പ്രശാന്ത് പി. ജയിംസ് അധ്യക്ഷത വഹിച്ചു. സ്റ്റാഫ് പ്രതിനിധി സോനൽ ചാക്കോ, സഹകരണ ബാങ്ക് പ്രസിഡന്‍റ് കെ.ആർ. സോമരാജ്, എം.ജെ. മാമച്ചൻ, ടി.കെ. നവാസ്, അധ്യാപിക ബിസ്മി സജി എന്നിവർ പ്രസംഗിച്ചു.