ചേര്ത്തല: ചേർത്തല തെക്ക് അരീപ്പറമ്പിലുണ്ടായ സംഘർഷവുമായി ബന്ധപ്പെട്ട് രണ്ടുപേരെ പോലീസ് അറസ്റ്റ് ചെയ്തു. ചേർത്തല തെക്ക് പഞ്ചായത്ത് പത്താം വാർഡ് പനങ്ങാട്ട് വെളി ബിനുമോൻ (പുത്താണി-40), ചേർത്തല തെക്ക് പഞ്ചായത്ത് 15-ാം വാർഡ് ഇല്ലത്ത് വെളി അഖില് (തത്തി-28) എന്നിവരെയാണ് അർത്തുങ്കൽ പോലീസ് അറസ്റ്റ് ചെയ്തത്.
24ന് വൈകുന്നേരം അരീപ്പറമ്പ് പഞ്ചായത്ത് ഓഫീസിന് തെക്കുവശത്തുള്ള ഷാപ്പിനു സമീപവും അരീപ്പറമ്പ് കൈതക്കുഴി ഷാപ്പിനു സമീപവും ഇരുവരും തമ്മിൽ അടിപിടി ഉണ്ടാവുകയും രണ്ടുപേർക്കും പരിക്കേൽക്കുകയും ചെയ്തിരുന്നു. അർത്തുങ്കൽ പോലീസ് ഇരുവർക്കും എതിരെ വധശ്രമത്തിനു കേസ് എടുത്തു. നിരവധി കേസുകളിലെ പ്രതികളാണ് ഇരുവരും. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.