ആലപ്പുഴ: ജനറല്‍ ആശുപത്രി പരിസരത്തെ കാടുപിടിച്ചുകിടന്ന സ്ഥലം ജീവനക്കാരുടെ നേതൃത്വത്തില്‍ കൃഷി ചെയ്തപ്പോള്‍ വിളഞ്ഞത് വെണ്ട, തക്കാളി, പച്ചമുളക്, ചീര തുടങ്ങിയ പച്ചക്കറികള്‍. ലോക ഹെപ്പറ്റൈറ്റിസ് ദിനമായ ജൂലൈ 28നാണ് ജനറല്‍ ആശുപത്രി പരിസരത്ത് സൂപ്രണ്ട് ഡോ ആര്‍. സന്ധ്യയുടെ നേതൃത്വത്തില്‍ ജീവനക്കാര്‍ കൃഷി തുടങ്ങിയത്.
സ്വച്ഛത ഹീ സേവ 2024ന്‍റെ ഭാഗമായി ആലപ്പുഴ നഗരസഭയുടെ പിന്തുണയോടുകൂടി ആരംഭിച്ച ജൈവകൃഷിയുടെ വിളവെടുപ്പ് നഗരസഭാധ്യക്ഷ കെ.കെ. ജയമ്മ ഉദ്ഘാടനം ചെയ്തു. നഗരസഭ ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ എ.എസ്. കവിത, ജില്ലാ മെഡിക്കല്‍ ഓഫീസര്‍ ഡോ. ജമുന വര്‍ഗീസ്, ജനറല്‍ ആശുപത്രി സൂപ്രണ്ട് ഡോ. ആര്‍. സന്ധ്യ, ആര്‍എംഒ ഡോ. എം. ആശ, എആര്‍എംഒ ഡോ. സിപി പ്രിയദര്‍ശന്‍, സെക്രട്ടറി റ്റി. സാബു, നഴ്‌സിംഗ് സൂപ്രണ്ട് ദീപാറാണി, ഡെപ്യൂട്ടി നഴ്‌സിംഗ് സൂപ്രണ്ട് രജിത, പിആര്‍ഒ ബെന്നി അലോഷ്യസ്, എച്ച്‌ഐ പീറ്റര്‍, എച്ച്‌സി പ്രിയലാല്‍ തുടങ്ങിയവര്‍ പങ്കെടുത്തു.