ചേർത്തല: സൈക്കിൾ യാത്രക്കാരൻ മിനി ലോറിയിടിച്ച് മരിച്ചു. കഞ്ഞിക്കുഴി പഞ്ചായത്ത് ഏഴാം വാർഡ് കൂറ്റുവേലി രേവതിയിൽ ഭുവനചന്ദ്രൻനായർ (72) ആണ് മരിച്ചത്. തിങ്കളാഴ്ച ഉച്ചകഴിഞ്ഞ് രണ്ടോടെ ദേശീയപാതയിൽ ന്യൂരാജസ്ഥാൻ മാർബിൾസിനു സമീപമാണ് അപകടം.
കണിച്ചുകുളങ്ങരയിൽനിന്ന് ഭക്ഷണം വാങ്ങിയശേഷം വീട്ടിലേക്ക് മടങ്ങുന്നതിനിടെയായിരുന്നു അപകടം. ഗുരുതരമായി പരിക്കേറ്റ ഭുവനചന്ദ്രൻനായരെ ചേർത്തലയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. സംസ്കാരം നടത്തി. ഓട്ടോ കാസ്റ്റിലെ മുൻ ജീവനക്കാരനാണ്. മാരാരിക്കുളം പോലീസ് കേസെടുത്തു. ഭാര്യ: ശോഭ. മകൻ: വിപിൻ (ഡൽഹി), വിനീത (ബംഗളൂരു). മരുമകൾ: ആര്യ (നഴ്സ്, കടപ്പുറം ആശുപത്രി, ആലപ്പുഴ), ജയപ്രകാശ് (ബംഗളൂരു).