എടത്തൊട്ടി: കാസർഗോഡ് എംപി ഇന്‍റർനാഷണൽ സ്കൂളിൽ നടന്ന 2024- 25 വർഷത്തെ സിബിഎസ്ഇ സ്റ്റേറ്റ് (ക്ലസ്റ്റർ ടെൻ) വോളിബോൾ ടൂർണമെന്‍റിൽ എടത്തൊട്ടി നവജ്യോതി സീനിയർ സെക്കൻഡറി സ്കൂൾ ഓവറോൾ കിരീടം നേടി.
കേരളത്തിലെ സിബിഎസ്ഇ സ്കൂളുകൾ മാറ്റുരച്ച ടൂർണമെന്‍റിൽ നവജ്യോതി സ്കൂൾ മൂന്ന് വ്യക്തിഗത ചാമ്പ്യൻഷിപ്പും കരസ്ഥമാക്കി.
പെൺകുട്ടികളുടെ അണ്ടർ-17 വിഭാഗത്തിൽ ചാമ്പ്യന്മാരും ആൺകുട്ടികളുടെ അണ്ടർ-17 വിഭാഗത്തിൽ റണ്ണേഴ്പ്പുമായി. ആൺകുട്ടികളുടെ അണ്ടർ- 14, അണ്ടർ- 19 വിഭാഗങ്ങളിൽ മൂന്നാം സ്ഥാനവും നേടി. പെൺകുട്ടികളുടെ വിഭാഗത്തിൽ മികച്ച അറ്റാക്കറായി അണ്ടർ- 14 വിഭാഗത്തിൽ എ.സി. റിൻഷയും അണ്ടർ-17 വിഭാഗത്തിൽ ക്യാരനും ആൺകുട്ടികളുടെ അണ്ടർ-14 വിഭാഗത്തിൽ മികച്ച ഡിഫൻഡറായി ജോയൽ റെന്നിയും തെരഞ്ഞെടുക്കപ്പെട്ടു. തുടർച്ചയായി 13 വർഷം കണ്ണൂർ സഹോദയയുടെ വോളിബോൾ ടൂർണമെന്‍റിൽ വിജയകിരീടം ചൂടിയ ചരിത്രവും നവജ്യോതിക്കുണ്ട്.