വണ്ടൂർ: യുവജനങ്ങളെ അപഹസിക്കുന്ന കേന്ദ്ര മന്ത്രി നിർമല സീതാരാമന്‍റെ പ്രസ്താവനക്കെതിരേ ഡിവൈഎഫ്ഐ വണ്ടൂരിൽ പ്രതിഷേധം സംഘടിപ്പിച്ചു. അന്ന സെബാസ്റ്റ്യന്‍റെ മരണവുമായി ബന്ധപ്പെട്ട് മന്ത്രി നടത്തിയ പ്രസ്താവനയിൽ പ്രതിഷേധിച്ചായിരുന്നു പ്രകടനം.
വണ്ടൂർ കുഞ്ഞാലി മന്ദിരത്തിൽ നിന്ന് പ്രകടനവുമായി എത്തിയ പ്രവർത്തകർ ജംഗ്ഷനിലെ നാല് റോഡുകളും ചുറ്റി. ഡിവൈഎഫ്ഐ വണ്ടൂർ ബ്ലോക്ക് സെക്രട്ടറി കെ. റഹീം, പി. രജീഷ്, ഹർഷ, സി.പി. പ്രണവ്, കെ. നിംഷാജ്, അജയ് എന്നിവർ നേതൃത്വം നൽകി.