സെ​യ്ത​ല​വി​യെ കി​ട്ടു​ണ്ണി​യാ​ക്കി​യപ്പോൾ ഒരു കുടുംബത്തിനു സംഭവിച്ചത്
Tuesday, September 21, 2021 10:05 AM IST
ഓ​ണം ബംപറും ഒ​പ്പം കു​റെ ക​ഥ​ക​ളും ഇ​ന്ന​ലെ കി​ട​ന്നു ക​റ​ക്ക​ത്തോ​ടു ക​റ​ക്ക​മാ​യി​രു​ന്നു. അ​ങ്ങ് ദു​ബാ​യി വ​രെ ചെ​ന്നു ന​മ്മു​ടെ സ്വ​ന്തം ഓ​ണം ബംപ​ർ. സെ​യ്ത​ല​വി​യും അ​ഹ​മ്മ​ദും ജ​യ​പാ​ല​നും ആ​യി​രു​ന്നു ഇ​ന്ന​ല​ത്തെ താ​ര​ങ്ങ​ൾ. ദു​ബാ​യി​യി​ൽനി​ന്നു വ​യ​നാ​ട് ചു​ര​വും ക​യ​റി ഒ​ടു​വി​ൽ ഇ​ന്ന​ലെ എ​റ​ണാ​കു​ളം മ​ര​ടി​ലെ​ത്തി​യ​പ്പോ​ളേ​ക്കും ഓ​ണം ​ബംപ​ർ ജ​യ​പാ​ല​നെ ചി​രി​പ്പി​ക്കു​ക​യും സെ​യ്ത​ല​വി​യ്ക്കു ക​ണ്ണീ​രും സ​മ്മാ​നി​ച്ചു.

സിനിമയല്ല ജീവിതം

കി​ലു​ക്ക​ത്തി​ൽ രേ​വ​തി കി​ട്ടു​ണ്ണി​യേ​ട്ട​നെ ലോ​ട്ട​റി​യ​ടി​ച്ചു​വെ​ന്നു പ​റ​ഞ്ഞു പ​റ്റി​ക്കു​ന്ന സീ​ൻ ഓ​ർ​മ​യി​ല്ലേ... പ്രേ​ക്ഷ​ക​ർ ആ​ർ​ത്ത​ല​ച്ചു ചി​രി​ച്ച ആ ​സീ​ൻ ഇ​ന്നും എ​ല്ലാ​വ​രെ​യും കു​ടു​കു​ടാ ചി​രി​പ്പി​ക്കു​ന്ന ക​ലാ​വി​ഷ്കാ​രം ത​ന്നെ​യാ​ണ്.

എ​ന്നാ​ൽ, അ​ത്ത​ര​ത്തി​ൽ ഒ​രു അ​നു​ഭ​വം ജീ​വി​ത​ത്തി​ൽ ആ​ർ​ക്കെ​ങ്കി​ലും ഉ​ണ്ടാ​യാ​ൽ അ​ത് അ​ത്ര അ​ങ്ങോ​ട്ടു ര​സി​ക്ക​ണ​മെ​ന്നി​ല്ല. സെ​യ്ത​ല​വി ഇ​ന്ന​ലെ ആ​ത്മ​വി​ശ്വാ​സ​ത്തോ​ടെ‍​യാ​ണ് മാ​ധ്യ​മ​ങ്ങ​ൾ​ക്കു മു​ന്നി​ൽ ത​ന്‍റെ ഭാ​ഗ്യ​ത്തെ കു​റി​ച്ച് പ​റ​ഞ്ഞ​ത്. ടി​ക്ക​റ്റ് നാ​ട്ടി​ലാ​ണെ​ന്നും സു​ഹൃ​ത്താ​ണ് ത​നി​ക്കാ​യി ടി​ക്ക​റ്റെ​ടു​ത്ത​തെ​ന്നും അ​വ​ൻ എ​ന്നെ വി​ളി​ച്ച് ഈ ​കാ​ര്യം ഉ​റ​പ്പി​ച്ചു പ​റ​ഞ്ഞു​വെ​ന്നും സെ​യ്ത​ലവി സ​ന്തോ​ഷ​ത്തോ​ടെ പ​റ​ഞ്ഞു.

തകർന്ന സ്വപ്നം

കി​ലു​ക്ക​ത്തി​ൽ ലോ​ട്ട​റി​യ​ടി​ച്ച വി​വ​രം കേ​ട്ട് ബോ​ധം കെ​ട്ടു വീ​ഴു​ന്ന​ത് ഇ​ന്ന​സെ​ന്‍റാ​ണെ​ങ്കി​ൽ ഇ​ന്ന​ലെ ഓ​ണം ബംപ​റ​ടി​ച്ച വി​വ​രം അ​റി​ഞ്ഞ സെ​യ്ത​ല​വി​യു​ടെ ഭാ​ര്യ​യ്ക്കാ​ണ് ബോ​ധ​ക്ഷ​യം ഉ​ണ്ടാ​യ​ത്. അ​തെ വ​ലി​യൊ​രു പ്ര​തീ​ക്ഷ​യാ​യി​രു​ന്നു അ​വ​ർ​ക്ക് ആ ​ബം​പ​ർ...

വാ​ട​ക​വീ​ട്ടി​ൽനി​ന്നു സ്വ​ന്തം വീ​ട്ടി​ലേ​ക്കു​ള്ള പി​ടി​വ​ള്ളി, ക​ട​ങ്ങ​ൾ​ക്കെ​ല്ലാം അ​റു​തി വ​രു​മ​ല്ലോ​യെ​ന്നു​ള്ള ചി​ന്ത, മ​ക​ന്‍റെ വി​ദ്യാ​ഭ്യാ​സ കാ​ര്യ​ങ്ങ​ൾ​ക്ക് കൈ​ത്താ​ങ്ങ്.... ഇ​ങ്ങ​നെ പ​ല​തും സെ​യ്ത​ല​വി​യും കു​ടും​ബ​വും സ്വ​പ്നം ക​ണ്ടു കാ​ണും.

ക്രൂരമായ തമാശ

വെ​റും മ​ണി​ക്കൂ​റു​ക​ളു​ടെ ആ​യു​സ് മാ​ത്ര​മേ ആ ​സ്വ​പ്ന​ങ്ങ​ൾ​ക്ക് ഉ​ണ്ടാ​യി​രു​ന്നു​ള്ളു. അ​ഹ​മ്മ​ദ് നി​ങ്ങ​ൾ ചെ​യ്ത​ത് അ​തു ത​മാ​ശ​യ്ക്കാ​ണെ​ങ്കി​ൽ പോ​ലും ഇ​മ്മി​ണി ക്രൂ​ര​ത​യാ​യി പോ​യി. സെ​യ്ത​ല​വി​യെ​ന്ന പാ​വ​ത്തി​നെ വി​ശ്വ​സി​പ്പി​ക്കു​വാ​ൻ നി​ങ്ങ​ൾ​ക്ക് എ​ളു​പ്പ​മാ​യി​രു​ന്നി​രി​ക്കാം. അ​മി​ത​മാ​യി സു​ഹൃ​ത്തി​നെ വി​ശ്വ​സി​ക്കു​ന്ന​യാ​ർ​ക്കും ഇ​ത്ത​ര​ത്തി​ലു​ള്ള അ​മ​ളി​ക​ൾ പ​റ്റാം. സെ​യ്ത​ല​വി​യാ​ണ് അ​തി​നു​ള്ള ഏ​റ്റ​വും ന​ല്ല ഉ​ദാ​ഹ​ര​ണം.

ബം​പ​ർ യ​ഥാ​ർ​ഥ​ത്തി​ൽ അ​ടി​ച്ച ജ​യ​പാ​ല​നെ ഏ​വ​ർ​ക്കും മാ​തൃ​ക​യാ​ക്കാം. കാ​ര​ണം ക​ക്ഷി ടി​വി​യി​ലൂ​ടെ ത​നി​ക്കാ​ണ് ഒ​ന്നാം സ​മ്മാ​നം എ​ന്ന​റി​ഞ്ഞി​ട്ടും പി​റ്റേ​ന്നു പ​ത്രം വ​രു​ന്ന​വ​രെ കാ​ത്തി​രു​ന്നു. പ​ത്ര​ങ്ങ​ൾ​ക്കാണ് ജനമനസിൽ ഇപ്പോഴും വി​ശ്വാ​സ്യ​ത കൂടുതൽ എന്നു ജ​യ​പാ​ല​നെ​ന്ന സാ​ധാ​ര​ണ​ക്കാ​ര​ൻ ഒരിക്കൽകൂടി തെ​ളി​യി​ച്ചു.

ഫലം അറിഞ്ഞിട്ടും ക​ക്ഷി അ​മി​ത ആ​ഘോ​ഷ​ത്തി​ലേ​ക്കു ക​ട​ന്നി​ല്ല. കാ​ന​റ ബാ​ങ്കി​ൽ ഭ​ദ്ര​മാ​യി ടി​ക്ക​റ്റ് ന​ൽ​കി ത്രി​ല്ല​ർ സി​നി​മ​ക​ളി​ലെ ക്ലൈ​മാ​ക്സ് ട്വി​സ്റ്റു​പോ​ലെ ചാ​ന​ലു​ക​ൾ​ക്ക് മു​ന്നി​ൽ വൈ​കു​ന്നേ​ര​ത്തോ​ടെ പ്ര​ത്യ​ക്ഷ​പ്പെ​ട്ടു.

അ​തു​വ​രെ ചാ​ന​ലു​ക​ളി​ലും സോ​ഷ്യ​ൽ മീ​ഡി​യ​യി​ലും നി​റ​ഞ്ഞു നി​ന്ന സെ​യ്ത​ല​വി അ​തോ​ടെ ശോ​ക​മൂ​ക​മാ​യ അ​വ​സ്ഥ​യി​ൽ എ​ത്തി​യി​ട്ടു​ണ്ടാ​വാം. താ​ൻ സെ​യ്ത​ല​വി​യെ പ​റ്റി​ച്ചി​ട്ടി​ല്ലാ​യെന്നു പ​റ​ഞ്ഞ് അ​ഹ​മ്മ​ദ് ത​ടി​ത​പ്പിയപ്പോൾ അഹമ്മദ് എന്നെ പറ്റിച്ചെന്ന് സെയ്തലവി ആവർത്തിച്ചു.


ശ​രി​ക്കും എ​ന്താ​ണ് സം​ഭ​വി​ച്ച​തെ​ന്ന് അ​റി​യാ​തെ സോ​ഷ്യ​ൽ മീ​ഡി​യ വാ​സി​ക​ൾ അ​വ​ര​വ​രു​ടെ ക​ലാ​വി​രു​തോ​ടെ പ​ല ക​ഥ​ക​ളും പ​റ​ഞ്ഞു ര​സി​ക്കാൻ തുടങ്ങി. ഇ​നി​യെ​ങ്കി​ലും ഇ​ത്ത​രം ക്രൂ​ര​മാ​യ ത​മാ​ശ​ക​ൾ മു​ള​പൊ​ട്ടാ​ത്തി​രി​ക്ക​ട്ടെ മ​റ്റൊ​രു സെ​യ്ത​ല​വി ഉ​ണ്ടാ​കാ​തി​രി​ക്ക​ട്ടെ.

- വി.​ശ്രീ​കാ​ന്ത്
Copyright @ 2022 , Rashtra Deepika Ltd.