സ്റ്റു​ഡി​യോ​യി​ലെ പീ​ഡ​നം: അ​നീ​സ് അ​ന്‍​സാ​രി ഉടൻ പിടിയിലാകും
Monday, March 14, 2022 3:03 PM IST
കൊ​ച്ചി: ലൈം​ഗി​ക പീ​ഡ​ന കേ​സി​ല്‍ ഒ​ളി​വി​ല്‍ ക​ഴി​യു​ന്ന കൊ​ച്ചി​യി​ലെ ബ്രൈ​ഡ​ല്‍ മേ​ക്ക​പ്പ് ആ​ര്‍​ട്ടി​സ്റ്റ് അ​നീ​സ് അ​ന്‍​സാ​രി ഉടൻ അറസ്റ്റിലാകും. ഇ​യാ​ള്‍​ക്കാ​യി പോ​ലീ​സ് സം​ഘം അ​ന്വേ​ഷ​ണം ഊ​ര്‍​ജി​ത​മാ​ക്കി​യി​രി​ക്കു​ക​യാ​ണെന്നു സി​റ്റി പോ​ലീ​സ് ക​മ്മീ​ഷ​ണ​ര്‍ സി.​എ​ച്ച്. നാ​ഗ​രാ​ജു പ​റ​ഞ്ഞു.

പ്ര​തി ക​ഴി​ഞ്ഞ ദി​വ​സം ദു​ബാ​യി​ലേ​ക്കു ക​ട​ന്നെ​ങ്കി​ലും മൂ​ന്നു ദി​വ​സം മു​മ്പ് കേ​ര​ള​ത്തി​ല്‍ തി​രി​ച്ചെ​ത്തി​യെ​ന്നാ​ണ് പോ​ലീ​സ് പ​റ​യു​ന്ന​ത്. ഇ​യാ​ളു​ടെ പാ​സ്‌​പോ​ര്‍​ട്ട് താമസസ്ഥലത്തുനിന്നു പോ​ലീ​സിനു ല​ഭി​ച്ചി​ട്ടു​ണ്ട്.

പ്ര​തി​ക്കെ​തി​രേ നാ​ലു കേ​സു​ക​ള്‍ പാ​ലാ​രി​വ​ട്ടം പോ​ലീ​സ് ര​ജി​സ്റ്റ​ര്‍ ചെ​യ്തു. നി​ല​വി​ല്‍ അ​ഞ്ച് പ​രാ​തി​ക​ളാ​ണ് കൊ​ച്ചി സി​റ്റി പോ​ലീ​സ് ക​മ്മീ​ഷ​ണ​ര്‍​ക്ക് ഇ-​മെ​യി​ലി​ലൂ​ടെ​യാ​ണ് പ​രാ​തി ന​ല്‍​കി​യി​രി​ക്കു​ന്ന​ത്. വൈ​റ്റി​ല ച​ളി​ക്ക​വ​ട്ട​ത്തെ അ​നീ​സ് അ​ന്‍​സാ​രി യൂ​ണി​സെ​ക്‌​സ് സ​ലൂ​ണ്‍ ബ്രൈ​ഡ​ല്‍ മേ​ക്ക​പ്പ് സ്റ്റു​ഡി​യോ​യി​ല്‍ മേ​ക്ക​പ്പ് ചെ​യ്യു​ന്ന​തി​നി​ടെ അ​നീ​സ് അ​ന്‍​സാ​രി ലൈം​ഗി​ക​മാ​യി ദു​രു​പ​യോ​ഗം ചെ​യ്തു​വെ​ന്നാ​ണ് യു​വ​തി​ക​ളു​ടെ പ​രാ​തി​യി​ലു​ള്ള​ത്.

കേ​ര​ള​ത്തി​ന് പു​റ​ത്തു​ള്ള​വ​രാ​ണ് പ​രാ​തി​ക്കാ​രി​ക​ള്‍. ഓ​സ്‌​ട്രേ​ലി​യ​യി​ല്‍ താ​മ​സി​ക്കു​ന്ന മ​ല​യാ​ളി യു​വ​തി​യു​ടെ പ​രാ​തി​യി​ലാ​ണ് ഇ​ന്ന​ലെ നാ​ലാ​മ​ത്തെ കേ​സ് ര​ജി​സ്റ്റ​ര്‍ ചെ​യ്ത​ത്. 2015 ഏ​പ്രി​ലി​ല്‍ വി​വാ​ഹ മേ​ക്ക​പ്പി​നാ​യി ചെ​ന്ന​പ്പോ​ള്‍ മേ​ക്ക​പ്പി​നി​ടെ അ​നാ​വ​ശ്യ​മാ​യി ശ​രീ​ര​ത്തി​ല്‍ സ്പ​ര്‍​ശി​ച്ചു​വെ​ന്നാ​ണ് പ​രാ​തി.

വി​വാ​ഹ ദി​വ​സ​മാ​യ​തി​നാ​ല്‍ പ​രാ​തി ന​ല്‍​കി​യി​ല്ല. തു​ട​ര്‍​ന്ന് ഇ​യാ​ള്‍​ക്കെ​തി​രേ മ​റ്റു യു​വ​തി​ക​ളു​ടെ പ​രാ​തി​ക​ള്‍ ഉ​യ​ര്‍​ന്ന സാ​ഹ​ച​ര്യ​ത്തി​ലാ​ണ് നി​ല​വി​ല്‍ പ​രാ​തി ന​ല്കി​യ​തെ​ന്ന് യു​വ​തി പ​റ​യു​ന്നു. ലൈം​ഗി​കാ​തി​ക്ര​മം ന​ട​ത്തി​യെ​ന്നും അ​ശ്ലീ​ല​ച്ചു​വ​യോ​ടെ സം​സാ​രി​ച്ചു​വെ​ന്നും മൊ​ബൈ​ലി​ല്‍ അ​ശ്ലീ​ല സ​ന്ദേ​ശ​ങ്ങ​ള്‍ അ​യ​ച്ചെ​ന്നു​മാ​യി​രു​ന്നു മറ്റു ചില യു​വ​തി​ക​ളു​ടെ പ​രാ​തി.

2019ല്‍ ​വി​വാ​ഹ മേ​ക്ക​പ്പി​നു ബു​ക്കു​ചെ​യ്ത താ​ന്‍ ട്ര​യ​ല്‍ മേ​ക്ക​പ്പി​നാ​യി വി​വാ​ഹ​ത്തി​നു ഒ​രാ​ഴ്ച മു​മ്പ് സ്റ്റു​ഡി​യോ​യി​ല്‍ എ​ത്തി​യ​പ്പോ​ള്‍ അ​നീ​സ് വ​സ്ത്രം അ​ഴി​ച്ചു​മാ​റ്റു​ക​യും അ​പ​മ​ര്യാ​ദ​യാ​യി പെ​രു​മാ​റു​ക​യും ചെ​യ്തെ​ന്നാ​ണ് ആ​ദ്യം അ​നു​ഭ​വം പ​ങ്കു​വ​ച്ച യു​വ​തി​യു​ടെ പ​രാ​തി.

ഇ​തോ​ടെ മേ​ക്ക​പ്പ് ചെ​യ്യു​ന്ന​തു നി​ര്‍​ത്താ​ന്‍ ആ​വ​ശ്യ​പ്പെ​ട്ടെ​ന്നും ബു​ക്കിം​ഗ് റ​ദ്ദാ​ക്കി​യെ​ന്നും ഇ​വ​ര്‍ വെ​ളി​പ്പെ​ടു​ത്തി​യി​രു​ന്നു. മ​റ്റു മൂ​ന്നു യു​വ​തി​ക​ള്‍​ക്കും സ​മാ​ന​മാ​യ അ​നു​ഭ​വ​മാ​ണ് ഇ​യാ​ളി​ല്‍​നി​ന്ന് ഉ​ണ്ടാ​യ​ത്. ഇ-​മെ​യി​ല്‍ വ​ഴി ല​ഭി​ച്ച പ​രാ​തി​ക​ളി​ല്‍ വീ​ഡി​യോ കോ​ണ്‍​ഫ്ര​റ​ന്‍​സിം​ഗി​ലൂ​ടെ യു​വ​തി​ക​ളു​ടെ മൊ​ഴി ശേ​ഖ​രി​ച്ചു ന​ട​പ​ടി​ക​ള്‍ വേ​ഗ​ത്തി​ലാ​ക്കാ​നാ​ണ് പോ​ലീ​സ് ശ്ര​മി​ക്കു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.