കൊച്ചി: സ്ത്രീയെ അപമാനിച്ച കേസിലെ പ്രതിയെ അറസ്റ്റു ചെയ്യാനെത്തിയ പോലീസ് ഉദ്യോഗസ്ഥരുടെ നേരെ നായയെ അഴിച്ചുവിട്ട കേസില്‍ ഒളിവില്‍ പോയ തമ്മനം എകെജി നഗര്‍ കോളനി സ്വദേശി വിശാല്‍ ഉള്‍പ്പെടെ മൂന്നുപേര്‍ പോലീസ് കസ്റ്റഡിയില്‍.
പാലാരിവട്ടം സ്റ്റേഷന്‍ എസ്ഐ ടി.എസ്. രതീഷിനെയും സംഘത്തെയുമാണ് പ്രതിയെ അറസ്റ്റു ചെയ്യാനെത്തിയപ്പോള്‍ പ്രതിയുടെ സുഹൃത്തുക്കള്‍ തടയുകയും നായയെ അഴിച്ചുവിട്ടു രക്ഷപ്പെടാന്‍ സഹായിക്കുകയും ചെയ്തത്.
വഴിയാത്രക്കാരനായ ആളെ ഉപദ്രവിക്കുന്നതു തടയാന്‍ ശ്രമിച്ചയാളുടെ ഭാര്യയെയാണ് വിശാല്‍ അപമാനിച്ചത്. ഇയാളെ അറസ്റ്റ് ചെയ്യുന്നതിനായാണ് പോലീസ് സംഘം സ്ഥലത്തെത്തിയപ്പോഴായിരുന്നു സംഭവം.
യുവതിയെ അപമാനിച്ച കേസില്‍ വിശാലിന്‍റെ സുഹൃത്തുക്കളായ തമ്മനം എകെജി നഗര്‍ കോളനിയില്‍ അഖില്‍ ജോസഫ്, ആലപ്പുഴ പാതിരപ്പിള്ളി വടക്കേമുഴങ്ങയില്‍ സുവര്‍ണകുമാര്‍ എന്നിവരെയും പോലീസ് കസ്റ്റഡിയില്‍ എടുത്തിട്ടുണ്ട്.
കൃത്യനിര്‍വഹണം തടസപ്പെടുത്തിയതിന് അറസ്റ്റിലായ ഇയാളുടെ സുഹൃത്തുക്കള്‍ ആലപ്പുഴ അരൂര്‍ ചിറ്റയില്‍ വീട്ടില്‍ അനീഷ്, തമ്മനം എകെജി കോളനി ചിത്രാജ്ഞലി വീട്ടില്‍ വൈശാഖ്, എകെജി കോളനി നിവാസിയായ മനീഷ്, എകെജി കോളനിയില്‍ പറമ്പില്‍ വീട്ടില്‍ യേശുദാസ് എന്നിവരെ ഇന്നലെ കോടതിയില്‍ ഹാജരാക്കി റിമാന്‍ഡ് ചെയ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.