നാലാം സെമസ്റ്റർ ത്രിവത്സര എൽഎൽബി പരീക്ഷ സമയം പുന:ക്രമീകരിച്ചു
സ്കൂൾ ഓഫ് ഇന്ത്യൻ ലീഗൽ തോട്ടിലെ നാലാം സെമസ്റ്റർ ത്രിവത്സര എൽഎൽബി (നാല് പിഎം ഒന്പതു പിഎം) റെഗുലർ, ഇംപ്രൂവ്മെന്റ്, സപ്ലിമെന്ററി പരീക്ഷയുടെ സമയക്രമം രാവിലെ 10 മുതൽ ഉച്ചകഴിഞ്ഞു ഒന്നുവരെയാക്കി ക്രമീകരിച്ചു. ടൈംടേബിൾ വെബ്സൈറ്റിൽ.
പരീക്ഷാതീയതി
സ്കൂൾ ഓഫ് ഇന്ത്യൻ ലീഗൽ തോട്ടിലെ ബിബിഎ എൽഎൽബി (2018 19 അഡ്മിഷൻ) ഒന്നാം സെമസ്റ്റർ പരീക്ഷ ജൂണ് 19ന് ആരംഭിക്കും. 10 വരെയും 500 രൂപ പിഴയോടെ 12 വരെയും 1000 രൂപ സൂപ്പർഫൈനോടെ 14 വരെയും അപേക്ഷിക്കാം.
വൈവവോസി
നാലാം സെമസ്റ്റർ എംഎസ്ഡബ്ല്യൂ (റെഗുലർ, സപ്ലിമെന്ററി, മേഴ്സി ചാൻസ്) മേയ് 2019 പരീക്ഷയുടെ പ്രോജക്ട് മൂല്യനിർണയവും വൈവവോസി പരീക്ഷയും ജൂണ് ആറ്, ഏഴ് തീയതികളിൽ വിവിധ കേന്ദ്രങ്ങളിൽ നടക്കും.
പരീക്ഷാഫലം
2018 സെപ്റ്റംബറിൽ സ്കൂൾ ഓഫ് എണ്വയോണ്മെന്റൽ സയൻസസിൽ നടത്തിയ രണ്ടാം സെമസ്റ്റർ എണ്വയോണ്മെന്റ് സയൻസ് ആൻഡ് ഡിസാസ്റ്റർ മാനേജ്മെന്റ്, എണ്വയോണ്മെന്റ് സയൻസ് ആൻഡ് മാനേജ്മെന്റ് പരീക്ഷയുടെ ഫലം പ്രസിദ്ധീകരിച്ചു.
2018 ഒക്ടോബറിൽ നടന്ന ഒന്നും രണ്ടും സെമസ്റ്റർ ബികോം സിബിസിഎസ്എസ് സപ്ലിമെന്ററി, ഇംപ്രൂവ്മെന്റ് (പ്രൈവറ്റ് രജിസ്ട്രേഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂണ് 14 വരെ അപേക്ഷിക്കാം.
സ്പോർട്സ് സ്കോളർഷിപ്പിന് അപേക്ഷിക്കാം
201819ലെ സ്പോർട്സ് സ്കോളർഷിപ്പിന് അപേക്ഷ ക്ഷണിച്ചു. പ്രിൻസിപ്പൽ സാക്ഷ്യപ്പെടുത്തിയ നിശ്ചിതമാതൃകയിലുള്ള അപേക്ഷ സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പു സഹിതം ജൂണ് 29നകം പ്രിയദർശിനി ഹിൽസിലുള്ള സ്കൂൾ ഓഫ് ഫിസിക്കൽ എഡ്യൂക്കേഷൻ ആൻഡ് സ്പോർട്സ് സയൻസസിന്റെ ഓഫീസിൽ എത്തിക്കണം. അപേക്ഷ ഫോം സർവകലാശാല വെബ്സൈറ്റിൽ.