കാലിക്കട്ടിൽ കൂട്ട റിട്ടയർമെന്റ്
തേഞ്ഞിപ്പലം: കാലിക്കട്ട് സർവകലാശാലയിൽ നിന്ന് അധ്യാപകരും ജീവനക്കാരും ഉൾപ്പെടെ 32 പേർ ഇന്ന് സർവീസിൽ നിന്ന് വിരമിക്കും. നിരവധി ദേശീയ പുരസ്കാരങ്ങൾ നേടിയ ഡോ. എം. സാബു (ബോട്ടണി), ഡോ. എൻ. രമണി (സുവോളജി), ഡോ. പി.ടി. രാമചന്ദ്രൻ (മാത്സ്), ഡോ. വി.എം. അബ്ദുൾ മുജീബ് (കെമിസ്ട്രി), ഡോ. കെ.ടി. അബൂബക്കർ സിദ്ദിഖ് (കോമേഴ്സ്), ജോയിന്റ് രജിസ്ട്രാർമാരായ സി.എസ്. മോഹനകൃഷ്ണൻ, വേലായുധൻ കല്ലേപുറത്ത്, ഡെപ്യൂട്ടി രജിസ്ട്രാർമാരായ അബ്ദുൾ അഹദ് പതിയിൽ, പി.പി. കരുണാകരൻ, അബ്ദുൾ കരീം മേച്ചേരി, കൃഷ്ണൻ തിരുക്കൻ, ടി.എം. ഹാരിസ്, പി. പ്രേമരാജൻ, സി. സൈനുൽ ആബിദ്, അസിസ്റ്റന്റ് രജിസ്ട്രാർമാരായ കെ. സുന്ദർരാജൻ, സ്റ്റാലിൻ തോമസ്, എം.ഡി. ജയൻ, എസ്. ഷാഹിദാ ബീവി, ഉണ്ണികൃഷ്ണൻ, സി.വൽസല, ബാബു ജോണ് , സെക്ഷൻ ഓഫീസർമാരായ കെ.ബാലചന്ദ്രൻ, വിശ്വനാഥൻ കുഞ്ഞാറ്റപറന്പിൽ, എൻ. സരസ്വതി, അസിസ്റ്റന്റ് സെക്ഷൻ ഓഫീസർമാരായ ടി. സരസൻ, സി.വി. ശോഭ, പി. അർജുനൻ (പന്പ് ഓപ്പറേറ്റർ), പി. രാധാകൃഷ്ണൻ (ലൈബ്രറി അസിസ്റ്റന്റ്), വി.പി. ഉണ്ണികൃഷ്ണൻ (ഓഫീസ് അറ്റൻഡന്റ്), കെ.ശശിധരൻ (ഗാർഡനർ), വി.കെ. രമണി (ക്ലറിക്കൽ അസിസ്റ്റന്റ്) എന്നിവരാണ് പടിയിറങ്ങുന്നത്.
പ്രോവൈസ് ചാൻസലർ ഡോ.പി. മോഹനും കോമേഴ്സ് പഠനവകുപ്പ് അധ്യാപകവൃത്തിയിൽ നിന്ന് വിരമിക്കുന്നത് ഇന്നാണ്. വിരമിക്കുന്നവർക്ക് സ്റ്റാഫ് വെൽഫയർ ഫണ്ട് നൽകിയ യാത്രയയപ്പ് സമ്മേളനം വൈസ് ചാൻസലർ ഡോ.കെ. മുഹമ്മദ് ബഷീർ ഉദ്ഘാടനം ചെയ്തു. രജിസ്ട്രാർ ഡോ.എം. മനോഹരൻ അധ്യക്ഷത വഹിച്ചു. പരീക്ഷാ കണ്ട്രോളർ ഡോ.പി. ശിവദാസൻ, ഫിനാൻസ് ഓഫീസർ കെ.കെ. സുരേഷ്, വിവിധ സംഘടനാ നേതാക്കൾ എന്നിവർ പ്രസംഗിച്ചു.