പിജി പ്രവേശനം: തിയതി നീട്ടി
പ്രവേശന പരീക്ഷ മുഖേനയല്ലാത്ത പിജി പ്രവേശനത്തിന് അപേക്ഷിക്കാനുള്ള തിയതി ജൂണ് മൂന്ന് വരെ നീട്ടി. അന്ന് ഉച്ചയ്ക്ക് ഒരു മണി വരെ ഫീസടക്കാം. അപേക്ഷാ ഫീസ് ജനറൽ 280 രൂപ, എസ് സി/എസ്ടി 115 രൂപ. (സിയുസിഎസ്എസ്2015 മുതൽ പ്രവേശനം) ട്രയൽ അലോട്ട്മെന്റ് ജൂണ് അഞ്ചിന്. പിജി ഇംഗ്ളീഷ് പ്രവേശനത്തിന് അപേക്ഷിച്ച് ബിരുദ തലത്തിൽ ഇംഗ്ളീഷ് കോർ വിഷയമായി പഠിച്ചിട്ടില്ലാത്തവർക്ക് പ്രവേശന പരീക്ഷ ജൂണ് ആറിന് നടത്തും. ഫസ്റ്റ് അലോട്ട്മെന്റ് ജൂണ് ഏഴിന് പ്രസിദ്ധീകരിക്കും. വെബ്സൈറ്റ്: www.cuonline.ac.in ഫോണ്: 0494 2407016.
പിജി പ്രവേശന പരീക്ഷ എഴുതിയവർ ഡിഗ്രി മാർക്കുകൾ അപ്ലോഡ് ചെയ്യണം
പിജി പ്രവേശനത്തിന് പ്രവേശന പരീക്ഷ എഴുതിയവർ റാങ്ക് ലിസ്റ്റ് തയ്യാറാക്കുന്നതിന് അവരുടെ ഡിഗ്രി മാർക്ക് ജൂണ് മൂന്നിന് അഞ്ച് മണിക്കകം ഓണ്ലൈനായി വെബ്സൈറ്റിൽ അപ്ലോഡ് ചെയ്യണം. നിശ്ചിത സമയത്തിനകം മാർക്ക് അപ്ലോഡ് ചെയ്യാത്തവരെ റാങ്ക് ലിസ്റ്റിൽ ഉൾപ്പെടുത്തുന്നതല്ല. വിവരങ്ങൾ www.cuonline.ac.in വെബ്സൈറ്റിൽ. ഫോണ്: 0494 2407016, 2407017.
ബിപിഎഡ് പ്രവേശന പരീക്ഷ
ബിപിഎഡ് പ്രവേശന എഴുത്ത് പരീക്ഷയും പ്രാക്ടിക്കലും ജൂണ് ഏഴ്, എട്ട് തിയതികളിലേക്ക് മാറ്റി. യോഗ്യത, ജാതി തെളിയിക്കുന്ന സർട്ടിഫിക്കറ്റുകളും ഫോട്ടോ, സ്പോർട്സ് കിറ്റ് എന്നിവയും സഹിതം ജൂണ് ഏഴിന് രാവിലെ എട്ടിന് സർവകലാശാലാ സ്റ്റേഡിയത്തിൽ ഹാജരാകണം.
അഫ്സൽഉൽഉലമ പ്രിലിമിനറി: ഒന്നാം അലോട്ട്മെന്റ് 30ന്
അഫ്സൽഉൽഉലമ (പ്രിലിമിനറി) പ്രവേശനം ഒന്നാമത്തെ അലോട്ട്മെന്റ് 30ന് 11 മണി മുതൽ ലഭ്യമാകും. അലോട്ട്മെന്റ് ലഭിച്ചവർ മാൻഡേറ്ററി ഫീസ് അടച്ച് അലോട്ട്മെന്റ് ഉറപ്പാക്കണം. ജനറൽ 480 രൂപ, എസ് സി/എസ് ടി 115 രൂപ. മാൻഡേറ്ററി ഫീ മെയ് 30 മുതൽ ജൂണ് ഒന്ന് വൈകീട്ട് നാല് വരെ അടക്കാം. മാൻഡേറ്ററീ ഫീസ് അടച്ചവർ ജൂണ് ഒന്നിനകം താൽക്കാലികമായോ, സ്ഥിരമായോ പ്രവേശനം നേടണം. വിശദവിവരങ്ങൾ വെബ്സൈറ്റിൽ.
പരീക്ഷാ അപേക്ഷ
രണ്ടാം സെമസ്റ്റർ (സിയുസിഎസ്എസ്2015 മുതൽ പ്രവേശനം) എംഎ/ എംഎസ് സി/ എംകോം/ എംഎസ്ഡബ്ല്യൂ/ എംസിജെ/ എംടിടിഎം/ എംബിഇ/ എംടിഎച്ച്എം റഗുലർ/ സപ്ലിമെന്ററി/ ഇംപ്രൂവ്മെന്റെ പരീക്ഷക്ക് പിഴകൂടാതെ ജൂണ് പത്ത് വരെയും 160 രൂപ പിഴയോടെ ജൂണ് 12 വരെയും ഫീസടച്ച് ജൂണ് 14 വരെ രജിസ്റ്റർ ചെയ്യാം.
പരീക്ഷാഫലം
രണ്ടാം വർഷ ബിപിഎഡ് ഇന്റഗ്രേറ്റഡ് ഏപ്രിൽ 2018 പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ജൂണ് ആറ് വരെ അപേക്ഷിക്കാം.
2018 നവംബറിൽ നടത്തിയ ഒന്ന്, മൂന്ന് സെമസ്റ്റർ എംഎ ജേർണലിസം ആൻഡ് മാസ് കമ്യൂണിക്കേഷൻ (സിസിഎസ്എസ്), മൂന്നാം സെമസ്റ്റർ എംസിജെ പരീക്ഷാഫലം വെബ്സൈറ്റിൽ.
സർട്ടിഫിക്കറ്റുകൾ കൈപ്പറ്റണം
വേലിക്കാട് ആര്യനെറ്റ് ഇൻസ്റ്റിറ്റ്യൂട്ട് ഓഫ് ടെക്നോളജിയിൽ നിന്ന് പഠിച്ചിറങ്ങിയ വിദ്യാർഥികൾക്ക് മാർക്ക് ലിസ്റ്റ്, സർട്ടിഫിക്കറ്റുകൾ, മറ്റ് ഡോക്യുമെന്റ്സ് എന്നിവ കിട്ടാനുണ്ടെങ്കിൽ ജൂലൈ പത്തിനകം കോളേജിൽ നിന്ന് കൈപ്പറ്റേണ്ടതാണ്.
കവരത്തി കേന്ദ്രം അസിസ്റ്റന്റ് പ്രഫസർ അഭിമുഖം
ലക്ഷദ്വീപ് കവരത്തി കോളജ് ഓഫ് എഡ്യുക്കേഷനിൽ അസിസ്റ്റന്റ് പ്രഫസർ (ജനറൽ എഡ്യുക്കേഷൻ) തസ്തികയിലേക്ക് ഓണ്ലൈനായി അപേക്ഷിച്ചവരിൽ യോഗ്യരായവർക്കുള്ള അഭിമുഖം ജൂലൈ ഒന്പതിന് രാവിലെ 9.30നും, അസിസ്റ്റന്റ് പ്രഫസർ (ഫിസിക്കൽ സയൻസ്) അഭിമുഖം ഉച്ചയ്ക്ക് 1.30നും സർവകലാശാലാ ഭരണവിഭാഗത്തിൽ നടക്കും. വിവരങ്ങൾ www.uoc.ac.in വെബ്സൈറ്റിൽ.