ബിരുദ പ്രവേശന ട്രയല് അലോട്ട്മെന്റ് ഇന്ന്
കാലിക്കട്ട് സര്വകലാശാല ബിരുദ ട്രയല് അലോട്ട്മെന്റ് ഇന്ന് രാവിലെ 11 ന് വെബ്സൈറ്റില് ലഭ്യമാവും. വിദ്യാര്ഥികള്ക്ക് ഓപ്ഷനുകള് 31 വരെ പുനഃക്രമീകരിക്കാം. പുതിയ കോളജോ കോഴ്സുകളോ കൂട്ടിച്ചേര്ക്കാനും ഒഴിവാക്കാനും സാധിക്കില്ല.
വാക്ഇന്ഇന്റര്വ്യൂ
വിവിധ പഠനവകുപ്പുകളില് അസി. പ്രഫസര്മാരെ കരാര് അടിസ്ഥാനത്തില് നിയമിക്കുന്നതിന് 30 മുതല് വാക്ഇന്ഇന്റര്വ്യൂ നടത്തും. യോഗ്യത, ജാതി, വയസ് എന്നിവ തെളിയിക്കുന്ന രേഖകള് സഹിതം വെബ്സൈറ്റില് കാണുന്ന തിയതികളില് അഭിമുഖത്തിന് ഹാജരാകണം. റിസര്വേഷന് ടേണ്, സ്പെഷലൈസേഷന് എന്നിവയും വെബ്സൈറ്റില് .
ഓറിയന്റേഷന് പ്രോഗ്രാം
സിഎച്ച് മുഹമ്മദ് കോയ ചെയര് , സ്കൂള് ഓഫ് കമ്മ്യൂണിറ്റി ഡവലപ്മെന്റുമായി സഹകരിച്ച് യുജിസി നെറ്റ് ഇംഗ്ലീഷ് പരീക്ഷയുമായി ബന്ധപ്പെട്ട് ദ്വിദിന ഓറിയന്റേഷന് പ്രോഗ്രാം സംഘടിപ്പിക്കുന്നു. ജൂണ് 10, 11 തിയതികളില് സര്വകലാശാലാ ഇഎംഎസ് സെമിനാര് കോംപ്ലക്സിലാണ് പരിപാടി. ഫോണ് : 9633902944.
എംഎഡ് പ്രവേശനത്തിന് അപേക്ഷ ക്ഷണിച്ചു
എംഎഡ് പ്രവേശനത്തിന് അപേക്ഷ ക്ഷണിച്ചു. ഓണ്ലൈന് രജിസ്ട്രേഷന് ഫീ ജൂണ് 11 വൈകുന്നേരം അഞ്ച് വരെ അടയ്ക്കാം. അപേക്ഷ സമര്പ്പിക്കേണ്ട അവസാന തിയതി ജൂണ് 12 വൈകുന്നേരം അഞ്ച്. ക്ലാസ് ജൂലൈ ഒന്നിന് ആരംഭിക്കും. അപേക്ഷാ ഫീ ജനറല് 555 രൂപ, എസ്സി/എസ്ടി 280 രൂപ.
ബിഎഡ് പ്രവേശനത്തിന് അപേക്ഷിക്കാം
ബിഎഡ് പ്രവേശനത്തിന് ഓണ്ലൈന് രജിസ്ട്രേഷന് 29ന് ഉച്ചയ്ക്ക് 12ന്് ആരംഭിക്കും. ജൂണ് 12 വരെ അപേക്ഷാ ഫീസ് അടച്ച് ജൂണ് 13 വരെ ഓണ്ലൈനായി രജിസ്റ്റര് ചെയ്യാം. അപേക്ഷാ ഫീ ജനറല് 555 രൂപ, എസ്സി/എസ്ടി 170 രൂപ.
ബിഎഡ് സ്പെഷല് എഡ്യുക്കേഷന് പ്രവേശനം
ബിഎഡ് സ്പെഷല് എഡ്യുക്കേഷന് (ഹിയറിംഗ് ഇംപയേര്ഡ്) പ്രവേശനത്തിന് ഓണ്ലൈന് രജിസ്ട്രേഷന് ഇന്ന് ഉച്ചയ്ക്ക് 12 ന് ആരംഭിക്കും. അപേക്ഷാ ഫീസ് ജൂണ് 14 വരെ അടയ്ക്കാം. അപേക്ഷിക്കേണ്ട അവസാന തിയതി ജൂണ് 15. അപേക്ഷാ ഫീ ജനറല് 555 രൂപ, എസ്സി/എസ്ടി 170 രൂപ. ഫോണ് : 0494 2407016, 2407017.
പരീക്ഷാ അപേക്ഷ
നാലാം സെമസ്റ്റര് എംഎസ്സി ഹെല്ത്ത് ആൻഡ് യോഗ തെറപ്പി 2016 പ്രവേശനം റഗുലര് , 2015 പ്രവേശനം സപ്ലിമെന്ററി പരീക്ഷയ്ക്ക് പിഴകൂടാതെ ജൂണ് ഏഴ് വരെയും 170 രൂപ പിഴയോടെ ജൂണ് 11 വരെയും ഫീസടച്ച് ജൂണ് 14 വരെ രജിസ്റ്റര് ചെയ്യാം.
പുനഃപരീക്ഷ ഇന്ന്
ചിറ്റൂര് ഗവ. കോളജിലെ ആറാം സെമസ്റ്റര് ബിഎസ്സി (സിയുസിബിസിഎസ്എസ്) ബയോകെമിസ്ട്രി കോര് പേപ്പര് പുനഃപരീക്ഷ ഇന്ന് രാവിലെ 9.30ന് സര്വകലാശാലാ സ്കൂള് ഓഫ് ഹെല്ത്ത് സയന്സില് നടക്കും.
റിഫ്രഷര് കോഴ്സ്
ഹ്യൂമണ് റിസോഴ്സ് ഡവലപ്മെന്റ് സെന്റര് കോളജ്/സര്വകലാശാലാ അധ്യാപകര്ക്കായി ജൂണ് 13 മുതല് 26 വരെ നടത്തുന്ന ഇംഗ്ലീഷ് ലാംഗ്വേജ് ആൻഡ് ടീച്ചിംഗ് റിഫ്രഷര് കോഴ്സിലേക്ക് ജൂണ് മൂന്ന് വരെ ഓണ്ലൈനായി അപേക്ഷിക്കാം. വിവരങ്ങള് എച്ച്ആര്ഡിസി വെബ്സൈറ്റില് . ഫോണ്: 0494 2407350, 2407351.