കാലിക്കട്ട് സര്വകലാശാല പിജി പ്രവേശനത്തിന് അപേക്ഷ ക്ഷണിച്ചു
2019 20 അധ്യയന വര്ഷത്തേയ്ക്കുള്ള ബിരുദാനന്തര ബിരുദ പ്രവേശനത്തിന് ഓണ്ലൈന് റജിസ്ട്രേഷന് ആരംഭിച്ചു. മേയ് 29 ഉച്ചയ്ക്ക് ഒന്നുവരെ അപേക്ഷാ ഫീസ് അടച്ച് ഓണ്ലൈന് അപേക്ഷ സമര്പ്പിക്കാവുന്നതാണ്. അപേക്ഷാഫീസ് : 280/ രൂപ. എസ്സി/എസ്ടി 115 രൂപ. വെബ്സെറ്റ് : www.cuonline.ac.in. സന്ദര്ശിക്കുക. അപേക്ഷകര് അന്തിമ സമര്പ്പണം നടത്തിയതിനുശേഷമുള്ള എല്ലാ തിരുത്തലുകള്ക്കും കാലിക്കട്ട് യൂണിവേഴ്സിറ്റിയുടെ കീഴിലുള്ള വിവിധ അഫിലിയേറ്റഡ് കോളജുകളില് പ്രവര്ത്തിക്കുന്ന നോഡല് സെന്ററുകളുടെ സേവനം ഉപയോഗിക്കേണ്ടതാണ്.
വിഭിന്നശേഷിക്കാരുടെ പ്രവേശനത്തിന് ഓണ്ലൈന് അലോട്ട്മെന്റ് ഉണ്ടായിരിക്കുന്നതല്ല. പ്രസ്തുത വിഭാഗത്തില് റജിസ്റ്റര് ചെയ്തവരുടെ റാങ്ക്ലിസ്റ്റ് അതത് കോളജിലേക്ക് നല്കുന്നതും കോളജ് പ്രസ്തുത റാങ്ക് ലിസ്റ്റില് നിന്നും പ്രവേശനം നടത്തുന്നതുമാണ്. റജിസ്റ്റര് ചെയ്യുന്ന വിദ്യാര്ഥികളുടെയോ രക്ഷിതാവിന്റെയോ ഫോണ് നമ്പര് മാത്രമേ ഓണ്ലൈന് റജിസ്ട്രേഷന് സമയത്ത് നല്കാവൂ. അലോട്ട്മെന്റ് സംബന്ധിച്ച സുപ്രധാന വിവരങ്ങള് ഓണ്ലൈന് റജിസ്ട്രേഷന് സമയത്ത് സമര്പ്പിക്കുന്ന ഫോണ് നമ്പറിലേക്ക് മാത്രമേ അയക്കുകയുള്ളൂ. പ്രവേശനം ആഗ്രഹിക്കുന്ന എല്ലാ വിദ്യാര്ഥികളും (ജനറല്, മാനേജ്മെന്റ്, കമ്യൂണിറ്റി ക്വോട്ട, സ്പോര്ട്ട്സ് , വിഭിന്നശേഷി വിഭാഗക്കാര് , വിവിധ സംവരണ വിഭാഗക്കാര് ഉള്പ്പെടെ) ഓണ്ലൈനായി അപേക്ഷാസമര്പ്പണം നടത്തി അപേക്ഷയുടെ പ്രിന്റ് എടുക്കേണ്ടതാണ്.
മാനേജ്മെന്റ്, സ്പോര്ട്ട്സ് എന്നീ ക്വോട്ടയില് പ്രവേശനം ആഗ്രഹിക്കുന്നവര് പ്രവേശനം ആഗ്രഹിക്കുന്ന കോളജുകളിലും അപേക്ഷ സമര്പ്പിക്കേണ്ടതാണ്. ഓണ്ലൈന് റജിസ്ട്രേഷന് 10 ഓപ്ഷന് നല്കാവുന്നതാണ്. പുറമേ വിവിധ എയ്ഡഡ് കോളജുകളിലെ കമ്യൂണിറ്റി ക്വോട്ട സീറ്റുകളില് പ്രവേശനം ആഗ്രഹിക്കുന്നവര്ക്ക് മൂന്ന് ഓപ്ഷനുകള് വരെ അധികമായി നല്കാവുന്നതാണ്.
പരീക്ഷാകേന്ദ്രത്തില് മാറ്റം
27ന് ആരംഭിക്കുന്ന വിദൂരവിദ്യാഭ്യാസം നാലാം സെമസ്റ്റര് ബികോം ബിബിഎ പരീക്ഷയ്ക്ക് ചിറ്റിലപ്പിള്ളി ഐഇഎസ് എൻജിനിയറിംഗ് കോളജ് പരീക്ഷാകേന്ദ്രമായി ലഭിച്ചവര് അതേ ഹാള് ടിക്കറ്റുമായി അരണാട്ടുകര ടീച്ചര് എഡ്യുക്കേഷന് സെന്ററിലും (ജോണ് മത്തായി സെന്റര് ) കൊടുങ്ങല്ലൂര് കോതപ്പറമ്പ് ഹിന്ദി പ്രചാരകേന്ദ്ര ടീച്ചര് എഡ്യുക്കേഷന് സെന്റര് പരീക്ഷാ കേന്ദ്രമായി ലഭിച്ചവര് പൊയ്യ ഹിന്ദിപ്രചാരകേന്ദ്ര ടീച്ചര് എഡ്യുക്കേഷന് സെന്ററിലും പരീക്ഷയ്ക്ക് ഹാജരാകണം.
പരീക്ഷ
നാലാം വര്ഷ ബിപിഎഡ് ഇന്റഗ്രേറ്റഡ് റഗുലര് / സപ്ലിമെന്ററി പരീക്ഷ 27ന് ആരംഭിക്കും.
പുനര്മൂല്യനിർണയ ഫലം
വിദൂരവിദ്യാഭ്യാസം നാലാം സെമസ്റ്റര് ബികോം ബിബിഎ (സിയുസിബിസിഎസ്എസ്) ഏപ്രില് 2018 പരീക്ഷ പുനര്മൂല്യനിർണയഫലം പ്രസിദ്ധീകരിച്ചു.