എംജി സർവകലാശാല ബിരുദാനന്തരബിരുദ പ്രവേശനം: ഏകജാലക ഓണ്ലൈൻ രജിസ്ട്രേഷൻ 10 മുതൽ
എംജി സർവകലാശാലയ്ക്കു കീഴിലുള്ള കോളജുകളിൽ വിവിധ ബിരുദാനന്തരബിരുദ പ്രോഗ്രാമുകളിലേക്കുള്ള പ്രവേശനത്തിനായി ഓണ്ലൈൻ രജിസ്ട്രേഷൻ 10ന് ആരംഭിക്കും. ഏകജാലക സംവിധാനത്തിലൂടെയാണ് മെരിറ്റ്, പട്ടികജാതിവർഗഎസ്ഇബിസി ഇബിഎഫ്സി സംവരണ സീറ്റുകളിലേക്ക് അലോട്ട്മെന്റ് നടക്കുക.
രജിസ്ട്രേഷൻ ഓണ്ലൈനായി
സർവകലാശാലയുടെ www.cap.mgu.ac.in എന്ന വെബ്സൈറ്റിലൂടെ ഓണ്ലൈനായാണ് രജിസ്റ്റർ ചെയ്യേണ്ടത്. വെബ്സൈറ്റിലെ ’പിജി ക്യാപ് 2019’ എന്ന ലിങ്കിൽ പ്രവേശിച്ച് ’കാൻഡിഡേറ്റ് രജിസ്ട്രേഷൻ’ ലിങ്കിൽ ക്ലിക്ക് ചെയ്യണം. ഈ ലിങ്കിലൂടെ ’അക്കൗണ്ട് ക്രിയേഷൻ’ എന്ന ലിങ്കിൽ പ്രവേശിച്ച് അപേക്ഷകന്റെ പേര്, ഇമെയിൽ വിലാസം, ജനനത്തീയതി, സംവരണവിഭാഗം എന്നീ വിവരങ്ങൾ നൽകി പാസ്വേഡ് സൃഷ്ടിക്കണം. തുടർന്ന് ഓണ്ലൈനായി ഫീസ് അടയ്ക്കണം. പൊതുവിഭാഗത്തിന് 1250 രൂപയും എസ്സി, എസ്ടി വിഭാഗത്തിന് 625 രൂപയുമാണ് അപേക്ഷാ ഫീസ്. അപേക്ഷാ ഫീസ് അടച്ചാൽ മാത്രമേ അപേക്ഷകന്റെ അക്കൗണ്ട് പ്രവർത്തനക്ഷമമാകൂ. അപേക്ഷാ നന്പരായിരിക്കും അപേക്ഷകന്റെ ലോഗിൻ ഐഡി. ഓണ്ലൈനായി ഫീസടച്ചശേഷം അപേക്ഷകന്റെ അക്കാദമിക വിവരങ്ങൾ നൽകി പരിശോധിച്ച് ഉറപ്പുവരുത്തിയശേഷം അപേക്ഷ സബ്മിറ്റ് ചെയ്യണം. 25ന് ഉച്ചകഴിഞ്ഞ് രണ്ടുവരെ ഓണ്ലൈൻ രജിസ്ട്രേഷൻ നടത്താം. അപേക്ഷയുടെ പ്രിന്റ്ഔട്ട് സർവകലാശാലയിൽ സമർപ്പിക്കേണ്ട. വെബ്സൈറ്റിലെ മാർഗനിർദേശങ്ങൾ അനുസരിച്ച് അപേക്ഷ നൽകണം.
ആദ്യ അലോട്ട്മെന്റ് ജൂണ് ആറിന്
ബിരുദാനന്തര ബിരുദ പ്രവേശനത്തിനുള്ള ആദ്യ അലോട്ട്മെന്റ് ജൂണ് ആറിന് നടക്കും. മാനേജ്മെന്റ്, കമ്മ്യൂണിറ്റി, സ്പോർട്സ്, കൾച്ചറൽ ക്വാട്ട, ഭിന്നശേഷി വിഭാഗ സംവരണ സീറ്റുകളിലേക്ക് അപേക്ഷിക്കുന്നവർ ഏകജാലകം വഴി അപേക്ഷിച്ച ശേഷം അപേക്ഷയുടെ പകർപ്പ് പ്രവേശനം ആഗ്രഹിക്കുന്ന കോളജുകളിൽ നേരിട്ട് നൽകണം. ലക്ഷദ്വീപിൽനിന്നുള്ള അപേക്ഷകർക്കായി ഓരോ കോളജിലും സീറ്റുകൾ സംവരണം ചെയ്തിട്ടുണ്ട്. ലക്ഷദ്വീപ് നിവാസികൾ ഏകജാലകത്തിലൂടെ അപേക്ഷിക്കുകയും അപേക്ഷയുടെ പകർപ്പ് പ്രവേശനം ആഗ്രഹിക്കുന്ന കോളജിൽ നേരിട്ടു നൽകുകയും ചെയ്യണം. ഏകജാലകത്തിലൂടെ അപേക്ഷിക്കാത്തവർക്ക് മാനേജ്മെന്റ്, കമ്മ്യൂണിറ്റി, സ്പോർട്സ്, കൾച്ചറൽ ക്വാട്ട, ഭിന്നശേഷി വിഭാഗ സംവരണ സീറ്റുകളിലേക്ക് പ്രവേശനം സാധിക്കില്ല.
സ്പോർട്സ്, കൾച്ചറൽ ക്വാട്ട, ഭിന്നശേഷി വിഭാഗ സംവരണ സീറ്റുകളിലേക്ക് അപേക്ഷിക്കുന്നവർ 22നകം ഓണ്ലൈനായി അപേക്ഷിക്കണം. ഈ സീറ്റുകളിലേക്ക് പ്രവേശനത്തിനുള്ള പ്രൊവിഷണൽ റാങ്ക് ലിസ്റ്റ് 23ന് പ്രസിദ്ധീകരിക്കും. ഇതു സംബന്ധിച്ച രേഖകളുടെ പരിശോധന അതത് കോളജുകളിൽ 23, 24 തീയതികളിൽ നടക്കും.
സ്പോർട്സ്, കൾച്ചറൽ ക്വാട്ട, ഭിന്നശേഷി വിഭാഗ സംവരണം, മാനേജ്മെന്റ്, കമ്മ്യൂണിറ്റി ക്വാട്ട സീറ്റുകളിലേക്കുള്ള പ്രവേശനം സംബന്ധിച്ച വിജ്ഞാപനം സർവകലാശാല വെബ്സൈറ്റിൽ പ്രസിദ്ധീകരിച്ചിട്ടുണ്ട്. കോളജ് അധികൃതർ വിജ്ഞാപന തീയതികൾക്ക് അനുസൃതമായി പ്രവേശന നടപടികൾ പൂർത്തീകരിക്കണമെന്ന് വൈസ് ചാൻസലർ അറിയിച്ചു. കോളജ് അധികൃതർ ഇമെയിൽ ദിവസേന പരിശോധിക്കണം. വിശദവിവരം ക്യാപ് വെബ്സൈറ്റിൽ ലഭിക്കും. ഇമെയിൽ: pgcap@ mgu.ac.inവിശദവിവരത്തിന് ഫോൺ: 88641784, 88651784, 88661784.
പരീക്ഷാ തീയതി
ഒന്നാം സെമസ്റ്റർ ബിപിഎഡ് (2018 അഡ്മിഷൻ റെഗുലർ, റീഅപ്പിയറൻസ്2015 അഡ്മിഷൻ മുതൽ) പരീക്ഷ 15ന് ആരംഭിക്കും. ആറുവരെയും 500 രൂപ പിഴയോടെ ഏഴുവരെയും 1000 രൂപ സൂപ്പർ ഫൈനോടെ ഒന്പതുവരെയും അപേക്ഷിക്കാം.
ബിടെക് ആറാം സെമസ്റ്റർ (പുതിയ സ്കീം) മെക്കട്രോണിക്സ് (ഐസി) പരീക്ഷ ഏഴിന് രാവിലെ 9.30 മുതൽ 12.30 വരെ നടക്കും.
അഫിലിയേറ്റഡ് കോളജുകളിലെയും സീപാസിലെയും ഒന്നാം സെമസ്റ്റർ എംഎസ്സി സിഇ ആൻഡ് എൻടി (കംപ്യൂട്ടർ എൻജിനിയറിംഗ് ആൻഡ് നെറ്റ്വർക്കിംഗ് ടെക്നോളജി 2018 അഡ്മിഷൻ റെഗുലർ, 2018 വരെയുള്ള അഡ്മിഷൻ സപ്ലിമെന്ററി) പരീക്ഷ 28ന് ആരംഭിക്കും. 13 വരെ അപേക്ഷിക്കാം. 500 രൂപ പിഴയോടെ 14 വരെയും 1000 രൂപ സൂപ്പർ ഫൈനോടെ 16 വരെയും അപേക്ഷിക്കാം.
പത്തനംതിട്ട കാതോലിക്കേറ്റ് കോളജിലെ ഒന്നാം സെമസ്റ്റർ എംഫിൽ സുവോളജി (201617 ബാച്ച്) പരീക്ഷ 24 ന് ആരംഭിക്കും. ഒന്പതുവരെ അപേക്ഷിക്കാം. 500 രൂപ പിഴയോടെ 13 വരെയും 1000 രൂപ സൂപ്പർഫൈനോടെ 14 വരെയും അപേക്ഷിക്കാം.
പരീക്ഷാ തീയതി പുനഃക്രമീകരിച്ചു
നാലാം സെമസ്റ്റർ എംഎ, എംഎസ്സി, എംകോം, എംസിജെ, എംഎംഎച്ച്, എംഎസ് ഡബ്ല്യൂ ആൻഡ് എംടിഎ, എംടിടിഎം (2017 അഡ്മിഷൻ റെഗുലർ, 2014, 2015, 2016 അഡ്മിഷൻ സപ്ലിമെന്ററി, 2012, 2013 അഡ്മിഷൻ മേഴ്സി ചാൻസ് സിഎസ്എസ്) പരീക്ഷയുടെ ആറ്, ഏഴ്, എട്ട് തീയതികളിൽ നടത്താനിരുന്ന വിവിധ വിഷയങ്ങളിലെ പരീക്ഷാ തീയതി പുനഃക്രമീകരിച്ചു. മറ്റു ദിവസങ്ങളിലെ പരീക്ഷകൾക്ക് മാറ്റമില്ല. വിശദവിവരം സർവകലാശാല വെബ്സൈറ്റിൽ ലഭിക്കും.
22 ന് നടത്താനിരുന്ന രണ്ടാം സെമസ്റ്റർ സിബിസിഎസ്, സിബിസിഎസ്എസ് യുജി കോമണ് കോഴ്സ് രണ്ട് സെക്കൻഡ് ലാംഗ്വേജ് പരീക്ഷ 25ന് നടക്കും. വിശദവിവരം സർവകലാശാല വെബ്സൈറ്റിൽ ലഭിക്കും.
സർവകലാശാലയിലെ പിഎച്ച്ഡി പ്രവേശന പരീക്ഷയ്ക്ക് ഓണ്ലൈനായി 10ന് വൈകുന്നേരം അഞ്ചുവരെ രജിസ്റ്റർ ചെയ്യാം. അപേക്ഷയുടെയും അനുബന്ധ രേഖകളുടെയും പകർപ്പ് 13ന് ഉച്ചകഴിഞ്ഞ് മൂന്നിനകം സർവകലാശാലയിൽ സമർപ്പിക്കണം. മറ്റു വിഷയങ്ങൾക്കൊപ്പം സോഷ്യോളജി, ജേർണലിസം വിഷയങ്ങളിലും പിഎച്ച്ഡി പ്രവേശനപരീക്ഷ നടക്കും.
സ്വാശ്രയ കോളേജ് മാനേജർമാരുടെ യോഗം ആറിന്
സർവകലാശാലയിൽ അഫിലിയേറ്റ് ചെയ്തിട്ടുള്ള സ്വാശ്രയ ആർട്സ് ആൻഡ് സയൻസ്, ആർക്കിടെക്ചറൽ, ബിഎഡ്, ലോ, സീപാസ് കോളജുകളിലെ മാനേജർമാരുടെ യോഗം ആറിന് രാവിലെ 10.30ന് സർവകലാശാല അസംബ്ലി ഹാളിൽ നടക്കും.