പ്രോജക്ട് മൂല്യനിർണയത്തിനും വൈവാവോസിക്കും മൂന്നുവരെ അപേക്ഷിക്കാം
നാലാം സെമസ്റ്റർ എംഎസ്സി മോളിക്യുലാർ ബയോളജി ആൻഡ് ജനറ്റിക് എൻജിനിയറിംഗ് (2016 2018 ബാച്ച്) പരീക്ഷയുടെ പ്രോജക്ട് മൂല്യനിർണയത്തിനും വൈവാവോസിക്കും മൂന്നുവരെയും 500 രൂപ പിഴയോടെ അഞ്ചുവരെയും 1000 രൂപ സൂപ്പർഫൈനോടെ എട്ടുവരെയും അപേക്ഷിക്കാം.
അന്തിമ റാങ്ക് പട്ടിക
2018 ഒക്ടോബറിൽ കോട്ടയം ഗാന്ധിനഗർ എസ്എംഇയിൽ നടന്ന രണ്ടാം വർഷ എംഎസ്സി മെഡിക്കൽ മൈക്രോബയോളജി പരീക്ഷയുടെ അന്തിമ റാങ്ക് പട്ടിക പ്രസിദ്ധീകരിച്ചു.
എസ്. റോഷിനി ദേവി, എസ്. ഷബാന, വർഷ തേജൻ എന്നിവർ യഥാക്രമം ഒന്നും രണ്ടും മൂന്നും റാങ്കുകൾ നേടി.
ഡിഡിഎഫ്എസ് പരിശീലനം
എംജി സർവകലാശാലയിലെ അസിസ്റ്റന്റ് സെക്ഷൻ ഓഫീസർ, സീനിയർ ഗ്രേഡ് അസിസ്റ്റന്റ്, അസിസ്റ്റന്റ് തസ്തികകളിലെ ജീവനക്കാർക്കായി ഡിഡിഎഫ്എസ് സംവിധാനത്തിലെ ഫയൽ മൂവ്മെന്റ് സംബന്ധിച്ച വിഷയത്തിൽ പരിശീലന പരിപാടി നടക്കും.
മൂന്ന്, നാല് തീയതികളിൽ സർവകലാശാല കാന്പസിലെ സ്കൂൾ ഓഫ് എൻവയണ്മെന്റൽ സയൻസസ് സെമിനാർ ഹാളിലാണു പരിശീലന പരിപാടി. പ്രതിദിനം ഒരു മണിക്കൂർ വീതം ദൈർഘ്യമുള്ള മൂന്നു ബാച്ചുകളായാണ് പരിശീലനം.