എംബിഎ പ്രവേശനത്തിന് 31 വരെ അപേക്ഷിക്കാം
സ്കൂൾ ഓഫ് മാനേജ്മെന്റ് ആൻഡ് ബിസിനസ് സ്റ്റഡീസിൽ 2019 അധ്യയന വർഷത്തെ എംബിഎ കോഴ്സ് പ്രവേശനത്തിന് അപേക്ഷിക്കാം. വിശദവിവരം വെബ്സൈറ്റിലും പഠനവകുപ്പിലും ലഭ്യമാണ്. അപേക്ഷ 31 വരെ സ്വീകരിക്കും. 04812732288.
ബിഎ, ബികോം പരീക്ഷാകേന്ദ്രം
അഞ്ചും ആറും സെമസ്റ്റർ ബിഎ, ബികോം (പ്രൈവറ്റ് രജിസ്ട്രേഷൻ സിബിസിഎസ്എസ് റെഗുലർ, സപ്ലിമെന്ററി) പരീക്ഷകൾ 15 മുതൽ ആരംഭിക്കും. പരീക്ഷ കേന്ദ്രങ്ങളുടെ വിശദവിവരം വെബ്സൈറ്റിൽ.
എംഫിൽ പ്രവേശന പരീക്ഷ
സ്കൂൾ ഓഫ് ബിഹേവിയറൽ സയൻസസിലെ 201819 എംഫിൽ പ്രോഗ്രാം പ്രവേശന പരീക്ഷ 13ന് രാവിലെ 10.30ന് പഠനവകുപ്പിൽ നടക്കും. 04812731034.
എംഫിൽ സീറ്റൊഴിവ്
സ്കൂൾ ഓഫ് മാനേജ്മെന്റ് ആൻഡ് ബിസിനസ് സ്റ്റഡീസിലെ 201819 എംഫിൽ ബിസിനസ് സ്റ്റഡീസ് ബാച്ചിൽ പട്ടികവർഗ വിഭാഗത്തിൽ രണ്ട് സീറ്റൊഴിവുണ്ട്. എംബിഎ, എംകോം, എംഎച്ച്ആർഎം, എംഎ ഇക്കണോമിക്സ് എന്നീ വിഷയങ്ങളിൽ 50 ശതമാനം മാർക്ക് വാങ്ങിയ വിദ്യാർഥികൾ അസൽ രേഖകളുമായി 13നകം പഠനവകുപ്പിൽ എത്തണം. 04812732288.
പരീക്ഷാ ഫലം
2018 ജൂണിൽ നടന്ന രണ്ടാം സെമസ്റ്റർ എംഎ മദ്ദളം, വയലിൻ, മോഹിനിയാട്ടം (റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 21 വരെ അപേക്ഷിക്കാം.
ഗസ്റ്റ് അധ്യാപക ഒഴിവ്; അഭിമുഖം 19ന്
സ്കൂൾ ഓഫ് ബിഹേവിയറൽ സയൻസസിൽ സൈക്കോളജി വിഷയത്തിലുള്ള ഒഴിവിലേക്ക് ഗസ്റ്റ് അധ്യാപകനെ നിയമിക്കും. താല്പര്യമുള്ളവർ യോഗ്യത രേഖകളുമായി 19ന് രാവിലെ 10.30ന് നടക്കുന്ന അഭിമുഖത്തിന് എത്തണം. 04812731034.
സിൻഡിക്കറ്റ് യോഗം
എംജി സർവകലാശാല സിൻഡിക്കേറ്റ് യോഗം 18ന് രാവിലെ 10.30ന് സർവകലാശാല ഭരണവിഭാഗത്തിലെ സിൻഡിക്കറ്റ് ഹാളിൽ നടക്കും.