ഗ്രേസ് മാർക്കിന് അപേക്ഷിക്കാം
കണ്ണൂർ സർവകലാശാലയുടെ അഫിലിയേറ്റഡ് കോളജുകളിലെ നാഷണൽ സർവീസ് സ്കീം 201719 വർഷത്തെ പ്രവർത്തനങ്ങൾക്കുള്ള ഗ്രേസ് മാർക്കിന് അർഹരായ വിദ്യാർഥികളിൽനിന്ന് അപേക്ഷ ക്ഷണിച്ചു. നാഷണൽ സർവീസ് സ്കീം ഗ്രേസ് മാർക്കിനുള്ള അപേക്ഷകൾ പ്രിൻസിപ്പലിന്റെ കവറിംഗ് ലെറ്റർ, പ്രിൻസിപ്പൽ സാക്ഷ്യപ്പെടുത്തിയ അഫിഡവിറ്റ്, ഹാൾടിക്കറ്റിന്റെ പകർപ്പ് എന്നിവസഹിതം സർവകലാശാലയുടെ താവക്കര ആസ്ഥാനത്തുള്ള എൻഎസ്എസ് പ്രോഗ്രാം കോഓർഡിനേറ്ററുടെ ഓഫീസിൽ നേരിട്ട് എത്തിക്കണം. അപേക്ഷ സമർപ്പിക്കുന്പോൾ പാലിക്കേണ്ട പ്രത്യേക നിർദേശങ്ങൾ, പ്രഫോർമ എന്നിവ സർവകലാശാല വെബ്സൈറ്റിൽ ലഭ്യമാണ്. മാർച്ച് അഞ്ചു വരെ അപേക്ഷകൾ സ്വീകരിക്കും. അവസാന തീയതിക്കുശേഷം അപേക്ഷകൾ സ്വീകരിക്കുന്നതല്ല.
ഹാൾ ടിക്കറ്റുകൾ
25ന് ആരംഭിക്കുന്ന ഒന്നാം സെമസ്റ്റർ പിജി ഡിപ്ലോമ ഇൻ യോഗ എഡ്യുക്കേഷൻ, ഒന്നാം സെമസ്റ്റർ ഡിപ്ലോമ കോഴ്സ് ഇൻ കളരിപ്പയറ്റ് (ജനുവരി 2019), സർട്ടിഫിക്കറ്റ് കോഴ്സ് ഇൻ സ്വിമ്മിംഗ് ട്രെയിനിംഗ്, സർട്ടിഫിക്കറ്റ് കോഴ്സ് ഇൻ ഫിറ്റ്നസ് മാനേജ്മെന്റ് (നവംബർ 2018) പരീക്ഷകളുടെ ഹാൾടിക്കറ്റുകൾ ഇന്ന് മാങ്ങാട്ട്പറമ്പ് കാന്പസിലെ ഫിസിക്കൽ എഡ്യുക്കേഷൻ പഠനവകുപ്പിൽനിന്ന് വിതരണം ചെയ്യും.
സംവാദം 26ന്
കണ്ണൂർ സർവകലാശാലയിൽ ഹിസ്റ്ററിയിൽ ഗവേഷണം നടത്തുന്ന എം.എ.അജ്മൽ മുയീൻ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം 26ന് രാവിലെ 11ന് താവക്കര സെൻട്രൽ ലൈബ്രറിയിലും മലയാളത്തിൽ ഗവേഷണം നടത്തുന്ന ആർ.സന്തോഷ് കുമാർ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിലുള്ള തുറന്ന സംവാദം 26ന് രാവിലെ പത്തിന് നീലേശ്വരത്തെ ഡോ.പി.കെ രാജൻ മെമ്മോറിയൽ കാന്പസിലെ മലയാള വിഭാഗത്തിലും നടക്കും.