2018 ഡിസംബറിൽ നടത്തിയ അഞ്ചാം സെമസ്റ്റർ ബിപിഎ വോക്കൽ പ്രാക്ടിക്കൽ പരീക്ഷ 28 മുതൽ ശ്രീ.സ്വാതി തിരുനാൾ സംഗീത കോളജിൽ ആരംഭിക്കും. വിശദമായ ടൈംടേബിൾ വെബ്സൈറ്റിൽ.
പരീക്ഷാ കേന്ദ്രങ്ങൾ
23ന് ആരംഭിക്കുന്ന നാലാം സെമസ്റ്റർ എംബിഎ (ഫുൾ ടൈം, റെഗുലർ (ഈവനിംഗ്), ട്രാവൽ ആൻഡ് ടൂറിസം) പരീക്ഷകൾക്ക് സിഇടി തിരുവനന്തപുരം പരീക്ഷാ കേന്ദ്രമായി അപേക്ഷിച്ചവർ ഐഎംകെ കാര്യവട്ടത്തും, ടികെഎം കോളജ് ഓഫ് എൻജിനിയറിംഗ് കൊല്ലം, ബിഷപ്പ് ജെറോം ഇൻസ്റ്റിറ്റ്യൂട്ട്, കൊല്ലം എന്നിവ പരീക്ഷാ കേന്ദ്രമായി അപേക്ഷിച്ചവർ യുഐഎം മുണ്ടക്കലും, ലൂർദ് മാതാ കോളജ്, കുറ്റിച്ചൽ പരീക്ഷാ കേന്ദ്രമായി അപേക്ഷിച്ചവർ കിക്മ നെയ്യാർഡാമിലും, മോഹൻദാസ് കോളജ് ഓഫ് എൻജിനിയറിംഗ്, നെടുമങ്ങാട് പരീക്ഷാ കേന്ദ്രമായി അപേക്ഷിച്ചവർ യുഐഎം പൂജപ്പുരയിലും, രാജധാനി ഇൻസ്റ്റിറ്റ്യൂട്ട് ഓഫ് എൻജിനിയറിംഗ് പരീക്ഷാ കേന്ദ്രമായി അപേക്ഷിച്ചവർ യുഐഎം വർക്കലയിലും, എസ്.എൻ ഇൻസ്റ്റിറ്റ്യൂട്ട് ഓഫ് ടെക്നോളജി, അടൂർ പരീക്ഷാ കേന്ദ്രമായി അപേക്ഷിച്ചവർ യുഐഎം ഏഴംകുളത്തും പരീക്ഷ എഴുതണം.
ടൈംടേബിൾ
23ന് ആരംഭിക്കുന്ന നാലാം സെമസ്റ്റർ എംബിഎ (2014 സ്കീം ഫുൾടൈം റെഗുലർ/യുഐഎം ഈവനിംഗ്/ട്രാവൽ ആൻഡ് ടൂറിസം) ഡിഗ്രി പരീക്ഷകളുടെ ടൈംടേബിൾ വെബ്സൈറ്റിൽ.
പരീക്ഷാഫീസ്
എംഎഫ്എ (പെയിന്‍റിംഗ് ആൻഡ് സ്കൾപ്പ്ച്ചർ) ഒന്നാം സെമസ്റ്റർ പരീക്ഷ ഫെബ്രുവരി 18 നും നാലാം സെമസ്റ്റർ പരീക്ഷ ഫെബ്രുവരി 25നും ആരംഭിക്കും. പിഴ കൂടാതെ 28വരെയും 50 രൂപ പിഴയോടെ 30വരെയും 125 രൂപ പിഴയോടെ ഫെബ്രുവരി ഒന്നുവരെയും അപേക്ഷിക്കാം.
2019 മാർച്ച് ഒന്നിന് ആരംഭിക്കുന്ന നാലാം വർഷ ബിഎഫ്എ പരീക്ഷയ്ക്കും 2019 മാർച്ച് 13ന് ആരംഭിക്കുന്ന ഒന്നാം വർഷ ബിഎഫ്എ പരീക്ഷയ്ക്കും പിഴ കൂടാതെ ഫെബ്രുവരി ഒന്നുവരെയും 50 രൂപ പിഴയോടെ ഫെബ്രുവരി അഞ്ച്‌വരെയും 125 രൂപ പിഴയോടെ ഫെബ്രുവരി ഏഴുവരെയും അപേക്ഷിക്കാം
കെ മാറ്റ് പരീക്ഷ
കേരളത്തിലെ എല്ലാ സർവകലാശാലകളിലേക്കും, സർവകലാശാലകളുടെ കീഴിലുളള കോളജുകളിലേക്കും 2019ലെ എംബിഎ പ്രവേശനത്തിന് അർഹത നേടുന്നതിനുളള പ്രവേശന പരീക്ഷയായ കെ മാറ്റ് കേരള, ഫെബ്രുവരി 17 ന് നടത്തും. അപേക്ഷകൾ 31നു വൈകുന്നേരം അഞ്ചിനുമുന്പായി ഓണ്‍ലൈനായി സമർപ്പിക്കാം. അവസാനവർഷ ബിരുദ വിദ്യാർഥികൾക്കും പരീക്ഷാഫലം പ്രതീക്ഷിക്കുന്നവർക്കും അപേക്ഷിക്കാം. വിശദവിവരങ്ങൾക്കും അപേക്ഷകൾ സമർപ്പിക്കുന്നതിനും kmatkerala.in എന്ന വെബ്സൈറ്റിലും 04712335133, 8547255133 എന്നീ നന്പറുകളിലും ലഭ്യമാണ്.