ഒന്നാം സെമസ്റ്റർ യുജി പരീക്ഷ മാറ്റി
അഫിലിയേറ്റഡ് കോളജ്/വിദൂരവിദ്യാഭ്യാസം/പ്രൈവറ്റ് രജിസ്ട്രേഷൻ/വിദേശ/കേരളത്തിന് പുറത്തെ കേന്ദ്രം എന്നിവിടങ്ങളിലെ (സിയുസിബിസിഎസ്എസ്) റഗുലർ/സപ്ലിമെന്ററി/ഇംപ്രൂവ്മെന്റ് 21 മുതൽ നടത്താനിരുന്ന ഒന്നാം സെമസ്റ്റർ ബികോം/ബിബിഎ/ബികോം വൊകേഷണൽ/ബികോം ഓണേഴ്സ്/ബിടിഎച്ച്എം/ ബിഎച്ച്എ പരീക്ഷ ഫെബ്രുവരി ഒന്ന് മുതൽ നടക്കും. ഫെബ്രുവരി നാല് മുതൽ നടത്താനിരുന്ന ബിഎ/ ബിഎസ് സി/ ബിഎസ് സി ഇൻ ആൾട്ടർനേറ്റ് പാറ്റേണ്/ ബിഎ മൾട്ടിമീഡിയ/ ബിസിഎ/ ബിഎസ്ഡബ്ല്യൂ/ ബിവിസി/ ബിഎംഎംസി/ ബിഎ വിഷ്വൽ കമ്മ്യൂണിക്കേഷൻ/ ബിടിഎഫ്പി/ ബിവോക്/ ബിടിഎ/ ബിഎ ഫിലിം ആൻഡ് ടെലിവിഷൻ/ബിഎ അഫ്സൽഉൽഉലമ പരീക്ഷ ഫെബ്രുവരി എട്ട് മുതൽ നടക്കും. പരീക്ഷാ കേന്ദ്രത്തിൽ മാറ്റമില്ല.
ഡാറ്റാ സെന്ററിൽ ടെക്നീഷൻ: അഭിമുഖം
കാലിക്കട്ട് സർവകലാശാലാ ഡാറ്റാ സെന്ററിൽ ടെക്നീഷൻ തസ്തികയിൽ അപേക്ഷിച്ചവരിൽ സർട്ടിഫിക്കറ്റ് വെരിഫിക്കേഷൻ കഴിഞ്ഞവരിൽ യോഗ്യരായവർക്കുള്ള അഭിമുഖം ഫെബ്രുവരി രണ്ടിന് രാവിലെ പത്തിന് സർവകലാശാലാ ഭരണവിഭാഗത്തിൽ നടക്കും. യോഗ്യരായവരുടെ പേരും നിർദ്ദേശങ്ങളും വെബ്സൈറ്റിൽ.
ബിഎസ് സി/ ബിസിഎ പുനർമൂല്യനിർണയ ഫലം
ആറാം സെമസ്റ്റർ ബിഎസ് സി/ ബിസിഎ (സിയുസിബിസിഎസ്എസ്) ഏപ്രിൽ 2018 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
പിജി പുനഃപ്രവേശനം 25 വരെ അപേക്ഷിക്കാം
വിദൂരവിദ്യാഭ്യാസം പിജി പ്രോഗ്രാമുകൾക്ക് പ്രവേശനം നേടി ഒന്നും രണ്ടും സെമസ്റ്റർ (ഒന്നാം വർഷം) പരീക്ഷയ്ക്ക് അപേക്ഷിച്ച ശേഷം തുടർപഠനം നടത്താനാവാത്ത എസ്ഡിഇ വിദ്യാർഥികൾക്ക് മൂന്നാം സെമസ്റ്ററിൽ പുനഃപ്രവേശനത്തിന് ഓണ്ലൈനായി 500 രൂപ പിഴയോടെ 25 വരെ അപേക്ഷിക്കാം. 2016ൽ പ്രവേശനം നേടിയ പ്രൈവറ്റ് രജിസ്ട്രേഷൻ വിദ്യാർഥികൾ പുനഃപ്രവേശനത്തിന് അപേക്ഷിക്കേണ്ടതില്ല. ഇവർക്ക് ടോക്കണ് രജിസ്ട്രേഷൻ എടുക്കാം. എംകോം, എംഎ മലയാളം (2015 പ്രവേശനം), എംഎ ഇക്കണോമിക്സ്, സോഷ്യോളജി, ഹിന്ദി, ഇംഗ്ളീഷ്, ഫിലോസഫി, സംസ്കൃതം, ഹിസ്റ്ററി, അറബിക്, എംഎസ് സി മാത്സ് (2014, 2015 പ്രവേശനം) വിദ്യാർഥികൾക്ക് റീ അഡ്മിഷന് അപേക്ഷിക്കാം. എംഎ പൊളിറ്റിക്സ് വിദ്യാർഥികൾക്ക് റീ അഡ്മിഷൻ ഉണ്ടായിരിക്കുന്നതല്ല. ഗസറ്റഡ് ഓഫീസർ സാക്ഷ്യപ്പെടുത്തിയ അപേക്ഷയുടെ പ്രിന്റൗട്ട്, ചലാൻ, രണ്ടാം സെമസ്റ്റർ പരീക്ഷയുടെ ഹാൾടിക്കറ്റിന്റെ പകർപ്പ്, എസ്ഡിഇ ഐഡി/ ടിസി എന്നിവ സഹിതം എസ്ഡി ഇയിൽ ലഭിക്കേണ്ട അവസാന തിയതി 25. വിവരങ്ങൾ (www.sdeuoc.ac.in) വെബ്സൈറ്റിൽ. ഫോണ്: 0494 2407356, 2407494.
ഡിസംബർ നാലിന് നടത്തിയ ബികോം പരീക്ഷ റദ്ദ് ചെയ്തു
കാലിക്കട്ട് സർവകലാശാല ഡിസംബർ നാലിന് നടത്തിയ അഫിലിയേറ്റഡ് കോളജ്/ വിദൂരവിദ്യാഭ്യാസം/ പ്രൈവറ്റ് രജിസ്ട്രേഷൻ മൂന്നാം സെമസ്റ്റർ ബികോം/ ബികോം വൊകേഷണൽ (സിയുസിബിസിഎസ്എസ്) പേപ്പർ ബിസിഎം 3ബി 04 കോർപ്പറേറ്റ് അക്കൗണ്ടിംഗ് (2017 പ്രവേശനം) റഗുലർ പരീക്ഷ റദ്ദ് ചെയ്തു. പുനഃപരീക്ഷയുടെ തിയതി പിന്നീട് അറിയിക്കും.
ബിഎഡ് സ്പെഷൽ എഡ്യുക്കേഷൻ പരീക്ഷ
ഒന്നാം സെമസ്റ്റർ ബി.എഡ് സ്പെഷ്യൽ എഡ്യുക്കേഷൻ (ഹിയറിംഗ് ഇംപയർമെന്റ്) 2018 പ്രവേശനം റഗുലർ പരീക്ഷ ഫെബ്രുവരി ആറിന് ആരംഭിക്കും.
പരീക്ഷാ അപേക്ഷ
വിദൂരവിദ്യാഭ്യാസം (2014 പ്രവേശനം) രണ്ടാം സെമസ്റ്റർ ബിഎസ് സി പ്രിന്റിംഗ് ടെക്നോളജി റഗുലർ പരീക്ഷയ്ക്ക് പിഴകൂടാതെ 28 വരെയും 160 രൂപ പിഴയോടെ 30 വരെയും ഫീസടച്ച് ഫെബ്രുവരി ഒന്ന് വരെ രജിസ്റ്റർ ചെയ്യാം. പ്രിന്റൗട്ട്, ചലാൻ സഹിതം ജോയന്റ് കണ്ട്രോളർ ഓഫ് എക്സാമിനേഷൻസ്8, എക്സാമിനേഷൻഡിസ്റ്റൻസ് എഡ്യൂക്കേഷൻ, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പി.ഒ, 673635 എന്ന വിലാസത്തിൽ ഫെബ്രുവരി രണ്ടിനകം ലഭിക്കണം.
പരീക്ഷാഫലം
2018 ജൂണിൽ നടത്തിയ രണ്ടാം സെമസ്റ്റർ എംഎ മ്യൂസിക (സിസിഎസ്എസ്) പരീക്ഷാഫലം വെബ്സൈറ്റിൽ.
2018 ജൂണിൽ നടത്തിയ (സിയുസിഎസ്എസ്) രണ്ടാം സെമസ്റ്റർ എംസിജെ സപ്ലിമെന്ററി, രണ്ടാം സെമസ്റ്റർ എംഎ ജേർണലിസം ആൻഡ് മാസ് കമ്മ്യൂണിക്കഷൻ പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 31 വരെ അപേക്ഷിക്കാം.
2018 മെയിൽ നടത്തിയ എംഎ ഹിന്ദി പ്രീവിയസ്/ഒന്ന്, രണ്ട് സെമസ്റ്റർ റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 29 വരെ അപേക്ഷിക്കാം.