കേരള ആരോഗ്യശാസ്ത്ര സർവകലാശാല ഫെബ്രുവരി 25 മുതൽ ആരംഭിക്കുന്ന ഫസ്റ്റ് സെമസ്റ്റർ ബിഫാം ഡിഗ്രി റെഗുലർ ആൻഡ് സപ്ലിമെന്ററി (2017 സ്കീം) പരീക്ഷയ്ക്ക് ഫെബ്രുവരി ആറുമുതൽ 15 വരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി 18 വരെയും, 315 രൂപ സൂപ്പർ ഫൈനോടുകൂടി 19 വരെയും ഓൺലൈൻ രജിസ്ട്രേഷൻ നടത്താം.
റീടോട്ടലിംഗ് ഫലം
2018 ഒക്ടോബറിൽ പരീക്ഷ നടത്തി ഫലപ്രഖ്യാപനം നടത്തിയ ഫസ്റ്റ് ബിഎച്ച്എംഎസ് ഡിഗ്രി റെഗുലർ/സപ്ലിമെന്ററി (2015 സ്കീം) പരീക്ഷാ റീ ടോട്ടലിംഗ് ഫലം പ്രസിദ്ധീകരിച്ചു.
പരീക്ഷാ തിയതി
2019 ഫെബ്രുവരി നാലുമുതൽ 11 വരെയുള്ള തീയതികളിലായി നടക്കുന്ന മൂന്നാംവർഷ എംഎസ്സി മെഡിക്കൽ ഫിസിയോളജി ഡിഗ്രി സപ്ലിമെന്ററി തിയറി പരീക്ഷാ ടൈംടേബിൾ പ്രസിദ്ധീകരിച്ചു.
ഫെബ്രുവരി അഞ്ചു മുതലാരംഭിക്കുന്ന ഒന്നാംവർഷ എംഎച്ച്എ സപ്ലിമെന്ററി തിയറി പരീക്ഷാ ടൈംടേബിൾ, രണ്ടാം വർഷ എംഎച്ച്എ സപ്ലിമെന്ററി തിയറി പരീക്ഷാ ടൈംടേബിൾ എന്നിവ പ്രസിദ്ധീകരിച്ചു.
ഫെബ്രുവരി നാലു മുതലാരംഭിക്കുന്ന നാലാംവർഷ ഫാം ഡി സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
ഈമാസം 22നു നടക്കുന്ന സെക്കൻഡ് സെമസ്റ്റർ എംഫാം സപ്ലിമെന്ററി പ്രാക്ടിക്കൽ പരീക്ഷാ ടൈം ടേബിൾ പ്രസിദ്ധീകരിച്ചു.