കേരള ആരോഗ്യശാസ്ത്ര സർവകലാശാല നവംബറിൽ നടത്തിയ പ്രിലിമിനറി എംഡി/എംഎസ് ആയുർവേദ ഡിഗ്രി റെഗുലർ/സപ്ലിമെന്ററി (2016 സ്കീം) പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർ ഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓൺലൈനായി ഈമാസം ഇരുപത്തിഒൻപതിനകം അപേക്ഷിക്കേണ്ടതാണ്.
റീടോട്ടലിംഗ് ഫലം
2018 ജൂലൈയിൽ പരീക്ഷ നടത്തി ഫലപ്രഖ്യാപനം നടത്തിയ ഫൈനൽ എം ഫിൽ ക്ലിനിക്കൽ എപ്പിഡെമിയോളജി ഡിഗ്രി റെഗുലർ/സപ്ലിമെന്ററി പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
സെപ്റ്റംബറിൽ പരീക്ഷ നടത്തി ഫലപ്രഖ്യാപനം നടത്തിയ ഫസ്റ്റ് പ്രഫഷണൽ ബിഎഎംഎസ് ഡിഗ്രി സപ്ലിമെന്ററി (2012 സ്കീം) പരീക്ഷാ റീടോട്ടലിംഗ് ഫലം, സെക്കൻഡ് പ്രഫഷണൽ ബിഎഎംഎസ് ഡിഗ്രി സപ്ലിമെന്ററി (2012 സ്കീം) പരീക്ഷാ റീടോട്ടലിംഗ് ഫലം, സെക്കൻഡ് പ്രഫഷണൽ ബിഎഎംഎസ് പാർട്ട് രണ്ട് സപ്ലിമെന്ററി (2010 സ്കീം) പരീക്ഷാ റീടോട്ടലിംഗ് ഫലം എന്നിവ പ്രസിദ്ധീകരിച്ചു.
പരീക്ഷാ അപേക്ഷ
ഫെബ്രുവരി 26 മുതലാരംഭിക്കുന്ന ഒന്നാംവർഷ എം പി ടി ഡിഗ്രി സപ്ലിമെന്ററി (2010 സ്കീം) പരീക്ഷയ്ക്ക് മുപ്പതുവരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി ഫെബ്രുവരി രണ്ടുവരെയും, 315 രൂപ സൂപ്പർ ഫൈനോടുകൂടി ഫെബ്രുവരി അഞ്ചു വരെയും ഓൺലൈൻ രജിസ്ട്രേഷൻ നടത്താം.
പരീക്ഷാ തീയതി
ഈമാസം 21 മുതലാരംഭിക്കുന്ന മൂന്നാംവർഷ ബി ഫാം ഡിഗ്രി സപ്ലിമെന്ററി (2010 & 2012 സ്കീം) പ്രാക്ടിക്കൽ പരീക്ഷാ ടൈം ടേബിൾ പ്രസിദ്ധീകരിച്ചു.