പ്രാക്ടിക്കൽ പരീക്ഷ
2018 ജൂലൈയിൽ നടത്തിയ കരിയർ റിലേറ്റഡ് സിബിസിഎസ്എസ് നാലാം സെമസ്റ്റർ ബിഎസ്സി ഫിസ്ക്സ് ആൻഡ് കംപ്യൂട്ടർ ആപ്ലിക്കേഷൻസിന്റെ പ്രാക്ടിക്കൽ പരീക്ഷകൾ 21 നും 22നും അതത് പരീക്ഷാകേന്ദ്രങ്ങളിലും, ബിഎസ്സി എൻവയോണ്മെന്റൽ സയൻസ് ആൻഡ് എൻവയോണ്മെന്റ് ആൻഡ് വാട്ടർ മാനേജ്മെന്റ് കോഴ്സിന്റെ കെമിസ്ട്രി ലാബ് പരീക്ഷ 22 നും, ബിഎസ്സി ഫിസിക്സ് (കോർ ആൻഡ് കോംപ്ലിമെന്ററി), മൈക്രോ ബയോളജി, ബോട്ടണി (കോംപ്ലിമെന്ററി) പ്രാക്ടിക്കൽ പരീക്ഷകൾ 22 മുതൽ ഡിസംബർ നാലുവരെ അതതു കോളജുകളിലും നടത്തും. വിശദവിവരങ്ങൾ വെബ്സൈറ്റിൽ.
കെ മാറ്റ് പരീക്ഷ
കേരളത്തിലെ എല്ലാ സർവകലാശാലകളിലേക്കും, സർവകലാശാലകളുടെ കീഴിലുളള കോളജുകളിലേക്കും എംബിഎ പ്രവേശനത്തിന് അർഹത നേടുന്നതിനുളള പ്രവേശന പരീക്ഷയായ കെ മാറ്റ് കേരള, ഫെബ്രുവരി 17 ന് നടത്തും. അപേക്ഷ സമർപ്പിക്കേണ്ട അവസാന തീയതി 2019 ജനുവരി 31.
ജനറൽ വിഭാഗത്തിന് 1000 രൂപയും എസ്സി/എസ്ടി വിഭാഗത്തിന് 750 രൂപയുമാണ് അപേക്ഷാഫീസ്. അവസാനവർഷ ബിരുദ വിദ്യാർഥികൾക്കും പരീക്ഷാഫലം പ്രതീക്ഷിക്കുന്നവർക്കും അപേക്ഷിക്കാം.
വിശദവിവരങ്ങൾക്കും അപേക്ഷകൾ സമർപ്പിക്കുന്നതിനും kmatkerala.in എന്ന വെബ് സൈറ്റിലും 04712335133, 85472 55133 എന്നീ നന്പറുകളിലും ലഭ്യമാണ്.