എംഎ ട്രൈബൽ ആൻഡ് റൂറൽ സ്റ്റഡീസ് പ്രോഗ്രാമിലേക്ക് അപേക്ഷ ക്ഷണിച്ചു
കണ്ണൂർ സർവകലാശാല മാനന്തവാടി കാമ്പസിലെ എംഎ ട്രൈബൽ ആൻഡ് റൂറൽ സ്റ്റഡീസ് പ്രോഗ്രാമിലേക്ക് അപേക്ഷ ക്ഷണിച്ചു. 45 ശതമാനം മാർക്കിൽ കുറയാതെയുള്ള ബിരുദമാണ് അപേക്ഷിക്കാനുള്ള അടിസ്ഥാന യോഗ്യത. നിലവിൽ ഫലം പ്രതീക്ഷിച്ചിരിക്കുന്നവർക്കും അപേക്ഷിക്കാം. അപേക്ഷ സമർപ്പിക്കേണ്ട അവസാന തീയതി ജൂൺ ആറ് ആണ്. കൂടുതൽ വിവരങ്ങൾക്ക് സർവകലാശാല വെബ്സൈറ്റ് സന്ദർശിക്കണം.
പരീക്ഷാഫലം
അഫിലിയേറ്റഡ് കോളജുകളിലെ ആറാം സെമസ്റ്റർ ബിരുദ (റെഗുലർ/സപ്ലിമെന്ററി/ഇംപ്രൂവ്മെന്റ്) ഏപ്രിൽ 2023 പരീക്ഷകളുടെ ഫലം പ്രസിദ്ധീകരിച്ചു. പുനഃപരിശോധന, സൂക്ഷ്മ പരിശോധന, ഫോട്ടോകോപ്പി എന്നിവയ്ക്കുള്ള ഓൺലൈൻ അപേക്ഷകൾ ജൂൺ ഏഴിന് വൈകുന്നേരം അഞ്ചിന് വരെ സ്വീകരിക്കും. റെഗുലർ വിദ്യാർഥികളുടെ ഗ്രേഡ് കാർഡുകൾ മൂന്നാം വർഷ ഗ്രേസ് മാർക്കുകൾ ചേർത്തതിനുശേഷം പിന്നീട് അതത് കോളജുകളിൽനിന്ന് ലഭിക്കും.
പ്രായോഗിക പരീക്ഷകൾ
അഫിലിയേറ്റഡ് കോളജുകളിലെ നാലാം സെമസ്റ്റർ ബിഎസ്സി സൈക്കോളജി ഏപ്രിൽ പ്രായോഗിക പരീക്ഷകൾ 29 മുതൽ ജൂൺ ആറു വരെ അതത് കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ നിന്നു ലഭിക്കും.
ടൈംടേബിൾ
സർവകലാശാല നിയമപ്രകാരം യോഗ്യരായ വിദ്യാർഥികൾക്കായുള്ള ആറാം സെമസ്റ്റർ ബിരുദ സ്പെഷൽ (ഏപ്രിൽ 2023) പരീക്ഷകളുടെ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
എംഎസ്സി മോളിക്യുലാർ ബയോളജി
കണ്ണൂർ സർവകലാശാല ഡോ. ജാനകി അമ്മാൾ കാമ്പസിലെ മോളിക്യുലാർ ബയോളജി പഠനവകുപ്പിൽ എംഎസ്സി മോളിക്യുലാർ ബയോളജി പ്രവേശനത്തിന് ജൂൺ ആറു വരെ അപേക്ഷിക്കാം. കൂടുതൽ വിവരങ്ങൾക്കായി വെബ്സൈറ്റിൽ സന്ദർശിക്കണം.