കണ്ണൂർ സർവകലാശാല പ്രൈവറ്റ് രജിസ്ട്രേഷൻ അഡീഷണൽ ഓപ്ഷണൽ കോഓപറേഷൻ സർട്ടിഫിക്കറ്റ് കോഴ്സ് (202223 ) ഇന്റേണൽ ഇവാലുവേഷന്റെ ഭാഗമായുള്ള അസൈൻമെന്റ്, 2023 മേയ് 31 ന് വൈകുന്നേരം നാലിനു മുമ്പായി വിദൂര വിദ്യാഭ്യാസ വിഭാഗത്തിൽ സമർപ്പിക്കണം . അസൈൻമെന്റ് ചോദ്യങ്ങളും മാർഗനിർദേശങ്ങളും സർവകലാശാല വെബ്സൈറ്റിൽ നിന്നും ഡൗൺലോഡ് ചെയ്യാം.
പരീക്ഷകൾ പുനഃക്രമീകരിച്ചു
മേയ് 31 ,ജൂൺ രണ്ട് തീയതികളിലെ മൂന്നാം സെമസ്റ്റർ പ്രൈവറ്റ് രജിസ്ട്രേഷൻ ബിരുദാനന്തര ബിരുദ ,നവംബർ 2022 പരീക്ഷകൾ , യഥാക്രമം ജൂൺ മൂന്ന്, അഞ്ച് തീയതികളിൽ നടക്കുന്ന രീതിയിൽ പുനഃക്രമീകരിച്ചു. പരിഷ്കരിച്ച ടൈം ടേബിൾ സർവകലാശാല വെബ്സൈറ്റിൽ ലഭ്യമാണ്.
പരീക്ഷാ രജിസ്ട്രേഷൻ
കണ്ണൂർ സർവകലാശാലാ പഠന വകുപ്പുകളിലെ രണ്ടാം സെമസ്റ്റർ എംഎ, എംഎസസി, എംസിഎ, എം എൽഐഎസ് സി, എൽഎൽഎം, എംബിഎ (സിബിസിഎസ്എസ് 2020 സിലബസ്) റഗുലർ, സപ്ലിമെന്ററി മേയ് 2023 പരീക്ഷയ്ക്ക് സപ്ലിമെന്ററി വിദ്യാർഥികൾക്ക് മേയ് 20 വരെ പിഴയില്ലാതെയും മേയ് 24 വൈകുന്നേരം അഞ്ചു വരെ പിഴയോടുകൂടിയും ഓൺലൈനായി അപേക്ഷിക്കാം. പരീക്ഷാഫീസ് എസ് ബി ഐ കളക്ട് മുഖേന ഒടുക്കിയ ശേഷം ഓൺലൈനായി അപേക്ഷിച്ച്, അപേക്ഷയുടെ പ്രിന്റൗട്ട്, ഫീ റസീറ്റ് എന്നിവ മേയ് 29ന് വൈകുന്നേരം നാലിനു മുമ്പായി സർവകലാശാലയിൽ സമർപ്പിക്കണം.