പുനഃപ്രവേശനവും കോളജ് മാറ്റവും
സർവകലാശാലയോട് അഫിലിയേറ്റ് ചെയ്ത ആർട്സ് ആൻഡ് സയൻസ് കോളജുകളിൽ 202324 അക്കാദമിക വർഷത്തെ അഞ്ചാം സെമസ്റ്റർ ബിരുദ പ്രോഗ്രാമിലേക്ക് പുനഃപ്രവേശനവും കോളജ് മാറ്റവും ബിഎ എൽഎൽബി പ്രോഗ്രാമിന്റെ 202324 അക്കാദമിക വർഷത്തെ മൂന്ന്, അഞ്ച്, ഏഴ്, ഒന്പത് സെമസ്റ്ററിലേക്ക് പുനഃപ്രവേശനവും അനുവദിക്കുന്നതിനായി വിദ്യാർഥികൾ മേയ് 23 വരെ അപേക്ഷകൾ ഓൺലൈൻ മുഖേന സമർപ്പിക്കണം. വിശദാംശങ്ങൾ വെബ്സൈറ്റിൽ ലഭ്യമാണ്.
ഹാൾ ടിക്കറ്റ്
മേയ് 17ന് ആരംഭിക്കുന്ന വിദൂര വിദ്യാഭ്യാസം മൂന്നാം വർഷ ബിരുദം (സപ്ലിമെന്ററി/ഇംപ്രൂവ്മെന്റ്) മാർച്ച് 2023 പരീക്ഷകളുടെ ഹാൾ ടിക്കറ്റ് ഇന്ന് ഉച്ചക്ക് 12 മുതൽ വെബ്സൈറ്റിൽ ലഭ്യമാകും. ഹാൾ ടിക്കറ്റ് പ്രിന്റ് എടുത്ത ശേഷം ഫോട്ടോ പതിച്ച് അറ്റസ്റ്റ്ചെയ്ത്, ഹാൾ ടിക്കറ്റിൽ പറഞ്ഞിരിക്കുന്ന പരീക്ഷാകേന്ദ്രത്തിൽ രാവിലെ 9.30 നു ആരംഭിക്കുന്ന പരീക്ഷക്ക് ഹാജരാകണം. ഹാൾ ടിക്കറ്റ് സ്വയം സാക്ഷ്യപ്പെടുത്തുന്നവർ ഫോട്ടോ പതിച്ച ഏതെങ്കിലും ഒരു ഗവ. അംഗീകൃത അസൽ തിരിച്ചറിയൽ കാർഡ് കൊണ്ടുവരണം.
തീയതി നീട്ടി
അഫിലിയേറ്റഡ് കോളജുകളിലെ നാലാം സെമസ്റ്റർ ബിരുദാനന്തര ബിരുദ (ഏപ്രിൽ 2023) പരീക്ഷകൾക്ക് രജിസ്റ്റർ ചെയ്ത വിദ്യാർഥികളുടെ ഇന്റേണൽ മാർക്ക് സമർപ്പിക്കുന്നതിനുള്ള അവസാന തീയതി ജൂൺ രണ്ടു വരെ നീട്ടി.