ഒന്നാം വർഷ ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു. 16 മുതൽ 22 വരെ കോളജുകളിൽ പ്രവേശനം നേടാം
ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് (http://admissions.keralauniversity.ac.in) പ്രസിദ്ധപ്പെടുത്തി. അപേക്ഷകർക്ക് ആപ്ലിക്കേഷൻ നന്പറും പാസ് വേർഡും ഉപയോഗിച്ച് ലോഗിൻ ചെയ്ത് അലോട്ട്മെന്റ് പരിശോധിക്കാവുന്നതാണ്. രണ്ടാം ഘട്ടത്തിൽ പുതുതായി അലോട്ട്മെന്റ് ലഭിച്ച അപേക്ഷകർ ഓണ്ലൈനായി അഡ്മിഷൻ ഫീസ് അടച്ച് അലോട്ട്മെന്റ് ഉറപ്പാക്കേണ്ടതാണ്. ഒന്നാം ഘട്ട അലോട്ട്മെന്റ് ലഭിച്ച് അഡ്മിഷൻ ഫീസ് അടച്ചവർ രണ്ടാം ഘട്ട അലോട്ട്മെന്റിൽ ഹയർ ഓപ്ഷനുകളിൽ ഏതെങ്കിലും അലോട്ട്മെന്റ് ലഭിച്ചാൽ അഡ്മിഷൻ ഫീസ് വീണ്ടും അടയ്ക്കേണ്ടതില്ല. അലോട്ട്മെന്റ് ലഭിച്ച് ഓണ്ലൈനായി ഫീസ് അടച്ച അപേക്ഷകർ അവരവരുടെ പ്രൊഫൈലിൽ ലോഗിൻ ചെയ്ത ശേഷം അലോട്ട്മെന്റ് മെമ്മോയുടെ പ്രിന്റ് എടുക്കാം. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ തീയതി എന്നിവ അലോട്ട്മെന്റ് മെമ്മോയിൽ ലഭ്യമാക്കിയിട്ടുണ്ട്. മെമ്മോയിൽ പറഞ്ഞിരിക്കുന്ന തീയതികളിൽ യോഗ്യത തെളിയിക്കുന്ന അസൽ സർട്ടിഫിക്കറ്റുകൾ സഹിതം കോളജിൽ ഹാജരായി താത്കാലിക/സ്ഥിരമായ അഡ്മിഷൻ എടുക്കാവുന്നതാണ്. (വിശദവിവരങ്ങൾ സർവകലാശാല വെബ്സൈറ്റിൽ).
ഒന്നാം വർഷ ബിരുദാനന്തര ബിരുദ പ്രവേശനം 2022; ട്രയൽ അലോട്ട്മെന്റ് പ്രസിദ്ധീകരിക്കും
ബിരുദാനന്തര ബിരുദ പ്രവേശനത്തിനുള്ള ട്രയൽ അലോട്ട്മെന്റ് വെബ്സൈറ്റിൽ (http://admissions.keralauniversity.ac.in) 13 ന് പ്രസിദ്ധീകരിക്കും. ട്രയൽ അലോട്ട്മെന്റ് പരിശോധിച്ചതിന് ശേഷം വിദ്യാർഥികൾക്ക് ഓപ്ഷനുകൾ ചേർക്കുന്നതിനുംപുനഃക്രമീകരിക്കുന്നതിനും, പ്രൊഫെലിൽ മാറ്റം വരുത്തുന്നതിനും 16 ന് വൈകുന്നേരം 5:00 വരെ സമയം ഉണ്ടായിരിക്കും. മാറ്റങ്ങൾ വരുത്തുന്നവർ പുതിയ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കേണ്ടതാണ്.
ഒന്നാം വർഷ ബിരുദ പ്രവേശനം 2022; ബിഎ മ്യൂസിക് ആപ്റ്റിറ്റ്യൂഡ് ടെസ്റ്റ്
ബിരുദ കോഴ്സുകളിലേയ്ക്ക് ഒന്നാം വർഷ ബി.എ മ്യൂസിക് പ്രവേശനത്തിനുളള അഭിരുചി പരീക്ഷ 22 ന് ആരംഭിക്കുന്നതാണ്. വിശദമായ ഷെഡ്യൂളിന് വെബ്സൈറ്റ്(http://admissions.keralauniversity.ac.in) സന്ദർശിക്കുക.
ഒന്നാം വർഷ ബിരുദ പ്രവേശനം 2022; ബിപിഎ കോഴ്സ് ആപ്റ്റിറ്റ്യൂഡ് ടെസ്റ്റ്
ശ്രീ സ്വാതി തിരുനാൾ ഗവ. മ്യൂസിക് കോളജിലേക്ക് ഒന്നാം വർഷ ബിപിഎ കോഴ്സിലേക്കുള്ള പ്രവേശനത്തിനുളള അഭിരുചി പരീക്ഷ17 ന് ആരംഭിക്കും. വിശദമായ ഷെഡ്യൂളിന് വെബ്സൈറ്റ്
(http://admissions.keralauniversity.ac.in) സന്ദർശിക്കുക.
എംകോം കോഴ്സ് ഒന്നാം വർഷ ബിരുദാനന്തര ബിരുദ പ്രവേശനം
ബിരുദാനന്തര ബിരുദ പ്രോഗ്രാമുകളിലേക്കുള്ള പ്രവേശനത്തിന് ഓണ്ലൈൻ രജിസ്ട്രേഷൻ പോർട്ടലിൽ പനച്ചമൂട് വൈറ്റ് മെമ്മോറിയൽ കോളജ് ഓഫ് ആർട്സ് ആന്റ് സയൻസ്, കാർത്തികപ്പള്ളി കോളജ് ഓഫ് അപ്ലൈഡ് സയൻസ്, ശ്രീകാര്യം ഗ്രിഗോറിയൻ കോളജ് ഓഫ് അഡ്വാൻസ്ഡ് സ്റ്റഡീസ് എന്നീ കോളജുകളിൽ എംകോം കോഴ്സ് കൂടി ഉൾപ്പെടുത്തിയിരിക്കുന്നു.
(പ്രത്യേക കുറിപ്പ് : എല്ലാ എഡിഷനിലും പ്രസിദ്ധീകരിക്കാനുള്ളത്)
പരീക്ഷാഫലം
2021 ഡിസംബരിൽ നടത്തിയ രണ്ടാം സെമസ്റ്റർ ബിഎസ്സി ബയോകെമിസ്ട്രി ആന്റ് ഇൻഡസ്ട്രിയൽ മൈക്രോബയോളജി (248) കോഴ്സിന്റെ പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2021 ഡിസംബറിൽ നടത്തിയ രണ്ടാം സെമസ്റ്റർ ബിപിഎ (വോക്കൽ/വീണ/വയലിൻ/മൃദംഗം/ഡാൻസ്), ബിഎ ജേർണലിസം ആന്ഡ് മാസ് കമ്മ്യൂണിക്കേഷൻ എന്നീ കോഴ്സുകളുടെ പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2021 ഡിസംബറിൽ നടത്തിയ രണ്ടാം സെമസ്റ്റർ കരിയർ റിലേറ്റഡ് സിബിസിഎസ് ബിഎ മലയാളം ആന്ഡ് മാസ് കമ്മ്യൂണിക്കേഷൻ കോഴ്സിന്റെ പരീക്ഷാഫലം പ്രസിദ്ധീകരിച്ചു. സൂക്ഷ്മ പരിശോധനയ്ക്കും പുനർമൂല്യനിർണയത്തിനും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2021 ഡിസംബറിൽ നടത്തിയ രണ്ടാം സെമസ്റ്റർ കരിയർ റിലേറ്റഡ് സിബിസിഎസ്എസ് ബിസിഎ (332) (റെഗുലർ 2020 അഡ്മിഷൻ, ഇംപ്രൂവ്മെന്റ്/സപ്ലിമെന്ററി 2019 അഡ്മിഷൻ, സപ്ലിമെന്ററി 2018, 2017, 2016, 2015 അഡ്മിഷൻ, മേഴ്സിചാൻസ് 2014 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മ പരിശോധനയ്ക്കും പുനർമൂല്യനിർണയത്തിനും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2021 ഡിസംബറിൽ നടത്തിയ രണ്ടാം സെമസ്റ്റർ ബിബിഎ (195) (റെഗുലർ 2020 അഡ്മിഷൻ, ഇംപ്രൂവ്മെന്റ് 2019 അഡ്മിഷൻ, സപ്ലിമെന്ററി 2015 മുതൽ 2018 വരെയുളള അഡ്മിഷൻ, മേഴ്സിചാൻസ് 2014 അഡ്മിഷൻ) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മ പരിശോധനയ്ക്കും പുനർമൂല്യനിർണയത്തിനും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2022 ജൂലൈയിൽ നടത്തിയ ഡിപ്ലോമ ഇൻ ജർമ്മൻ, സർട്ടിഫിക്കറ്റ് ഇൻ ജർമ്മൻ പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് 26 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2022 ഏപ്രിലിൽ നടത്തിയ രണ്ടാം സെമസ്റ്റർ ബിബിഎ ലോജിസ്റ്റിക്സ് (196) (റെഗുലർ 2020 അഡ്മിഷൻ) പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 22 വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
2022 ജനുവരിയിൽ നടത്തിയ ആറാം സെമസ്റ്റർ പഞ്ചവത്സര ബിഎ/ബികോം/ബിബിഎ എൽഎൽബി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 23 വരെ അപേക്ഷിക്കാം.
പ്രാക്ടിക്കൽ
2022 ജൂണിൽ നടത്തിയ ഒന്നാം സെമസ്റ്റർ സിആർസിബിസിഎസ്എസ്. 2 (ബി) ബിഎസ്സി കന്പ്യൂട്ടർ സയൻസ് (320) (റെഗുലർ 2021 അഡ്മിഷൻ, സപ്ലിമെന്ററി 2017, 2018, 2019, 2020 അഡ്മിഷൻ, മേഴ്സിചാൻസ് 2014, 2015, 2016 അഡ്മിഷൻ) പരീക്ഷയുടെ പ്രാക്ടിക്കൽ പരീക്ഷ 22 മുതൽ ആരംഭിക്കുന്നതാണ്. വിശദവിവരങ്ങൾ വെബ്സൈറ്റിൽ.
2022 മാർച്ചിൽ നടത്തിയ മൂന്നാം സെമസ്റ്റർ ബിപിഎ (വയലിൻ) പരീക്ഷയുടെ പ്രാക്ടിക്കൽ 23 മുതൽ തിരുവനന്തപുരം ശ്രീ സ്വാതി തിരുനാൾ സംഗീത കോളജിൽ വച്ച് രാവിലെ 10 മുതൽ നടത്തുന്നതാണ്. വിശദവിവരങ്ങൾ വെബ്സൈറ്റിൽ.
ടൈംടേബിൾ
25 മുതൽ നടത്താൻ നിശ്ചയിച്ചിരിക്കുന്ന ബിഎ/ബിഎസ്സി/ബികോം (ആന്വൽ സ്കീം) ഒന്നും രണ്ടും വർഷ പാർട്ട് ഒന്ന്, രണ്ട് (റെഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷകളുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
25 ന് ആരംഭിക്കുന്ന രണ്ടാം സെമസ്റ്റർ എംബിഎ റെഗുലർ (2020 സ്കീം 2021 അഡ്മിഷൻ) (ഫുൾടൈം (യുഐഎം ഉൾപ്പെടെ)/ട്രാവൽ ആന്റ് ടൂറിസം), സപ്ലിമെന്ററി (2020 സ്കീം 2020 അഡ്മിഷൻ, 2018 സ്കീം 2018 ആൻഡ് 2019 അഡ്മിഷൻ) (ഫുൾടൈം (യുഐഎം ഉൾപ്പെടെ)/ട്രാവൽ ആന്റ് ടൂറിസം/ഈവനിംഗ് റെഗുലർ) പരീക്ഷകളുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
സെപ്റ്റംബർ 15 ന് ആരംഭിക്കുന്ന അഞ്ചാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി/ ബികോം എൽഎൽബി/ബിബിഎ എൽഎൽബി മേഴ്സിചാൻസ് പരീക്ഷകൾക്ക് പിഴകൂടാതെ 19 വരെയും 150 രൂപ പിഴയോടെ 23 വരെയും 400 രൂപ പിഴയോടെ 25 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഒന്നാം സെമസ്റ്റർ എംഎ/എംഎസ്സി/എംകോം./എംഎസ്ഡബ്ല്യൂ (റെഗുലർ/സപ്ലിമെന്ററി/ഇംപ്രൂവ്മെന്റ്) ന്യൂജനറേഷൻ കോഴ്സുകളുടെ പരീക്ഷകൾക്ക് പിഴകൂടാതെ 20 വരെയും 150 രൂപ പിഴയോടെ 24 വരെയും 400 രൂപ പിഴയോടെ 28 വരെയും ഹെരാ പോർട്ടൽ
(www.slcm.keralauniversity.ac.in) മുഖേന അപേക്ഷിക്കാവുന്നതാണ്. കേരള സർവകലാശാലയുടെ മറ്റൊരു മാർഗ്ഗത്തിലൂടെയും അടയ്ക്കുന്ന തുക രജിസ്ട്രേഷനു പരിഗണിക്കുന്നതല്ല.
സെപ്റ്റംബറിൽ ആരംഭിക്കുന്ന രണ്ട്, നാല്, ആറ്, എട്ട്, പത്ത് സെമസ്റ്റർ പഞ്ചവത്സര എംബിഎ (ഇന്റഗ്രേറ്റഡ്) (2015 സ്കീം റെഗുലർ ആൻഡ് സപ്ലിമെന്ററി) പരീക്ഷകളുടെ വിജ്ഞാപനം പ്രസിദ്ധീകരിച്ചു. പിഴകൂടാതെ 24 വരെയും 150 രൂപ പിഴയോടെ 27 വരെയും 400 രൂപ പിഴയോടെ 29 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
മൂന്നാം സെമസ്റ്റർ എംസിഎ (റെഗുലർ 2020 അഡ്മിഷൻ, 2020 സ്കീം) പരീക്ഷയുടെ രജിസ്ട്രേഷൻ 17 ന് ആരംഭിക്കുന്നതാണ്. പിഴകൂടാതെ 25 വരെയും 150 രൂപ പിഴയോടെ 29 വരെയും 400 രൂപ പിഴയോടെ 31 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
രണ്ടാം സെമസ്റ്റർ എംഎ/എംഎസ്സി/എംകോം/എംഎസ്ഡബ്ല്യൂ/ എംഎംസിജെ/എംഎഎച്ച്ആർഎം /എംപിഎ/എംടിഎ, സെപ്റ്റംബർ 2022 (മേഴ്സിചാൻസ് 2010 അഡ്മിഷൻ മുതൽ 2017 അഡ്മിഷൻ വരെ) പരീക്ഷകൾക്ക് പിഴകൂടാതെ 19 വരെയും 150 രൂപ പിഴയോടെ 23 വരെയും 400 രൂപ പിഴയോടെ 25 വരെയുംഅപേക്ഷിക്കാം. വിശദവിവരങ്ങൾ വെബ്സൈറ്റിൽ.
സെപ്റ്റംബറിൽ ആരംഭിക്കുന്ന മൂന്നാം സെമസ്റ്റർ കരിയർ റിലേറ്റഡ് ബിഎ, ബിഎസ്സി, ബികോം, ബിപിഎ, ബിബിഎ ബിസിഎ എന്നീ സിബിസിഎസ്എസ് (സിആർ) (മേഴ്സിചാൻസ് 2012, 2011 ആൻഡ് 2010 അഡ്മിഷൻ) പരീക്ഷകൾക്ക് പിഴകൂടാതെ 31 വരെയും 150 രൂപ പിഴയോടെ സെപ്റ്റംബർ 3 വരെയും 150 രൂപ പിഴയോടെ സെപ്റ്റംബർ 5 വരെയും ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
വിദൂരവിദ്യാഭ്യാസം ഓണ്ലൈൻ ക്ലാസ്
വിദൂരവിദ്യാഭ്യാസവിഭാഗം നാലാം സെമസ്റ്റർ (2020) ബിരുദ ക്ലാസുകൾ 16 മുതൽ ഓണ്ലൈനായി നടത്തുന്നതാണ്. വിശദവിവരങ്ങൾക്ക് വെബ്സൈറ്റ് (www.ideku.net) സന്ദർശിക്കുക.
പരീക്ഷാകേന്ദ്രം
19 ന് ആരംഭിക്കുന്ന രണ്ടാം വർഷ ബിബിഎ (ആന്വൽ സ്കീം പ്രൈവറ്റ് രജിസ്ട്രേഷൻ) ഡിഗ്രി പരീക്ഷയ്ക്ക് പത്തനംതിട്ട ജില്ല പരീക്ഷാകേന്ദ്രമായി അപേക്ഷിച്ച വിദ്യാർഥികൾ അടൂർ സെന്റ് സിറിൾസ് കോളജിലും, ആലപ്പുഴ ജില്ല പരീക്ഷാകേന്ദ്രമായി അപേക്ഷിച്ചവർ ആലപ്പുഴ എസ്ഡി കോളജിലും, കൊല്ലം ജില്ല പരീക്ഷാകേന്ദ്രമായി അപേക്ഷിച്ചവർ കൊല്ലം ശ്രീനാരായണഗുരു കോളജിലും പരീക്ഷ എഴുതേണ്ടതാണ്. തിരുവനന്തപുരം ജില്ല പരീക്ഷാകേന്ദ്രമായി അപേക്ഷിച്ച റെഗുലർ (2020 അഡ്മിഷൻ) വിദ്യാർഥികൾ കേശവദാസപുരം എംജി കോളജിലും, ഇംപ്രൂവ്മെന്റ്, സപ്ലിമെന്ററി (2019, 2018 ആൻഡ് 2017 അഡ്മിഷൻ) വിദ്യാർഥികൾ തോന്നയ്ക്കൽ ശ്രീ സത്യസായി ആർട്സ് ആന്ഡ് സയൻസ് കോളജിലും പരീക്ഷ എഴുതേണ്ടതാണ്. ഹാൾടിക്കറ്റുകൾ അതാത് പരീക്ഷാകേന്ദ്രങ്ങളിൽ ലഭ്യമാണ്.
പ്രോജക്ട് മാനേജർ
കന്പ്യൂട്ടർ സെന്ററിൽ കരാറടിസ്ഥാനത്തിൽ പ്രോജക്ട് മാനേജരെ നിയമിക്കുന്നു. യോഗ്യത: അംഗീകൃത സർവകലാശാലയിൽ നിന്നും ഒന്നാം ക്ലാസോടെയുള്ള കന്പ്യൂട്ടർ സയൻസ് പിജി/ബിടെക്, അല്ലെങ്കിൽ ഏതെങ്കിലും തത്തുല്യ ഡിഗ്രി വേതനം: 75,000/ (പ്രതിമാസം). വിശദവിവരങ്ങൾക്ക് സർവകലാശാല വെബ്സൈറ്റിലെ ജോബ് നോട്ടിഫിക്കേഷൻസ് ലിങ്ക് സന്ദർശിക്കുക