കേരളസർവകലാശാല ഇന്ന് നടത്താൻ നിശ്ചയിച്ചിരുന്ന എല്ലാ പരീക്ഷകളും (തിയറി, പ്രാക്ടിക്കൽ & വൈവ വോസി) മാറ്റിവച്ചു. പുതുക്കിയ പരീക്ഷാത്തീയതികൾ പിന്നീട് അറിയിക്കും.
ഒന്നാം വർഷ ബിരുദ പ്രവേശനം ട്രയൽ അലോട്ട്മെന്റ് പ്രസിദ്ധീകരിച്ചു
202223 അധ്യായന വർഷത്തിലെ ബിരുദ പ്രവേശനത്തിനുള്ള ട്രയൽ അലോട്ട്മെന്റ് വെബ്സൈറ്റിൽ http://admissions.keralauniversity.ac.in പ്രസിദ്ധീകരിച്ചു.വിദ്യാർഥികൾക്ക് അവരവരുടെ പ്രൊഫൈൽ ലോഗിൻ ചെയ്ത് ട്രയൽ അലോട്ട്മെന്റ് വിവരങ്ങൾ പരിശോധിക്കാം.
ഓപ്ഷൻ, പ്രൊഫൈൽ ആൻഡ് മാർക്ക് ഇംപ്രൂവ്മെന്റ് എന്നിവയിൽ വേണ്ട മാറ്റങ്ങൾ വരുത്തുന്നതിന് അഞ്ചു വരെ സമയം ഉണ്ടായിരിക്കും. ട്രയൽ അലോട്ട്മെന്റ് കഴിഞ്ഞ് വിദ്യാർഥികൾ പ്രൊഫൈലിൽ മാറ്റങ്ങൾ സാധ്യതയുള്ളതിനാൽ ട്രയൽ അലോട്ട്മെന്റിൽ ലഭിച്ച കോളജുകൾക്കും കോഴ്സുകൾക്കും തുടർന്ന് വരുന്ന അലോട്ട്മെന്റിൽ മാറ്റങ്ങൾ വരാം. പ്രൊഫൈലിൽ മാറ്റങ്ങൾ വരുത്തുന്നവർ പുതിയ പ്രിന്റ എടുത്ത് തുടർ ആവശ്യങ്ങൾക്കായി സൂക്ഷിക്കേണ്ടതാണ്. ഓണ്ലൈൻ അപേക്ഷയുടെ പ്രിന്റൗട്ട് സർവകലാശാലയിലേക്ക് അയയ്ക്കേണ്ടതില്ല.
ടൈംടേബിൾ
19 മുതൽ നടത്തുന്ന മൂന്നാം സെമസ്റ്റർ ബിഎ,ബിഎസ്സി, ബികോം ന്യൂജനറേഷൻ ഡബിൾ മെയിൻ പ്രോഗ്രാമുകളുടെ (2020 അഡ്മിഷൻ) ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
യൂണിവേഴ്സിറ്റി കോളജ് ഓഫ് എൻജിനിയറിംഗ്, കാര്യവട്ടത്തെ 2018 സ്കീം എട്ടാം സെമസ്റ്റർ, ജൂലൈ 2022 ലാബ് പരീക്ഷകൾ ഇന്നു മുതൽ അഞ്ചു വരെ നടത്തും. വിശദവിവരങ്ങൾ വെബ്സൈറ്റിൽ.
പുതിയ കോളജ്,പുതിയ കോഴ്സ്,നിലവിലുള്ള കോഴ്സുകളിൽ സീറ്റ് വർധനവ്
അധിക ബാച്ച് അപേക്ഷ ക്ഷണിച്ചു
2023 24 അധ്യായന വർഷത്തേയ്ക്ക് പുതിയ കോളേജ്,പുതിയ കോഴ്സ്,നിലവിലുളള കോഴ്സുകളിൽ സീറ്റ് വർധനവ്, അധിക ബാച്ച് എന്നിവയ്ക്ക് അപേക്ഷ ക്ഷണിച്ചുകൊണ്ട് കേരളസർവകലാശാല വിജ്ഞാപനം പുറപ്പെടുവിച്ചു. കേരളസർവകലാശാലയുടെ ഒൗദ്യോഗിക വൈബ്സൈറ്റിലെ www.keralauniversity.ac.in അഫിലിയേഷൻ പോർട്ടൽ മുഖേന ഓണ്ലൈനായി അപേക്ഷിക്കാം. വിജ്ഞാപനവും ഓണ്ലൈനായി അപേക്ഷിക്കുന്നതിനുളള നിർദേശങ്ങളും അഫിലിയേഷൻ പോർട്ടലിൽ ലഭ്യമാണ്. അപേക്ഷ സമർപ്പിക്കേണ്ട അവസാന തീയതി 31.
ഓണ്ലൈനായി അപേക്ഷ സമർപ്പിച്ചതിനുശേഷം അപേക്ഷയുടെ പ്രിന്റ് ഒൗട്ടും അനുബന്ധമായി അപ്ലോഡ് ചെയ്തിട്ടുള്ളവയുടെ അസൽ രേഖകളും സഹിതം രജിസ്ട്രാർ, കേരളസർവകലാശാല, സെനറ്റ്ഹൗസ് ക്യാന്പസ്, പാളയം 695 034 എന്ന വിലാസത്തിൽ തപാലിലോ നേരിട്ടോ 31നകം എത്തിക്കണം.
കവറിനു മുകളിലായി പുതിയ കോളജ്, പുതിയ കോഴ്സ്,നിലവിലുള്ള കോഴ്സുകളിൽ സീറ്റ് വർധനവ്,അധിക ബാച്ച്, ഇവയ്ക്കുളള അപേക്ഷ (ബാധകമായത്) എന്ന് രേഖപ്പെടുത്തേണ്ടതാണ്. 31 നുശേഷം ലഭിക്കുന്ന അപേക്ഷകൾ പരിഗണിക്കുന്നതല്ല.