എംഎസ്സി കംപ്യൂട്ടേഷണൽ ബയോളജി സീറ്റൊഴിവ്
കണ്ണൂർ സർവകലാശാലയുടെ പാലയാട് ഡോ. ജാനകി അമ്മാൾ കാമ്പസിൽ ഒന്നാം വർഷ എംഎസ്സി കംപ്യൂട്ടേഷണൽ ബയോളജി പ്രോഗ്രാമിൽ എസ്സി /എസ്ടി വിഭാഗത്തിൽ മൂന്നു സീറ്റ് ഒഴിവുണ്ട്. ബിഎസ്സി ലൈഫ് സയൻസ് വിഷയങ്ങൾ /കെമിസ്ട്രി /ഫിസിക്സ് /കംപ്യൂട്ടർ സയൻസ് /മാത്തമാറ്റിക്സ് യോഗ്യതയുള്ളവർ അസൽ രേഖകൾ സഹിതം ബയോടെക്നോളജി ആൻഡ് മൈക്രോബയോളജി വകുപ്പിൽ നാലിന് രാവിലെ 11ന് മുമ്പ് ഹാജരാകണം. ഫോൺ: 9110468045.
എംഎസ്സി ജ്യോഗ്രഫി സീറ്റ് ഒഴിവ്
കണ്ണൂർ സർവകലാശാല ഭൂമിശാസ്ത്ര പഠന വകുപ്പിൽ എംഎസ്സി ജ്യോഗ്രഫി പ്രോഗ്രാമിൽ എസ്ടി വിഭാഗക്കാർക്ക് സംവരണം ചെയ്ത ഒരു സീറ്റ് ഒഴിവുണ്ട്. യോഗ്യരായവർ അസൽ രേഖകൾ സഹിതം നാലിന് രാവിലെ 11ന് പയ്യന്നൂർ സ്വാമി ആനന്ദതീർഥ കാമ്പസിൽ പ്രവർത്തിക്കുന്ന പഠനവകുപ്പിൽ ഹാജരാകണം. ഫോൺ :9447085046
എംഎസ്സി മോളിക്യുലാർ ബയോളജി സീറ്റൊഴിവ്
കണ്ണൂർ സർവകലാശാലയുടെ പാലയാട് ഡോ. ജാനകി അമ്മാൾ കാമ്പസിൽ ഒന്നാംവർഷ എംഎസ്സി മോളിക്യുലാർ ബയോളജി പ്രോഗ്രാമിൽ എസ്സി/എസ്ടി വിഭാഗക്കാർക്ക് സംവരണം ചെയ്ത മൂന്ന ഒഴിവുകളുണ്ട്. താത്പര്യമുള്ള വിദ്യാർഥികൾ അസൽ സർട്ടിഫിക്കറ്റുകൾ സഹിതം ഇന്നു രാവിലെ 11ന് പാലയാട് കാമ്പസിലെ മോളിക്യുലാർ ബയോളജി പഠനവകുപ്പിൽ ഹാജരാകണം. ഫോൺ : 9663749475
എംഎസ്സി വുഡ് സയൻസ് ആൻഡ് ടെക്നോളജി സീറ്റൊഴിവ്
കണ്ണൂർ സർവകലാശാലയുടെ മങ്ങാട്ടുപറമ്പ് കാമ്പസിൽ എംഎസ്സി വുഡ് സയൻസ് ആൻഡ് ടെക്നോളജി (ഇൻഡസ്ട്രി ലിങ്ക്ഡ്) കോഴ്സിൽ എസ്ഇബിസി, പട്ടികജാതി/പട്ടിക വർഗ വിഭാഗത്തിൽ ഏതാനും ഒഴിവുകൾ ഉണ്ട്. ബിഎസ്സി ഫിസിക്സ്, കെമിസ്ട്രി, ഫോറസ്റ്ററി, ബോട്ടണി അല്ലെങ്കിൽ ഏതെങ്കിലും സയൻസ് ബിരുദം യോഗ്യതയുള്ളവർ അസൽ സർട്ടിഫിക്കറ്റുകൾ സഹിതം നാലിന് രാവിലെ 10.30 ന് നേരിട്ട് ഹാജരാകണം. ഫോൺ : 9496353817.
എംഎസ്സി ഫിസിക്സ് സീറ്റൊഴിവ്
കണ്ണൂർ സർവകലാശാല പയ്യന്നൂർ സ്വാമി ആനന്ദതീർഥ കാമ്പസിൽ എംഎസ്സി ഫിസിക്സ് (അഡ്വാൻസ്ഡ് മെറ്റീരിയൽസ്) പ്രോഗാമിൽ എസ്സി, എസ്ടി വിഭാഗത്തിൽ സീറ്റൊഴിവുണ്ട്. യോഗ്യരായവർ മൂന്നിന് രാവിലെ 10.30 ന് പഠനവകുപ്പിൽ എത്തണം. ഫോൺ: 9447458499.
എംഎസ്സി പ്ലാന്റ് സയൻസ് സീറ്റൊഴിവ്
കണ്ണൂർ സർവകലാശാല മാനന്തവാടി കാമ്പസിലെ എംഎസ്സി പ്ലാന്റ് സയൻസ് പ്രോഗ്രാമിൽ പട്ടികവർഗ വിഭാഗത്തിന് സംവരണം ചെയ്ത സീറ്റുകൾ ഒഴിവുണ്ട്. നിശ്ചിത യോഗ്യതയുള്ള വിദ്യാർഥികൾ നാളെ രാവിലെ 11.30ന് മാനന്തവാടി കാമ്പസിൽ കോഴ്സ് കോഓർഡിനേറ്റർ മുമ്പാകെ അസൽ രേഖകൾ സഹിതം ഹാജരാകണം.
ടൈടേബിൾ
20ന് ആരംഭിക്കുന്ന അഞ്ചാം സെമസ്റ്റർ ബിഎ എൽഎൽബി (റഗുലർ/സപ്ലിമെന്ററി/ഇംപ്രൂവ്മെന്റ്2012 അഡ്മിഷൻ മുതൽ), നവംബർ 2021 പരീക്ഷാടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
പരീക്ഷാഫലം
അഫിലിയേറ്റഡ് കോളജുകളിലെയും സെന്ററുകളിലെയും മൂന്നാം സെമസ്റ്റർ എംബിഎ (റഗുലർ/സപ്ലിമെന്ററി), ഒക്ടോബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനഃപരിശോധനയ്ക്കും സൂക്ഷ്മപരിശോധനയ്ക്കും പകർപ്പിനും 16വരെ ഓൺലൈനായി അപേക്ഷിക്കാം.
പരീക്ഷാവിജ്ഞാപനം
സെപ്റ്റംബർ 13ന് ആരംഭിക്കുന്ന സർവകലാശാല പഠനവകുപ്പുകളിലെ രണ്ടാം സെമസ്റ്റർ പിജി/ബിപിഎഡ് (റഗുലർ/സപ്ലിമെന്ററി2018 അഡ്മിഷൻ മുതൽ), മേയ് 2022 പരീക്ഷകൾക്ക് ഈമാസം പത്തുമുതൽ 16 വരെ പിഴയില്ലാതെയും 19 വരെ പിഴയോടെയും അപേക്ഷിക്കാം. അപേക്ഷകളുടെ പ്രിന്റൗട്ട് 23നകം സർവകലാശാലയിൽ സമർപ്പിക്കണം. 2018 അഡ്മിഷൻ വിദ്യാർഥികളുടെ അവസാന അവസരമാണ്. വിശദമായ പരീക്ഷാവിജ്ഞാപനം സർവകലാശാല വെബ്സൈറ്റിൽ.